Ongeyo kombinga yompumbwe yegameno momambesa goIntercape
Omufaalelwa Omunamibia momambesa goIntercape okwa holola ongeyo ye omolwa ompumbwe yegameno momambesa ngoka, sha landula sho limwe lyomomambesa ngoka lya li molweendo pokati kaJohannesburg-Harare ya ponokelwa komulungu gwondjembo.
Pahapu dhaFenni Nghikevali okwa li a kala ombangi muulunga wa ningilwa ombesa yoIntercape molweendo okuya moTsumeb.
Nghikevali okwa hokolola shoka a mono kepandja lyoshifokundaneki shoNamibian Sun, sha landula oshinyolwa shomuyeka kwa homatiwa shoka sha ningilwa ombesa yoIntercape moJohannesburg momasiku 7 gaDecemba.
Pahapu dhaNghikevali okwa li molweendo okuya koTsumeb nombesa ndjoka.
“Mondoolopa yaKahandja aafaalelwa oya zi mo mombesa opo ya ka lande iikulya, kapwa li omuntu a tonatela ombesa noombudhi odha yi mo mombesa nokuyakamo iinima yaafaalelwa ngaashi oolaptop.”
Nghikevali okwa popi kutya oya kala uule wowili posasiyona yopolisi opo ya gandje omahokololo gawo.
“Kasha li oshiwanawa. Ondi uviteko kutya iinima yimwe ohayi vulu okuningwa shili, ihe Intercape okwa pumbwa okunkondopeka egameno lye. Oya kanitha ndje onga kastoma wawo.”
Nghikevali ina holola kutya shoka osha ningwa uunake.
Omuleshi gumwe, Amanda Gaoses Neé, okwa popi kutya olaptop oya monika kaakalimo yomOkahandja pwaahena eyambidhidho lyopolisi.
“Ihe Intercape okwa pumbwa shili okunkondopeka egameno lye. Onda yi kosasiyona yomahooli ndi ka tale okavidio hoka, aahingi inaya nongela shoka sha li tashi ningwa mombesa ndjoka.”
Konima yomapulo gontumba ga ningilwa Intercape sha landula omuyeka kwa homatiwa ngoka gwa ningilwa ombesa ye moSouth Africa, ehangano olya koleke mEtitano kutya kape na ngoka a tulwa miipandeko.
“Oshiningwanima shoka otashi konaakonwa nOpolisi yaSouth Africa otayi ningi omakonaakono, nopethimbo ndika itatu vulu okutya sha.”
Namibia Sun okwa pula natango Intercape kutya okwa tula shike miilonga opo a kwashilipaleke egameno lyaafaalelwa ye, unene pethimbo lyiituthi yomatango omanene sho Aanamibia oyendji ye Ii momalweendo okuya koSouth Africa nokuza ko, ihe omapulo ngoka inaga yamukulwa.
Intercape Media okwa koleke kutya ombesa yawo oya ningilwa omuyeka kwahomatiwa lwopotundi onti 23:00 momasiku ga 7 Decemba moSouth Africa.
Pahapu dhawo ombesa oya zi moJohannesburg na oya li mondjila okuya moHarare sho omuhingi pamwe naafaalelwa ye ya ponokelwa. Gumwe gwomaafaalelwa okwa pititha onkundana patumwalaka lyo Whatsapp.
Patumwalaka lya pitithwa, aafaalelwa yamwe oya dhengwa ihe kape na ngoka eehamekwa unene.
ELLANIE SMIT
Pahapu dhaFenni Nghikevali okwa li a kala ombangi muulunga wa ningilwa ombesa yoIntercape molweendo okuya moTsumeb.
Nghikevali okwa hokolola shoka a mono kepandja lyoshifokundaneki shoNamibian Sun, sha landula oshinyolwa shomuyeka kwa homatiwa shoka sha ningilwa ombesa yoIntercape moJohannesburg momasiku 7 gaDecemba.
Pahapu dhaNghikevali okwa li molweendo okuya koTsumeb nombesa ndjoka.
“Mondoolopa yaKahandja aafaalelwa oya zi mo mombesa opo ya ka lande iikulya, kapwa li omuntu a tonatela ombesa noombudhi odha yi mo mombesa nokuyakamo iinima yaafaalelwa ngaashi oolaptop.”
Nghikevali okwa popi kutya oya kala uule wowili posasiyona yopolisi opo ya gandje omahokololo gawo.
“Kasha li oshiwanawa. Ondi uviteko kutya iinima yimwe ohayi vulu okuningwa shili, ihe Intercape okwa pumbwa okunkondopeka egameno lye. Oya kanitha ndje onga kastoma wawo.”
Nghikevali ina holola kutya shoka osha ningwa uunake.
Omuleshi gumwe, Amanda Gaoses Neé, okwa popi kutya olaptop oya monika kaakalimo yomOkahandja pwaahena eyambidhidho lyopolisi.
“Ihe Intercape okwa pumbwa shili okunkondopeka egameno lye. Onda yi kosasiyona yomahooli ndi ka tale okavidio hoka, aahingi inaya nongela shoka sha li tashi ningwa mombesa ndjoka.”
Konima yomapulo gontumba ga ningilwa Intercape sha landula omuyeka kwa homatiwa ngoka gwa ningilwa ombesa ye moSouth Africa, ehangano olya koleke mEtitano kutya kape na ngoka a tulwa miipandeko.
“Oshiningwanima shoka otashi konaakonwa nOpolisi yaSouth Africa otayi ningi omakonaakono, nopethimbo ndika itatu vulu okutya sha.”
Namibia Sun okwa pula natango Intercape kutya okwa tula shike miilonga opo a kwashilipaleke egameno lyaafaalelwa ye, unene pethimbo lyiituthi yomatango omanene sho Aanamibia oyendji ye Ii momalweendo okuya koSouth Africa nokuza ko, ihe omapulo ngoka inaga yamukulwa.
Intercape Media okwa koleke kutya ombesa yawo oya ningilwa omuyeka kwahomatiwa lwopotundi onti 23:00 momasiku ga 7 Decemba moSouth Africa.
Pahapu dhawo ombesa oya zi moJohannesburg na oya li mondjila okuya moHarare sho omuhingi pamwe naafaalelwa ye ya ponokelwa. Gumwe gwomaafaalelwa okwa pititha onkundana patumwalaka lyo Whatsapp.
Patumwalaka lya pitithwa, aafaalelwa yamwe oya dhengwa ihe kape na ngoka eehamekwa unene.
ELLANIE SMIT
Comments
Namibian Sun
No comments have been left on this article