Opoloyeka yoPPPs tayi yambulapo Ondangwa
Nonando epangelo olya tetula omwaalu gwiimaliwa mbyoka hayi pewa oondoolopa, elelo lyondoolopa yaNdangwa olya ningi omatsokumwe gwopublic private partnerships (PPPs), opo ku vule okuwapalekwa evi mondoolopa okuhulitha po ompumbwe yomagumbo mokati kaakalimo mondoolopa ndjoka.
Omvula ya piti, iimaliwa mbyoka hayi pewa ondoolopa ndjoka kuuministeli oya shunitha pevi okuza poomiliyona 7.2 okuya poomiliyona 3.2.
Nonando ongaaka ondoolopa ndjoka oya yi momatsokumwe ngoka opo yi vule okwaadha omalalakano gawo goopoloyeka dhomayambulepo.
Muule woomwedhi dha piti, elelo lyondoolopa ndjoka olya nana omwaalu gwaapunguli, netsokumwe ndyoka opo lya shainwa ngashiingeyi noArk Industries Namibia otali ka tota po ehala lyokuwapaleka omeya, kongushu yoomiliyona 300.
Opoloyeka ndjoka kwa tegelelwa yi kale ya manithwa mo-2019, ota yi keeta pehulilo ekalo lyomeya gonyata mondoolopa nomomahala gomagumbo gaakwashigwana.
Aatseyinawa oya popi kutya ehala ndyoka otali ka longulula omeya opo ga vule okulongithwa muunamapya.
Oompito dhiilonga dhokapakathimbo dha thika po-50 otadhi keetwa po pethimbo taku tungwa ehala ndyoka omanga iilonga tayi kalelele ya thika po-27 tayi totwa po woo.
Pahapu dhOmunambelewa Omukuluntu gwelelo lyaNdangwa,Ismael Namgongo, etsokumwe lyoArk Industries oli li opoloyeka ya simana na otayi endele pamwe noompangela dhondoolopa dhokukala yimwe yomoondoolopa dha yambukapo moshilongo.
Elelo lyondoolopa olya shaina woo etsokumwe noTrans-Kalahari Logistics opo ku tungwe po ehala lyoongeshefa mwa kwatelwa oompungulilo dhokutalaleka dhongushu yoomiliyona 250.
Opoloyeka ndjoka otaku pangelwa yi ka kala ya manithwa muule woomvula mbali niilonga yopakathimbo ya thika pe-100 otayi ka totwapo, omanga mbyoka tayi kalelele tayi kala yi li po-80.
Ehangano ndyoka olya pewa woo evi lyuunene woohecta 2 moextension 18.
Pahapu dhomukomeho gwehangano ndyoka Joseph Mundjele, opoloyeka ndjoka otayi endele pamwe noompangela dhepangelo dhokukondjitha okwaahena iilonga noluhepo.
Natango ondoolopa ndjoka otayi metsokumwe lyoPPP nehangano lyo Sun Investment Group, lyomukwashigwana gwaChina ngoka e li monena ta tamanekelwa oshipotha shiimbuluma yeholeko lyoonzo dhiimaliwa, Jack Huang. Ehangano ndyoka otali ka wapaleka ooplota dha thika po-500 nokutunga omagumbo gondando yopevi mo extansion 32 no 33 kongushu yoomiliyona 300.
KENYA KAMBOWE
Omvula ya piti, iimaliwa mbyoka hayi pewa ondoolopa ndjoka kuuministeli oya shunitha pevi okuza poomiliyona 7.2 okuya poomiliyona 3.2.
Nonando ongaaka ondoolopa ndjoka oya yi momatsokumwe ngoka opo yi vule okwaadha omalalakano gawo goopoloyeka dhomayambulepo.
Muule woomwedhi dha piti, elelo lyondoolopa ndjoka olya nana omwaalu gwaapunguli, netsokumwe ndyoka opo lya shainwa ngashiingeyi noArk Industries Namibia otali ka tota po ehala lyokuwapaleka omeya, kongushu yoomiliyona 300.
Opoloyeka ndjoka kwa tegelelwa yi kale ya manithwa mo-2019, ota yi keeta pehulilo ekalo lyomeya gonyata mondoolopa nomomahala gomagumbo gaakwashigwana.
Aatseyinawa oya popi kutya ehala ndyoka otali ka longulula omeya opo ga vule okulongithwa muunamapya.
Oompito dhiilonga dhokapakathimbo dha thika po-50 otadhi keetwa po pethimbo taku tungwa ehala ndyoka omanga iilonga tayi kalelele ya thika po-27 tayi totwa po woo.
Pahapu dhOmunambelewa Omukuluntu gwelelo lyaNdangwa,Ismael Namgongo, etsokumwe lyoArk Industries oli li opoloyeka ya simana na otayi endele pamwe noompangela dhondoolopa dhokukala yimwe yomoondoolopa dha yambukapo moshilongo.
Elelo lyondoolopa olya shaina woo etsokumwe noTrans-Kalahari Logistics opo ku tungwe po ehala lyoongeshefa mwa kwatelwa oompungulilo dhokutalaleka dhongushu yoomiliyona 250.
Opoloyeka ndjoka otaku pangelwa yi ka kala ya manithwa muule woomvula mbali niilonga yopakathimbo ya thika pe-100 otayi ka totwapo, omanga mbyoka tayi kalelele tayi kala yi li po-80.
Ehangano ndyoka olya pewa woo evi lyuunene woohecta 2 moextension 18.
Pahapu dhomukomeho gwehangano ndyoka Joseph Mundjele, opoloyeka ndjoka otayi endele pamwe noompangela dhepangelo dhokukondjitha okwaahena iilonga noluhepo.
Natango ondoolopa ndjoka otayi metsokumwe lyoPPP nehangano lyo Sun Investment Group, lyomukwashigwana gwaChina ngoka e li monena ta tamanekelwa oshipotha shiimbuluma yeholeko lyoonzo dhiimaliwa, Jack Huang. Ehangano ndyoka otali ka wapaleka ooplota dha thika po-500 nokutunga omagumbo gondando yopevi mo extansion 32 no 33 kongushu yoomiliyona 300.
KENYA KAMBOWE
Comments
Namibian Sun
No comments have been left on this article