Oomiliyona o243.8 dha nuninwa omayambulepo mOshana
13 July 2020 | Local News
NAMPA
OSHAKATI
Oshitopolwa shaShana osha pewa oshimaliwa shoomiliyona 243.8 moshikakomvula sho2020/21 pahapu dha ngoloneya gwoshitopolwa shaShana, Elia Irimari, mEtine lyoshiwike sha piti.
Irimari okwa popi ngaaka omanga ta popitha omutumba gu na sha nelelo lyoshitopolwa kombinga yeendelelitho lyetulo miilonga lyoopoloyeka moshitopolwa.
“Iimaliwa mboka otayi ka longitha miikondo yepangelo ya yooloka moshitopolwa na okwa tegelelwa omayambulepo ngoka taga gandja iizemo iiwanawa nokugandja uuwanawa kaakwashigwana.”
Ngoloneya okwa popi kutya oshi li momake gelelo lyoshitopolwa okutala omeho unene nokuyambidhidha oopoloyeka ndhoka nokukwashilipaleka kutya iimaliwa mbyoka oya longithwa megandjo lyuuwanawa koshigwana na kape na iimaliwa tayi shuna koshiketha kepangelo.
Irimari okwa popi kutya shoka otashi ka kwatha epangelo mokuyambulapo eliko oshowo okuyambidhidha oongeshefa dhoka dha dhengwa konkalo yombuto yoCovid-19.
Ngoloneya okwa popi kutya omutumba omutiyali otagu ka ningwa momasiku 23 gaJuli na otagu ka kaliwa kelelo aluhe lyoshitopolwa oshowo aakalelipo yoshigwana.
Elongululo lyiikwathitho yelongo omolwa oCovid-19 otayi ka pula oomiliyona dha thika po 59.5, elongo lyeyandjakaneko lyomeya otali ka pula oomiliyona 22.8, elongo lyiikwathitho yegandjo lyomayakulo mOndangwa otali ka pula oomiliyona 18 naadhoka odhimwe dhomoopoloyeka oonene moshitopolwa shaShana.
OSHAKATI
Oshitopolwa shaShana osha pewa oshimaliwa shoomiliyona 243.8 moshikakomvula sho2020/21 pahapu dha ngoloneya gwoshitopolwa shaShana, Elia Irimari, mEtine lyoshiwike sha piti.
Irimari okwa popi ngaaka omanga ta popitha omutumba gu na sha nelelo lyoshitopolwa kombinga yeendelelitho lyetulo miilonga lyoopoloyeka moshitopolwa.
“Iimaliwa mboka otayi ka longitha miikondo yepangelo ya yooloka moshitopolwa na okwa tegelelwa omayambulepo ngoka taga gandja iizemo iiwanawa nokugandja uuwanawa kaakwashigwana.”
Ngoloneya okwa popi kutya oshi li momake gelelo lyoshitopolwa okutala omeho unene nokuyambidhidha oopoloyeka ndhoka nokukwashilipaleka kutya iimaliwa mbyoka oya longithwa megandjo lyuuwanawa koshigwana na kape na iimaliwa tayi shuna koshiketha kepangelo.
Irimari okwa popi kutya shoka otashi ka kwatha epangelo mokuyambulapo eliko oshowo okuyambidhidha oongeshefa dhoka dha dhengwa konkalo yombuto yoCovid-19.
Ngoloneya okwa popi kutya omutumba omutiyali otagu ka ningwa momasiku 23 gaJuli na otagu ka kaliwa kelelo aluhe lyoshitopolwa oshowo aakalelipo yoshigwana.
Elongululo lyiikwathitho yelongo omolwa oCovid-19 otayi ka pula oomiliyona dha thika po 59.5, elongo lyeyandjakaneko lyomeya otali ka pula oomiliyona 22.8, elongo lyiikwathitho yegandjo lyomayakulo mOndangwa otali ka pula oomiliyona 18 naadhoka odhimwe dhomoopoloyeka oonene moshitopolwa shaShana.
Classifieds