Oomwedhi omugoyi dhiifundja nekengelelo
Omulumentu omunyasha okwa popi kutya okwa kala nokugandja omakwatho gopaiyemo kokanona ke hoka ka hulitha muJanuari nonando okwa kala i itaalithwa kutya okeli momwenyo na okeli nawa.
JEMIMA BEUKES
OVENDUKA
Omulumentu omunyasha okuli mehaluko nomoluhodhi olunene konima sho a nongele oshiwike shika kutya okamonakadhona hoka a li a thigi metonatelo noshiloshipyiyu lyayina, na okwa kala noku ka yambidhidha pashimaliwa, oka hulitha oomwedhi omugoyi dha piti.
Joseph Haikali, ngoka ha longele mofaalama yomuushayi moshitopolwa shaMaheke okwa lombwele opolisi oshiwike sha piti kutya yina oshowo mumwayinakadhona oya kala noku mu lombwela iifundja okuza petameko lyomvula ndjika tuli.
Aluhe ngele a hala okupopya nokamona Nangula, komvula yimwe noomwedhi heyali, Haikali okwa lombwelwa aluhe kutya okwa kotha nenge ota dhana nayakwawo momapandanda mOmbili moKatutura.
Haikali okwa popi kutya okwa kala ha tumu iimaliwa yokuyambidhidha okanona ke omathimbo gamwe tayi pulwa kuyina nenge kumumwayina kadhona mboka ya kala haya popi kutya Nangula ota pula iimaliwa yokulanda oKFC.
“Kakuna nawa omakuthikuthi goongodhi kofaalama na olundji ohandi londo komuti opo ndi vule okupopya nawa mongodhi, ethimbo kehe tandi dhenge nda hala okupopya nokanona kandje, onda pewa omaipopilo,” Haikali a popi.
A loloka iifundja
Sho a loloka okulombwelwa iifundja, Haikali okwa yi kOvenduka opo a ka mone okamona.
Yina okwa tembukapo pOmbili naashinda oye mu lombwele kutya sho yatembuka Nangula ka li nayo.
Aashiinda oya popi kutya Nangula okwa kala ta hepekwa nokuningwa nayi.
“Aashiinda oya popi kutya omumwandje okwa kala nokukuutumbithwa moshiyaha shomeya esiku alihe. Oye mu hwike woo nomeya omapyu. Ngele okwiinyateke meme namumwameme oya longitha oshiti shoshikombe opo ye mu wapaleke molwaashoka inaya hala oku mu kwata.”
Sho aashinda ya pula yina yaHaikali kutya omolwashike ta hepeke okanona, okwe ya pula opo yaye nako komagumbo gawo ngele oye na omukalo omuwanawa gwokumusila oshisho, opolisi ya lombwelwa.
Uuyelele wiifundja
Sho okanona kakanitha oonkondo oka falwa moshipangelo shaKatutura momasiku gatano gaJanuari, kumumwayina gwaHaikali ngoka a gandja uuyelele wiifundja komupangi.
Momasiku 20 gaJanuari, Nangula okwa hulitha komanyutu.
Omolwa uuyelele nonomola dhoongodhi dhiifundja dhoka dha gandjwa, oshipangelo inashi vula okuya mekwatathano nofamili yaNangula.
Haikali okwa talelepo oshipangelo oshiwike sha piti, na okwa lombwelwa kutya okanona oka hulitha muJanuari nolutu lwako oluli mokila inali ilwako natango,noshipangelo osha li tashi longekidha okuningila Nangula efumbiko, pamwe noonakusa mboka inaya katalwako kokila. “Sho nda tseyithile meme kutya Nangula okwa hulitha na onde mu pula kombinga yomahepeko ngoka e mu ningile, okwa lombwelendje kutya Nangula haye gotango ta si na haye e mu tumine omukithi ngoka gwe mu dhipaga.” Yina yaHaikali pamwe namumwayina oya tulwa miipandeko na oya tulilwamo oshipotha shedhipago lyaashi lyoshiningilawina oshowo okwaahasila oshisho okanona.
Yina yokanona, Maria !Naris, okwa popi kutya okuuva nayi. “Oya dhipaga okanona kandje.” !Naris okwa popi kutya okanona okeetwa kOvenduka molwaashoka kali ta vulu okukasila oshisho sho a li ta ehama.
[email protected]
OVENDUKA
Omulumentu omunyasha okuli mehaluko nomoluhodhi olunene konima sho a nongele oshiwike shika kutya okamonakadhona hoka a li a thigi metonatelo noshiloshipyiyu lyayina, na okwa kala noku ka yambidhidha pashimaliwa, oka hulitha oomwedhi omugoyi dha piti.
Joseph Haikali, ngoka ha longele mofaalama yomuushayi moshitopolwa shaMaheke okwa lombwele opolisi oshiwike sha piti kutya yina oshowo mumwayinakadhona oya kala noku mu lombwela iifundja okuza petameko lyomvula ndjika tuli.
Aluhe ngele a hala okupopya nokamona Nangula, komvula yimwe noomwedhi heyali, Haikali okwa lombwelwa aluhe kutya okwa kotha nenge ota dhana nayakwawo momapandanda mOmbili moKatutura.
Haikali okwa popi kutya okwa kala ha tumu iimaliwa yokuyambidhidha okanona ke omathimbo gamwe tayi pulwa kuyina nenge kumumwayina kadhona mboka ya kala haya popi kutya Nangula ota pula iimaliwa yokulanda oKFC.
“Kakuna nawa omakuthikuthi goongodhi kofaalama na olundji ohandi londo komuti opo ndi vule okupopya nawa mongodhi, ethimbo kehe tandi dhenge nda hala okupopya nokanona kandje, onda pewa omaipopilo,” Haikali a popi.
A loloka iifundja
Sho a loloka okulombwelwa iifundja, Haikali okwa yi kOvenduka opo a ka mone okamona.
Yina okwa tembukapo pOmbili naashinda oye mu lombwele kutya sho yatembuka Nangula ka li nayo.
Aashiinda oya popi kutya Nangula okwa kala ta hepekwa nokuningwa nayi.
“Aashiinda oya popi kutya omumwandje okwa kala nokukuutumbithwa moshiyaha shomeya esiku alihe. Oye mu hwike woo nomeya omapyu. Ngele okwiinyateke meme namumwameme oya longitha oshiti shoshikombe opo ye mu wapaleke molwaashoka inaya hala oku mu kwata.”
Sho aashinda ya pula yina yaHaikali kutya omolwashike ta hepeke okanona, okwe ya pula opo yaye nako komagumbo gawo ngele oye na omukalo omuwanawa gwokumusila oshisho, opolisi ya lombwelwa.
Uuyelele wiifundja
Sho okanona kakanitha oonkondo oka falwa moshipangelo shaKatutura momasiku gatano gaJanuari, kumumwayina gwaHaikali ngoka a gandja uuyelele wiifundja komupangi.
Momasiku 20 gaJanuari, Nangula okwa hulitha komanyutu.
Omolwa uuyelele nonomola dhoongodhi dhiifundja dhoka dha gandjwa, oshipangelo inashi vula okuya mekwatathano nofamili yaNangula.
Haikali okwa talelepo oshipangelo oshiwike sha piti, na okwa lombwelwa kutya okanona oka hulitha muJanuari nolutu lwako oluli mokila inali ilwako natango,noshipangelo osha li tashi longekidha okuningila Nangula efumbiko, pamwe noonakusa mboka inaya katalwako kokila. “Sho nda tseyithile meme kutya Nangula okwa hulitha na onde mu pula kombinga yomahepeko ngoka e mu ningile, okwa lombwelendje kutya Nangula haye gotango ta si na haye e mu tumine omukithi ngoka gwe mu dhipaga.” Yina yaHaikali pamwe namumwayina oya tulwa miipandeko na oya tulilwamo oshipotha shedhipago lyaashi lyoshiningilawina oshowo okwaahasila oshisho okanona.
Yina yokanona, Maria !Naris, okwa popi kutya okuuva nayi. “Oya dhipaga okanona kandje.” !Naris okwa popi kutya okanona okeetwa kOvenduka molwaashoka kali ta vulu okukasila oshisho sho a li ta ehama.
[email protected]
Comments
Namibian Sun
No comments have been left on this article