Ongendjo yongeleka ya yakwa po

ELLANIE SMIT OVENDUKA Kape na ngoka a tulwa miipandeko shi na sha nuulunga mboka, nomakonaakono gopolisi otaga tsikile.Moshiningwanima sha yooloka, mEtitano lya piti moAuspannplatz mOvenduka, omukiintu omunamimvo 23, omukwashigwana gwaSouth Afrika okwa tulwa miipandeko konima sho a dhenge noku ehameka omukwiita ngoka e li oshilyo shOperation Namib Desert. Oshiningwanima shoka osha holoka pethimbo iilyo yopatolola ndjoka ya li tayi pata ondunda yomanwino ndjoka ya li ya patuluka pethimbo lyoowili dhokupata moshitopolwa shaKhomas, omolwa eigidho lyomupresidende kombinga yomukithi gwocorona ngoka a tseyitha kutya inaku landithwa omalovu.Omukiintu ngoka okuli omwiilongi moshiputudhilo shoUniversity of Namibia (Unam). EkwatonkongaMetitano momukunda Ohamaala mOndobe, omukiintu gwoomvula 14 okwa kwatwa onkonga komulumentu gwoomvula dhaashiwike.Palopota yopolisi, omulumentu ngoka okwa adha okakadhona hoka oko akeke momugongo taka kolo, na okwe ka nana mokwaako sigo omoseti maandjawo yokakadhona na okwe ka kwata onkonga.Moshiningwanima shimwe omukiintu gwoomvula 19 okwa kwatwa onkonga komulumentu gwoomvula 18 mEtitano moSwakopo.Omukiintu okwa li ta zi mondunda yomanwino sho omufekelwa e mu nanene pehala lyiikalekelwa na okwe mu dhenge noku mu ningila omatilitho gedhipago, na okwe mu kwata onkonga. Omufekelwa okwa tulwa miipandeko.Metitano mOndangwa momukunda Ondukutu, omukiintu gwoomvula 19 okwa kwatwa onkonga komulumentu gwoomvula kadhi shiwike. Omulumentu okwa nanene omukiintu mondunda ye yokulala na okwe mu kwata onkonga. Omufekelwa okushiwike ihe ina tulwa miipandeko natango.Molyomakaya moTutaleni molukanda Twaloloka omukiintu okwiikutha epunda nokweekela okanona pokati komamanya. Omufelekwa okushiwike kopolisi.Omulumentu gwoomvula 39 okwa adhika a lala mekunku lyombinzi mEtitano popepi netoto lyiiyagaya moHavana.Okwa adhika niilalo sho a tsuwa mombunda, ontulo nomepunda. Omunamivo 23 omuniilonga gwehangano lyaShilimela Security Services okwa tulwa miipandeko shi na sha nedhipago ndyoka.Omukiintu omunaimvo 51 okwa tsuwa nombele yokapi mEtitano moSchlip. Okwa tsuwa montulo nokonima na okwa falwa mokaklinika kaSchlip moka a hulithila. Omunamimvo 32 okwa tulwa miipandeko.MoKarasburg, aalumentu yatatu AaNamibian oshowo OmuEgipiti gumwe oya tulwa miipandeko mOlyomaya kiilyo yOperation Namib Desert konima sho ya adhika niingangamiti yocannabis mehauto lyawo.Mosoondaha mOtjomuise, omulumentu gwoomvula 31 OmuNamibia okwa tulwa miipandeko sho a adhika noograma 100 dhiingangamithi yongushu yooN$50 000, pethimbo lyokashaya ka ningwa kopolisi. Oshimaliwa shooN$117 500, kuniwe einekelo kutya osha za melanditho lyiingangamithi osha kuthwa ko woo.

Ongendjo yongeleka ya yakwa po

Comments

Namibian Sun 2025-07-04

Please login to leave a comment

Ongendjo yongeleka ya yakwa po

Comments

Namibian Sun 2025-07-04

Please login to leave a comment

Login