Opoloyeka yokugandja uukwathitho kaanona yaakadhona

Egandjo lyomagano ndyoka olya tameke mOvenduka na okwa tegelelwa li ka ningwe mooskola dhomuushayi moshilongo ashihe. Hatupopi okwa popi kutya okwa tokola okutula miilonga opoloyeka ndjoka, omolwa onge ndjoka e na naanaskola aakiintu mboka haya thigipo nokuli ooskola molwaashoka oya taalela ompumbwe yuukwathitho uuna yeli komathimbo. “Onda talele po ooskola dha yoloka monooli yoshilongo muJanuari na onda kumwa sho aanona oyendji haya longitha oombaapila oshowo uututa ye wu kutha kutha komatalashe pethimbo yeli komathimbo. Onda tokola okuyambidhidha aanona mboka,” Hatupopi a ti. Okwa popi kutya omakwatho ngoka oga nuninwa aanona yaakadhona mboka taya lumbu moluhepo. “Otatu ka tala unene kooskola dhomuushayi unene moshitopolwa shaHangwena.” Okwa popi kutya okwa gongela uukwathitho wa thika po-8 000 mboka taka hawaleka aanona yaakadhona unene mooskola dhomuushayi moshilongo ashihe. Okwa pula aalumentu opo ya kuthe ombinga moshiyetwa po shoka nokugandja omakwatho kaanona yaakadhona. “Aantu otaya popi kutya oshidhigu opo aalumentu ya gandje omakwatho ngoka na otandi tsu kumwe nayo, ihe ondi na einekelo kutya aalumentu nayo oya pumbwa okuninga sha. Shoka twa pumbwa okuuvako ooshoka kutya ope na ompumbwe opo tu gandje omakwatho kaanona yetu na otwa pumbwa oku ya kwatha,” Hatupopi ta ti. Queen Moseke, omunaskola okwa popi kutya aanona oyendji yaakadhona ohaya ningwa nayi kooskola uuna ya kala komathimbo e taga monika omolwa ompumbwe yuugamenitho.Okwa popi kutya aakadhona yamwe ohaya hulitha okuya kootundi molwaashoka ohaya yolwa uuna shoka sha holoka. SHONA NGAVA

Opoloyeka yokugandja uukwathitho kaanona yaakadhona

Comments

Namibian Sun 2025-06-19

Please login to leave a comment

Opoloyeka yokugandja uukwathitho kaanona yaakadhona

Comments

Namibian Sun 2025-06-19

Please login to leave a comment

Login