Oshipotha shedhipago shAaChina shuundulilwa kompangu yopombanda
KENYA KAMBOWE
MUKWE
Oshipotha shedhipago lyaHaushiku Muyevu (32) tashi tamanekelwa aakwashigwana yaChina ye li yaali, osha undulilwa kOmpangu yopombanda mOshakati.
Aatamanekwa, Xuefeng Chen (30) oshowo Zhenhai Zhou (32), mboka ye li pondje yodholongo ngashiingeyi komboloha yoshimaliwa shooN$100 000 kehe gumwe, oya holoka komeho yamangestrata, Sonia Samupofu mompangu yaMukwe. Momasiku 22 gaKotomba omvula yo 2020, ompangu oya undulile komeho oshipotha shoka pwaahena etokolo lyomupanguli-ndjai ngele ota pangula, ihe okwa ningwa etokolo opo oshipotha shoka shuundulilwe kOmpangu yoPombanda mOshakati. Aatamenekwa otaya holoka mompangu momasiku 17 gaFebruali. Aatamanekewa mboka ye li pondje yondjeedhihilo sho ya pewa omboloha, oya kunkililwa opo kaya ye ontuku.
Otaya tsikile nokukala taya ilopota kopolisi yaDivundu kehe Etitano na itaya pitikwa yaye mekwatathano noombangi moshipotha shoka.
Omikanda dhawo dhomalweendo otadhi tsikile okukala metonatelo lyopolisi.
Aatamanekwa mboka inaya zimina ondjo moshipotha shedhipago shoka taya tamanekelwa oshowo okukutha mo ondjembo pehala lyaayehe.
Aatamanekewa mboka oya yaha Muyevu iikando ine momasiku 17 gaApilili mo 2019. Palopota Muyevu, ngoka a li omuniilonga gwa gumwe gwomaatamanekwa okwa li ta pula ondjambi ye sha landula etidho lye miilonga esiku ndyoka.
Okwa tukuka oontamanana naatamanekwa oya yaha Muyevu, na oye u e tha a sile pondje yostola yawo.
Pethimbo yali taya ningi eindilo lyomboloha, aaafekelwa mboka oya holola kutya oyali taya igamene sho nakusa e ya ponokele nohamala.
Zhou okwa tindi ehokololo lyepangelo kutya okwa zi koDivundu okuya koAndara noondjembo mbali ndhoka dha longithwa okudhipaga Muyevu.
Okwa popi kutya oha kala noondjembo dhe aluhe, omanga Chen aluhe a kala nondjembo ye mostola ye.
Zhou okwa popi kutya sho a thiki postola yaChen, Muyevu naChen oya li nale moontamanana.
Okwa tsikile kutya omanga yo naChen yali konima yomalandithilo, oya mono Muyevu ta kutha ohamala mostola.
Okwa popi kutya Muyevu okwe ya puyo, Chen okwa kutha ondjembo opo iigamene. Zhou okwa tsikile kutya omanga Chen maMuyevu taya kondjo, okwa mono kutya Muyevu okwa li ta vulu okudhenga Chen nomahala.
Okwa kutha ondjembo ye na okwa yaha Muyevu kokwaako kwokolulyo.
Olopota dhompangu odha holola kutya oofamili dhaatamanekwa odha longitha oshimaliwa shooN$39 000 mokukwathela ofamili yaMuyevu, shiikwatelela pampango yopamudhigululwakalo.
[email protected]
MUKWE
Oshipotha shedhipago lyaHaushiku Muyevu (32) tashi tamanekelwa aakwashigwana yaChina ye li yaali, osha undulilwa kOmpangu yopombanda mOshakati.
Aatamanekwa, Xuefeng Chen (30) oshowo Zhenhai Zhou (32), mboka ye li pondje yodholongo ngashiingeyi komboloha yoshimaliwa shooN$100 000 kehe gumwe, oya holoka komeho yamangestrata, Sonia Samupofu mompangu yaMukwe. Momasiku 22 gaKotomba omvula yo 2020, ompangu oya undulile komeho oshipotha shoka pwaahena etokolo lyomupanguli-ndjai ngele ota pangula, ihe okwa ningwa etokolo opo oshipotha shoka shuundulilwe kOmpangu yoPombanda mOshakati. Aatamenekwa otaya holoka mompangu momasiku 17 gaFebruali. Aatamanekewa mboka ye li pondje yondjeedhihilo sho ya pewa omboloha, oya kunkililwa opo kaya ye ontuku.
Otaya tsikile nokukala taya ilopota kopolisi yaDivundu kehe Etitano na itaya pitikwa yaye mekwatathano noombangi moshipotha shoka.
Omikanda dhawo dhomalweendo otadhi tsikile okukala metonatelo lyopolisi.
Aatamanekwa mboka inaya zimina ondjo moshipotha shedhipago shoka taya tamanekelwa oshowo okukutha mo ondjembo pehala lyaayehe.
Aatamanekewa mboka oya yaha Muyevu iikando ine momasiku 17 gaApilili mo 2019. Palopota Muyevu, ngoka a li omuniilonga gwa gumwe gwomaatamanekwa okwa li ta pula ondjambi ye sha landula etidho lye miilonga esiku ndyoka.
Okwa tukuka oontamanana naatamanekwa oya yaha Muyevu, na oye u e tha a sile pondje yostola yawo.
Pethimbo yali taya ningi eindilo lyomboloha, aaafekelwa mboka oya holola kutya oyali taya igamene sho nakusa e ya ponokele nohamala.
Zhou okwa tindi ehokololo lyepangelo kutya okwa zi koDivundu okuya koAndara noondjembo mbali ndhoka dha longithwa okudhipaga Muyevu.
Okwa popi kutya oha kala noondjembo dhe aluhe, omanga Chen aluhe a kala nondjembo ye mostola ye.
Zhou okwa popi kutya sho a thiki postola yaChen, Muyevu naChen oya li nale moontamanana.
Okwa tsikile kutya omanga yo naChen yali konima yomalandithilo, oya mono Muyevu ta kutha ohamala mostola.
Okwa popi kutya Muyevu okwe ya puyo, Chen okwa kutha ondjembo opo iigamene. Zhou okwa tsikile kutya omanga Chen maMuyevu taya kondjo, okwa mono kutya Muyevu okwa li ta vulu okudhenga Chen nomahala.
Okwa kutha ondjembo ye na okwa yaha Muyevu kokwaako kwokolulyo.
Olopota dhompangu odha holola kutya oofamili dhaatamanekwa odha longitha oshimaliwa shooN$39 000 mokukwathela ofamili yaMuyevu, shiikwatelela pampango yopamudhigululwakalo.
[email protected]
Comments
Namibian Sun
No comments have been left on this article