Opombela yamalaria ya tameke mOngwediva
TUYEIMO HAIDULA
ONGWEDIVA
Elelo lyondoolopa yaNgwediva oshiwike sha piti olya tamekitha oshikonga shopombela yomukithi gwomalaria, mo Extension 11, Extension 15 oshowo New Reception konima sho kwa kolekwa oshipotha shimwe shomukithi ngoka mondoolopa ndjoka.
Omunambelewa omupopiliko gwelelo lyondoolopa ndjoka, Jackson Muma okwa popi kutya nonando okwa kolekwa owala oshipotha shimwe momidhingoloko dhoka, omidhingoloko dhilwe ngaashi Extension 14, Efidi Extension Four oshowo oshitopolwa shotango shaSky Phase, oshitiyali noshitopolwa oshititatu otashi ka mona woo opombela.
Muma okwa popi kutya opombela ndjoka ohayi ningwa kehe omvula onga oonkambadhala okuyanda omukithi gwomalaria.
Okwa popi kutya aanambelewa mboka oya zala omakalaganya omazizi na ohaya kala ya landulwa kiihauto yelelo lyondoolopa aluhe.
Aakalimo otaya kunkililwa opo kaya pitikile momagumbo gawo aantu yalwe mboka inaya pitikwa taya popi kutya oyeli aanambelelwa yelelo lyondoolopa.
Muma okwa popi kutya epombelo ndyoka lyomomagumbo olya simana molwashoka otali gandja egameno opo aantu kaya like koomwe.
Aakwashigwana okwa tegelelwa ya longekidhe omagumbo gawo, opo omuti ngoka kagu ye kiinima yawo yilwe.
Muma okwa tsikile kutya omakende naga kale ga patululwa pethimbo taku pombelwa naantu otaya vulu owala okugalukila momagumbo konima yoominute 30.
ONGWEDIVA
Elelo lyondoolopa yaNgwediva oshiwike sha piti olya tamekitha oshikonga shopombela yomukithi gwomalaria, mo Extension 11, Extension 15 oshowo New Reception konima sho kwa kolekwa oshipotha shimwe shomukithi ngoka mondoolopa ndjoka.
Omunambelewa omupopiliko gwelelo lyondoolopa ndjoka, Jackson Muma okwa popi kutya nonando okwa kolekwa owala oshipotha shimwe momidhingoloko dhoka, omidhingoloko dhilwe ngaashi Extension 14, Efidi Extension Four oshowo oshitopolwa shotango shaSky Phase, oshitiyali noshitopolwa oshititatu otashi ka mona woo opombela.
Muma okwa popi kutya opombela ndjoka ohayi ningwa kehe omvula onga oonkambadhala okuyanda omukithi gwomalaria.
Okwa popi kutya aanambelewa mboka oya zala omakalaganya omazizi na ohaya kala ya landulwa kiihauto yelelo lyondoolopa aluhe.
Aakalimo otaya kunkililwa opo kaya pitikile momagumbo gawo aantu yalwe mboka inaya pitikwa taya popi kutya oyeli aanambelelwa yelelo lyondoolopa.
Muma okwa popi kutya epombelo ndyoka lyomomagumbo olya simana molwashoka otali gandja egameno opo aantu kaya like koomwe.
Aakwashigwana okwa tegelelwa ya longekidhe omagumbo gawo, opo omuti ngoka kagu ye kiinima yawo yilwe.
Muma okwa tsikile kutya omakende naga kale ga patululwa pethimbo taku pombelwa naantu otaya vulu owala okugalukila momagumbo konima yoominute 30.
Comments
Namibian Sun
No comments have been left on this article