Oomiliyona 74 dha kwatwako kepangelo
Epangelo moonkambadhala dhalyo okukondjitha uulingilingi olya kwatako oomiliyona 74, sha tseyithwa mOmutumba gwoPashigwana, kuHahende Ndjai gwepangelo, Albert Kawana, sha landula omapulo ngoka ga ningwa kiilyo yomutumba kombinga yoshipotha shoFishrot.
Aanapaliamende omwedhi gwa piti oya pula Kawana omapulo kombinga yoshipotha shoka sha tulitha konima yomakumba aanangeshefa oshowo oominista nale.
Ngoka a pula tango ngoka ta longo pehala lyominista yoohi, Albert Kawana omuleli gwongundu yoRally for Democracy and Progress (RDP), Mike Kavekotora ngoka a pula kutya osheende ngiini oshimaliwa shoomiliyona 17.5 shi tulwe komayalulo gombaanga yehangano lyaSisa Namandje okuza kehangano lya yama kepangelo lyoFishcor.
“Sha landula etulo miilonga lyOmpango yoAnti-Corruption Act oshowo Prevention of Organised Crime Act, oshimaliwa shoomiliyona 74.6 osha monika okuya pehulilo lyaJanuari nuumvo.”
Okwa popi kutya oshimaliwa shoka oshiikalekelwa moshiketha tashi ithanwa, Criminal Asset Reserve.
Okwa popi kutya omwaalu gwiihauto yontumba oya kwatwako kepangelo oshowo egumbo lyomOshakati ndyoka ngashiingeyi li li eliko lyepangelo.
Kombinga yoshipotha shoFishrot, Kawana okwa popi kutya moshipotha moka omu na omwaalu gwontumba gwiilongo mbyoka tayi kwathele Namibia. Kawana okwa popi kutya iilongo yimwe inayi nyanyukwa sho oshipotha shoka aluhe shi li miikundaneki niilongo yawo otayi tumbulwa, okwa popi kutya oolopota itadhi kolekwa otadhi vulu okweetitha iilongo yimwe yi kale itayi longele kumwe naNamibia moshipotha shoka.
Pehulilo lyomvula ya piti, Omupresidende Hage Geingob okwa gandja elombwelo kuKawana opo a ninge omakonaakono guulingilingi nuukombunda moshikondo shoohi.
Ominista nale yOohi, Bernhardt Esau pamwe naatamanekwa naye mwakwatelwa ominista nale yuuyuki, Sacky Shanghala, omunashipundi nale gwoFishcor, James Hatuikulipi, omunangeshefa Tamson 'Fitty' Hatuikulipi, oshowo menindjela nale mehangano lyoInvestec Asset Management , Ricardo Gustavo oshowo Pius Mwatelulo pamwe nomukomeho nale gwehangano lyoFishcor, Mike Nghipunya, oye li modholongo konima sho kwa lopotwa na otaya fekelwa kutya oya tambula oombumbo dhoshimaliwa sha thika poomiliyona 150, mepingakanitho negandjo lyookota dhokukwata oohi kehangano lyaIceland lyedhina Samherji.
OGONE TLHAGE
Aanapaliamende omwedhi gwa piti oya pula Kawana omapulo kombinga yoshipotha shoka sha tulitha konima yomakumba aanangeshefa oshowo oominista nale.
Ngoka a pula tango ngoka ta longo pehala lyominista yoohi, Albert Kawana omuleli gwongundu yoRally for Democracy and Progress (RDP), Mike Kavekotora ngoka a pula kutya osheende ngiini oshimaliwa shoomiliyona 17.5 shi tulwe komayalulo gombaanga yehangano lyaSisa Namandje okuza kehangano lya yama kepangelo lyoFishcor.
“Sha landula etulo miilonga lyOmpango yoAnti-Corruption Act oshowo Prevention of Organised Crime Act, oshimaliwa shoomiliyona 74.6 osha monika okuya pehulilo lyaJanuari nuumvo.”
Okwa popi kutya oshimaliwa shoka oshiikalekelwa moshiketha tashi ithanwa, Criminal Asset Reserve.
Okwa popi kutya omwaalu gwiihauto yontumba oya kwatwako kepangelo oshowo egumbo lyomOshakati ndyoka ngashiingeyi li li eliko lyepangelo.
Kombinga yoshipotha shoFishrot, Kawana okwa popi kutya moshipotha moka omu na omwaalu gwontumba gwiilongo mbyoka tayi kwathele Namibia. Kawana okwa popi kutya iilongo yimwe inayi nyanyukwa sho oshipotha shoka aluhe shi li miikundaneki niilongo yawo otayi tumbulwa, okwa popi kutya oolopota itadhi kolekwa otadhi vulu okweetitha iilongo yimwe yi kale itayi longele kumwe naNamibia moshipotha shoka.
Pehulilo lyomvula ya piti, Omupresidende Hage Geingob okwa gandja elombwelo kuKawana opo a ninge omakonaakono guulingilingi nuukombunda moshikondo shoohi.
Ominista nale yOohi, Bernhardt Esau pamwe naatamanekwa naye mwakwatelwa ominista nale yuuyuki, Sacky Shanghala, omunashipundi nale gwoFishcor, James Hatuikulipi, omunangeshefa Tamson 'Fitty' Hatuikulipi, oshowo menindjela nale mehangano lyoInvestec Asset Management , Ricardo Gustavo oshowo Pius Mwatelulo pamwe nomukomeho nale gwehangano lyoFishcor, Mike Nghipunya, oye li modholongo konima sho kwa lopotwa na otaya fekelwa kutya oya tambula oombumbo dhoshimaliwa sha thika poomiliyona 150, mepingakanitho negandjo lyookota dhokukwata oohi kehangano lyaIceland lyedhina Samherji.
OGONE TLHAGE
Comments
Namibian Sun
No comments have been left on this article