Oshipotha shaLichtenstrasser tashi tsikile

Herma Prinsloo
OMUTOOLINKUNDANA GWOMENI

Moshipotha shedhipago tashi tamanekelwa Lichtenstrasser omolwa edhipago lyaakomeho yaali yoshiputudhio shoNIMT Eckhart Mueller oshowo omupeha gweHeimo Hellwig, omufali gwiihokolola kompangu, Antonia Verhoef oshiwike sha piti, okwa ithana omukonaakoni gwehala lyoshiningwanima Dino Skrywer opo a gandje uumbangi.

Skrywer okul Iomukonakoni pehala lyoshiningwanima momatungo goInstitute of Mining and Technology (NIMT) popepi noArandis momasiku 15 Apilili mo 2019.

Okwa popi kutya okwa thaneke omathano okuza pehala ndyoka na kwa monopo uumbangi.

Okwa popi kutya okwa adhapo iikuti ya longithwa yili ihetatu oshowo ooholo inadhi longa dhili ne, dhoka a pungula momakutu ga yooloka.

Okwa kutha woo omaumbangi gamwe kaanambelewa yopolisi ngoka a kala nago nalwanima okwe ga gandja koNamibian Institute of Forensic Science (NIFS) mOvenduka.

Omaumbangi gamwe iikuti ya longithwa ya dhika pehala lyokuumbila moTsumeb mpoka Lichtenstrasser a li iitheula okuumba oshowo iikuti ya adhika pegumbo lye pOtavi.

Okwa pewa woo iikutu mbyoka yali ya zalwa kuLichtenstrasser komupolisi gwedhina Engelhardt Garoëb, esiku edhipago ndyoka ya ningwa.

Pethimbo a ningilwa omapulo, Skrywer okwa zimine kutya ina monako oombinzi kiikutu mbyoka ya tumwa woo koNIFS opo yi ka ningilwe omakonaakono. Omaumbangi gamwe ga pewa oPolice Forensic Institute kuSkrywer ongaashi oohoo dhili 18 rounds ondjembo yobistoli yi na iikuti oshowo okandjato komoshiya kokuhumbata ondjembo.

Omuthaneki gwehala ndyoka Fernanda Ganda okwa gandja woo uumbangi mOmaandaha. Ganda okwa li a tumwa kehala ndyoka momasiku 17 gaMei mo 2019.

Oshipotha shoka otashi tsikile.

Comments

Namibian Sun 2025-07-12

No comments have been left on this article

Please login to leave a comment