Opolisi yili ponomola yotango momamonitho giihuna
Ombelewa yOmbudsman oya holola kutya opolisi otayi tamanekelwa omiyonena dhuuthemba womuntu tadhi ningilwa aafekelwa nookwatwa moondjeedhililo noodholongo moshilongo.
JEMIMA BEUKES
OVENDUKA
Okwa pitithwa olopota ndjoka ya holola kutya iipotha yili po 1 719 oya lopotelwa Ombelewa yOmbudsman pokati komvula yo 2018 no 2020. Iipotha yili po 703 oya lopotwa moondjeedhililo oshowo 333 moodholongo.
Iipotha yimwe ongaashi mondjeedhililo yopolisi yaCoblenz moka aanambelewa yopolisi taya lipo iikulya ya nuninwa ookwatwa noku dhi thiga tadhi si ondjala.
MoGrootfontein, ookwatwa dhili 88 odha adhika dha tulwa mondjeedhililo tayi li monkalo ombwaanawa mwaahena uundjugo nuuiyogelo. Mondjeedhililo yaTavi, ookwatwa 25 odha thiminikwa okulongitha uundjugo pwaahena oombapila dhomuundjugo.
Otjituuo Police Station ookwatwa odha lopota kutya odha tulwa mondunda yimwe naalumentu yaali kaye li nawa pamadhilaadhilo mboka ya kala nokuya piyaganeka ihe opolisi oya tindi okwiikalekela aalumentu mboka.
Onandjamba Police Station, okwa monika kutya ope na oondjeedhililo hamano dha nuninwa okukala nookwatwa 30 ihe omwa tulwa ookwatwa 72, onga oshizemo shookwatwa tadhi kuthwa okuza koWakasamane oshowo Oshikuku.
Ondjedhililo yopolisi moTsumeb, okwa lopotwa yuudha noonkondo iikando ya thika puitatu omolwa etindilo lyomboloha naamboka taya pewa omboloha ihe itaya vulu okudhi futa.
Omadhengo
MoTsumeb, okwatwa yimwe oya popi kutya oya ponokelwa kookwatwa ookwawo nokukanitha omunwe gwe, ihe aanambelewa mboka yali miilonga oya tindi okupatulula oshipotha.
Momuthiya ondjeedhililo oyuudha noonkondo na kape na etulo miilonga lyomilandu dhoCovid-19 nenge ehala lyokwiikalekela ookwatwa oompe nenge hoka dha monika nomadhidhiliko goCovid-19.
Minista Dr Albert Kawana okwa popi kutya oonakumonika ondjo metanga lyOpolisi ohaya pewa omageelo, ta popi kutya okwa hala okunongonona nawa olopota ndjoka.
Omukomeho gwOpolisi Sebastian Ndeitunga, okwa popi kutya omupya omunene sho aapolisi taya tothwamo onga aamonithi yiihuna sho taya thigwa woo itaya vulu okwiigamena unene okuza kookwatwa dhoka inadhi hala okulongela kumwe nopolisi.
Okwa popi kutya ope na woo ookwatwa dhoka hadhi tile opolisi iithima iipyu nokudhenga woo ookwatwa ookwawo.
Okwa popi kutya oondjedhililo odhuudha shili, naashoka otashi ningitha iilonga yopolisi iidhigu okukondolola aanadholongo.
Elongitho pambambo lyoonkondo
Opolisi yaNamibia oya kala tayi nyenyetwa kutya otayi longitha pambambo oonkondo nokuya pondje uuthemba waakwashigwana.
Momvula yo 2019 Ompangu yoPombandeelela moshilongo
Oya gandja esindano kuBernhard Lazarus ngoka a futitha uuministeli wopolisi omolwa etulo miipandeko kali li mondjila nekano lyiimaliwa ya thika poN$300 000 okuza mohauto ye.
Okwa pula woo a futwe omolwa ekanitho lyiiyemo.
Lazarus ondunda ye yomanwino oya tewa momvula yo 2014 ihe okwa ndopa okulopota oshipotha shoka molwaashoka opolisi oya tindi okumukwathela.
Okwa ka konga ekwatho komunambelewa gumwe okuza koshikondo shiimbuluma inene ngoka e mu kwathele ihe lwanima opolisi oya ka popya kutya oye a longekidha mwene eteyo lyondunda ye.
Opolisi oyali ya shuna kondunda ye nokumu tula miipandeko miipathi yookastoma dhe, pwaahena woo omukanda gwompangu gwetulo miipandeko. Konima sho ye mu kaleke mondjeedhililo uule womasiku oye mu mangulula nokuhadhagula ehala lye pwaahena natango epitiko lyompangu.
OVENDUKA
Okwa pitithwa olopota ndjoka ya holola kutya iipotha yili po 1 719 oya lopotelwa Ombelewa yOmbudsman pokati komvula yo 2018 no 2020. Iipotha yili po 703 oya lopotwa moondjeedhililo oshowo 333 moodholongo.
Iipotha yimwe ongaashi mondjeedhililo yopolisi yaCoblenz moka aanambelewa yopolisi taya lipo iikulya ya nuninwa ookwatwa noku dhi thiga tadhi si ondjala.
MoGrootfontein, ookwatwa dhili 88 odha adhika dha tulwa mondjeedhililo tayi li monkalo ombwaanawa mwaahena uundjugo nuuiyogelo. Mondjeedhililo yaTavi, ookwatwa 25 odha thiminikwa okulongitha uundjugo pwaahena oombapila dhomuundjugo.
Otjituuo Police Station ookwatwa odha lopota kutya odha tulwa mondunda yimwe naalumentu yaali kaye li nawa pamadhilaadhilo mboka ya kala nokuya piyaganeka ihe opolisi oya tindi okwiikalekela aalumentu mboka.
Onandjamba Police Station, okwa monika kutya ope na oondjeedhililo hamano dha nuninwa okukala nookwatwa 30 ihe omwa tulwa ookwatwa 72, onga oshizemo shookwatwa tadhi kuthwa okuza koWakasamane oshowo Oshikuku.
Ondjedhililo yopolisi moTsumeb, okwa lopotwa yuudha noonkondo iikando ya thika puitatu omolwa etindilo lyomboloha naamboka taya pewa omboloha ihe itaya vulu okudhi futa.
Omadhengo
MoTsumeb, okwatwa yimwe oya popi kutya oya ponokelwa kookwatwa ookwawo nokukanitha omunwe gwe, ihe aanambelewa mboka yali miilonga oya tindi okupatulula oshipotha.
Momuthiya ondjeedhililo oyuudha noonkondo na kape na etulo miilonga lyomilandu dhoCovid-19 nenge ehala lyokwiikalekela ookwatwa oompe nenge hoka dha monika nomadhidhiliko goCovid-19.
Minista Dr Albert Kawana okwa popi kutya oonakumonika ondjo metanga lyOpolisi ohaya pewa omageelo, ta popi kutya okwa hala okunongonona nawa olopota ndjoka.
Omukomeho gwOpolisi Sebastian Ndeitunga, okwa popi kutya omupya omunene sho aapolisi taya tothwamo onga aamonithi yiihuna sho taya thigwa woo itaya vulu okwiigamena unene okuza kookwatwa dhoka inadhi hala okulongela kumwe nopolisi.
Okwa popi kutya ope na woo ookwatwa dhoka hadhi tile opolisi iithima iipyu nokudhenga woo ookwatwa ookwawo.
Okwa popi kutya oondjedhililo odhuudha shili, naashoka otashi ningitha iilonga yopolisi iidhigu okukondolola aanadholongo.
Elongitho pambambo lyoonkondo
Opolisi yaNamibia oya kala tayi nyenyetwa kutya otayi longitha pambambo oonkondo nokuya pondje uuthemba waakwashigwana.
Momvula yo 2019 Ompangu yoPombandeelela moshilongo
Oya gandja esindano kuBernhard Lazarus ngoka a futitha uuministeli wopolisi omolwa etulo miipandeko kali li mondjila nekano lyiimaliwa ya thika poN$300 000 okuza mohauto ye.
Okwa pula woo a futwe omolwa ekanitho lyiiyemo.
Lazarus ondunda ye yomanwino oya tewa momvula yo 2014 ihe okwa ndopa okulopota oshipotha shoka molwaashoka opolisi oya tindi okumukwathela.
Okwa ka konga ekwatho komunambelewa gumwe okuza koshikondo shiimbuluma inene ngoka e mu kwathele ihe lwanima opolisi oya ka popya kutya oye a longekidha mwene eteyo lyondunda ye.
Opolisi oyali ya shuna kondunda ye nokumu tula miipandeko miipathi yookastoma dhe, pwaahena woo omukanda gwompangu gwetulo miipandeko. Konima sho ye mu kaleke mondjeedhililo uule womasiku oye mu mangulula nokuhadhagula ehala lye pwaahena natango epitiko lyompangu.
Comments
Namibian Sun
No comments have been left on this article