Oshipangelo shaOpuwo sha taalela ompumbwe yomeya
Okwa lopotwa kutya oshipangelo shepangelo mOpuwo kashi na omeya okutameka Etitano lya piti, nomukundu ngoka ogwa etithwa kondjele yi li pevi yepombo lyomeya.
Ø
Ngoka ta longo pehala lyomukomeho gwUundjolowele mOshitopolwa shaKunene, Jason Nahepele okwa koleke konzonkundaneki yoNampa kombinga yomukundu ngoka.
Aapangwa naaniilonga moshipangelo shoka oya lulilwa nayi konkalo na oya ithana oshikundaneki shika mEtiyali taya nyenyeta kombinga yuupyakadhi mboka ya taalela na oya pula opo oshikundneki shi konge omayalukulo komalelo. Sho Nampa a dhengele oshipangelo shoka mEtitatu uupyakadhi mboka natango inawu kandulwa po.
Oonzo odha popi kutya oshitandelo, ewalanda lyokanyothi oshowo ewalanda ndyoka hali thikile aantu mboka ya pumbwa ekwatho meendelelo ogo omahala ga gumwa noonkondo koonkalo ndjoka. Elelo lyoondolopa ndjoka okwa lopotwa hali fala omeya nootenga koshipangelo kehe esiku.
Omuniilonga gumwe okwa popi kutya iiniima mbyoka ya pumbwa okuwapalekwa ngaashi omalapi ohayi falwa koshipangelo shaShakati opo yi ka wapalekwe. Aaniilonga yamwe oya popi kutya shika kashi shi oshikando shotango oshipangelo shoka tashi kala nuupyakadhi womeya uule womasiku na kaye shi kutya omolwashike elelo lyoshipangelo itali kongo ekanduepo lyomukundu ngoka.
Uupyakadhi mboka aniwa natango owali wa holoka muNovemba gwomvula ya piti. Omundokotola gopaumwene, Fillemon Nakanduungile okwa popi kutya ompumbwe yomeya mendiki lyuundjolowele tali vulu okweetitha ekanitho lyomwenyo.
“Omeya oga pumbiwa noonkondo mendiki lyundjolowele. Ohaga longithwa mokuyoga iikwaniipangitho uuna taku pangwa aapangwa, okwiiyoga konyala omanga ino panga omunuuvu nokonima,” omundohotola a ti.
Okwa tsikile kutya uundjugo itawu longo moshipangelo oshibli oshinima tashi limbilike noonkondo na otashi vulu okutaandelitha omauvu. Ngoka ta longo pehala lyomunambelewa omukuluntu gwelelo lyaPuwo, Obet Katjoho okwa popi kutya oya pumbwa opomba yokuyambulapo ondjele yepombo lyomeya mootenga dhoshipangelo. Okwa popi kutya oya ningi eindilo kuNamWater muNovemba.
NAMPA
Ngoka ta longo pehala lyomukomeho gwUundjolowele mOshitopolwa shaKunene, Jason Nahepele okwa koleke konzonkundaneki yoNampa kombinga yomukundu ngoka.
Aapangwa naaniilonga moshipangelo shoka oya lulilwa nayi konkalo na oya ithana oshikundaneki shika mEtiyali taya nyenyeta kombinga yuupyakadhi mboka ya taalela na oya pula opo oshikundneki shi konge omayalukulo komalelo. Sho Nampa a dhengele oshipangelo shoka mEtitatu uupyakadhi mboka natango inawu kandulwa po.
Oonzo odha popi kutya oshitandelo, ewalanda lyokanyothi oshowo ewalanda ndyoka hali thikile aantu mboka ya pumbwa ekwatho meendelelo ogo omahala ga gumwa noonkondo koonkalo ndjoka. Elelo lyoondolopa ndjoka okwa lopotwa hali fala omeya nootenga koshipangelo kehe esiku.
Omuniilonga gumwe okwa popi kutya iiniima mbyoka ya pumbwa okuwapalekwa ngaashi omalapi ohayi falwa koshipangelo shaShakati opo yi ka wapalekwe. Aaniilonga yamwe oya popi kutya shika kashi shi oshikando shotango oshipangelo shoka tashi kala nuupyakadhi womeya uule womasiku na kaye shi kutya omolwashike elelo lyoshipangelo itali kongo ekanduepo lyomukundu ngoka.
Uupyakadhi mboka aniwa natango owali wa holoka muNovemba gwomvula ya piti. Omundokotola gopaumwene, Fillemon Nakanduungile okwa popi kutya ompumbwe yomeya mendiki lyuundjolowele tali vulu okweetitha ekanitho lyomwenyo.
“Omeya oga pumbiwa noonkondo mendiki lyundjolowele. Ohaga longithwa mokuyoga iikwaniipangitho uuna taku pangwa aapangwa, okwiiyoga konyala omanga ino panga omunuuvu nokonima,” omundohotola a ti.
Okwa tsikile kutya uundjugo itawu longo moshipangelo oshibli oshinima tashi limbilike noonkondo na otashi vulu okutaandelitha omauvu. Ngoka ta longo pehala lyomunambelewa omukuluntu gwelelo lyaPuwo, Obet Katjoho okwa popi kutya oya pumbwa opomba yokuyambulapo ondjele yepombo lyomeya mootenga dhoshipangelo. Okwa popi kutya oya ningi eindilo kuNamWater muNovemba.
NAMPA
Comments
Namibian Sun
No comments have been left on this article