Oshana otashi tsikile nokumona omuloka guli nawa
Iitopolwa oyindji moooli yoshilongo oya mono omuloka guli nawa ongulohi yOsoondaha oshowo ongula yOmaandaha, noshitopolwa shaShana osho sha mono omuloka gu li pombanda.
Shika oshikando oshititatu iitopolwa yomonooli tayi lokwa nawa nomahala ogendji ngoka haga kala nomeya unene moshitopolwa shaShana oguudha nale omeya, omanga iitopolwa yimwe inaya lokwa natango.
Omwiidhi ogwa mene nawa moshitopolwa shaShana nokugandja omukumo kaanafaalama mboka iimuna yawo ngashiingeyi ya lambalala iishana tayi kongo omwiidhi, okuyeleka niitopolwa yimwe moka aanafaalama natango taya landele iimuna yawo iikulya.
Omuloka ogwa tameke petameko lyaKotomba, na okwa lokwa lumwe momwedhi Novemba na ogwa tameke ishewe ongulohi yOsoondaha. Moshitopolwa shaShana, Shiyenga oya tameke oku ga tilila pevi ongulohi yOsoondaha sigo ongula yOmaandaha. Omukunda Omaalala oshowo omidhingoloko dhopuushinda pokati kOndangwa nOngwediva odha lokwa omuloka gwa yelekwa noomilimeta 35.
Omunamimvo 90, Andreas Nenkavu gomomukunda Oshinyadhila moshitopolwa shaShana okwa popi kutya oya mono omuloka omuwanawa iikando itatu, niimuna ngashiingeyi otayi napa kuyoyene, ihe oku na omalimbililo omolwa ondjele onene yomvula ndjoka ya loko. Okwa popi kutya omuloka ngoka omunene unene petameko nokuna eikwato pomutima kutya otaku ka kala omuloka omunene muJanuari oshowo Februali nenge ka ku kale omuloka.
Omupopiliko gwelelo lyoshitopolwa shaKunene, Titiro Shilongo okwa popi kutya omudhingoloko gwaOpuwo ogwa lokwa petameko lyaKotomba nomeya ogali taga tondoka momilamba ihe omvula ndjoka inayi endululako we.
Okwa popi kutya ongulohi yOsoondaha okwa li taku lokwa sigo ongula yOmaandaha ihe omvula kaya li onene, nonkalo yoshikukuta moshitopolwa moka okwa lopotwa kutya inayi lunduluka.
Omahala ogendji moshitopolwa shaMusati natango oga kukuta na oga mono owala omuloka mOsoondaha.
Eenhana moshitopolwa shaHangwena na mo omwa lopotwa omuloka gu li nawa omanga mOmuthiya moshitopolwa shaShikoto na mo mwa mono ngaa omata gomvula.
ILENI NANDJATO
Omwiidhi ogwa mene nawa moshitopolwa shaShana nokugandja omukumo kaanafaalama mboka iimuna yawo ngashiingeyi ya lambalala iishana tayi kongo omwiidhi, okuyeleka niitopolwa yimwe moka aanafaalama natango taya landele iimuna yawo iikulya.
Omuloka ogwa tameke petameko lyaKotomba, na okwa lokwa lumwe momwedhi Novemba na ogwa tameke ishewe ongulohi yOsoondaha. Moshitopolwa shaShana, Shiyenga oya tameke oku ga tilila pevi ongulohi yOsoondaha sigo ongula yOmaandaha. Omukunda Omaalala oshowo omidhingoloko dhopuushinda pokati kOndangwa nOngwediva odha lokwa omuloka gwa yelekwa noomilimeta 35.
Omunamimvo 90, Andreas Nenkavu gomomukunda Oshinyadhila moshitopolwa shaShana okwa popi kutya oya mono omuloka omuwanawa iikando itatu, niimuna ngashiingeyi otayi napa kuyoyene, ihe oku na omalimbililo omolwa ondjele onene yomvula ndjoka ya loko. Okwa popi kutya omuloka ngoka omunene unene petameko nokuna eikwato pomutima kutya otaku ka kala omuloka omunene muJanuari oshowo Februali nenge ka ku kale omuloka.
Omupopiliko gwelelo lyoshitopolwa shaKunene, Titiro Shilongo okwa popi kutya omudhingoloko gwaOpuwo ogwa lokwa petameko lyaKotomba nomeya ogali taga tondoka momilamba ihe omvula ndjoka inayi endululako we.
Okwa popi kutya ongulohi yOsoondaha okwa li taku lokwa sigo ongula yOmaandaha ihe omvula kaya li onene, nonkalo yoshikukuta moshitopolwa moka okwa lopotwa kutya inayi lunduluka.
Omahala ogendji moshitopolwa shaMusati natango oga kukuta na oga mono owala omuloka mOsoondaha.
Eenhana moshitopolwa shaHangwena na mo omwa lopotwa omuloka gu li nawa omanga mOmuthiya moshitopolwa shaShikoto na mo mwa mono ngaa omata gomvula.
ILENI NANDJATO
Comments
Namibian Sun
No comments have been left on this article