Opoloyela yolusheno lwoonkondo dhetango mOkatope ya tameke
04 February 2019 | Energy
Omahangano gatatu ngoka ga pewa ootendela kehangano lyoku andjakaneka olusheno moNamibia lyaNamPower, opo ga tulepo oosasiyona ndatu dhoolusheno lyoonkondo dhetango mOkatope moshitopolwa shaShikoto oga tameke iilonga.
NamPower okwa shaina omatsokumwe nomahangano gatatu gopaumwene opo ga tungepo oosasiyona tadhi ka longa oonkondo dholusheno dho15 MW kohi yoprograma tayi ithanwa renewable energy feed-in tariff (REFIT) programme.
Oosasiyona ndhoka oka tegelelwa dhi ka gandje olusheno kosasiyona onene yolusheno yaNamPower ndjoka tayi adhika mOkatope.
Uuyelele kombinga yopoloyeka ndjoka owa holekwa sho ehangano ndyoka lyoku andjakaneka olusheno oshowo omahangano ngoka gatatu inaga hala okugandja uuyelele owundji, omanga epangelo lyopaitopolwa lya holola kutya inali pewa uuyelele washa kombinga yopoloyeka ndjoka.
Monena NamPower oha gandja oonkondo dholusheno kosasiyona yomOkatope okuzilila kosasiyona yaRuacana okupitila mOmaruru oshowo Tsumeb, na okwa kala olundji egweko lyolusheno omolwa omaupyakadhi goongodhi ndhoka dha enda oshinano oshile.
Pauyelele mboka wa monika po koNamibian Sun, momvula yo2014, NamPower okwa pula omahangano opo ya ninge omaindilo gotendela yokugandja oonkondo dholusheno kosasiyona yawo mOkatope.
Momvula yo 2015, oElectricity Control Board (ECB) oya gandja otendela ndjoka koUnisun Energy, Tandii Investment oshowo NCF Energy. Unisun Energy oyi li oshitopolwa shoItalian Enertronica Group, omanga NCF Energy ehangano lya Australia.
Ehangano kehe otali ka tunga po osasiyona tayi vulu okugandja oonkondo dhoo 5 MW. Pahapu dhoECB oprograma yoREFIT power scheme oya nuninwa okweendelelita eyambulepo lyomapungulo moonkondo dholusheno paku gandja ookondalaka komahangano gopaumwene moindependent power producers (IPPs).
Molopota yawo yokomumvo yo 2017 ECB okwa holola kutya etulo miilonga lyoIPPs moshikondo sholusheno moNamibia osha pumbiwa noonkondo, unene sho oshilongo sha pumwa okweendela pamwe nomalunduluko oshowo iipumbiwa tayi pumbiwa moshikondo shoonkondo dholusheno enenevi oshowo muuyuni.
Sho oshifokudaneki shoNamibia Sun sha ningi ekwatathanonangoloneya gwoshitopolwa shaShikoto, Henock Kankoshi okwa popi kutya ke na ontseyo yopoloyeka ndjoka, okwa ukitha omapulo kukansela gwoshikandjohogololo Onyaanya, Petrus Kambala.
Sho a ningilwa omapulo, Kambala okwa popi kutya ombelewa ye inayi tseyithilwa kombinga yopoloyeka ndjoka. Okwa popi kutya oku na ontseyo kombinga yopoloyeka ihe ina pewa uuyelele.
ILENI NANDJATO
NamPower okwa shaina omatsokumwe nomahangano gatatu gopaumwene opo ga tungepo oosasiyona tadhi ka longa oonkondo dholusheno dho15 MW kohi yoprograma tayi ithanwa renewable energy feed-in tariff (REFIT) programme.
Oosasiyona ndhoka oka tegelelwa dhi ka gandje olusheno kosasiyona onene yolusheno yaNamPower ndjoka tayi adhika mOkatope.
Uuyelele kombinga yopoloyeka ndjoka owa holekwa sho ehangano ndyoka lyoku andjakaneka olusheno oshowo omahangano ngoka gatatu inaga hala okugandja uuyelele owundji, omanga epangelo lyopaitopolwa lya holola kutya inali pewa uuyelele washa kombinga yopoloyeka ndjoka.
Monena NamPower oha gandja oonkondo dholusheno kosasiyona yomOkatope okuzilila kosasiyona yaRuacana okupitila mOmaruru oshowo Tsumeb, na okwa kala olundji egweko lyolusheno omolwa omaupyakadhi goongodhi ndhoka dha enda oshinano oshile.
Pauyelele mboka wa monika po koNamibian Sun, momvula yo2014, NamPower okwa pula omahangano opo ya ninge omaindilo gotendela yokugandja oonkondo dholusheno kosasiyona yawo mOkatope.
Momvula yo 2015, oElectricity Control Board (ECB) oya gandja otendela ndjoka koUnisun Energy, Tandii Investment oshowo NCF Energy. Unisun Energy oyi li oshitopolwa shoItalian Enertronica Group, omanga NCF Energy ehangano lya Australia.
Ehangano kehe otali ka tunga po osasiyona tayi vulu okugandja oonkondo dhoo 5 MW. Pahapu dhoECB oprograma yoREFIT power scheme oya nuninwa okweendelelita eyambulepo lyomapungulo moonkondo dholusheno paku gandja ookondalaka komahangano gopaumwene moindependent power producers (IPPs).
Molopota yawo yokomumvo yo 2017 ECB okwa holola kutya etulo miilonga lyoIPPs moshikondo sholusheno moNamibia osha pumbiwa noonkondo, unene sho oshilongo sha pumwa okweendela pamwe nomalunduluko oshowo iipumbiwa tayi pumbiwa moshikondo shoonkondo dholusheno enenevi oshowo muuyuni.
Sho oshifokudaneki shoNamibia Sun sha ningi ekwatathanonangoloneya gwoshitopolwa shaShikoto, Henock Kankoshi okwa popi kutya ke na ontseyo yopoloyeka ndjoka, okwa ukitha omapulo kukansela gwoshikandjohogololo Onyaanya, Petrus Kambala.
Sho a ningilwa omapulo, Kambala okwa popi kutya ombelewa ye inayi tseyithilwa kombinga yopoloyeka ndjoka. Okwa popi kutya oku na ontseyo kombinga yopoloyeka ihe ina pewa uuyelele.
ILENI NANDJATO
Classifieds