'Ondi na ondjo'
Gumwe gwomaakiintu mboka taya tamanekelwa oshipotha shedhipago lyokanona kokakadhona mehuliloshiwikes lya piti mOvenduka, okwa popi kutya opo a li sho okanona hoka ka dhengwa sigo omeso komusamane gwe.
Omukiintu ngoka okwa popi kutya okwa kondjithwa komusamane gwe opo a ye pamwe naye sho a keekelahi olutu lwokanona hoka noku lu tomeka omulilo ihe Carolina Nkata okwa lombwele ompangu kutya ka li a kondjithwa okukalapo sho okanona hoka koomvula omugoyi ka dhipagwa.
Opolisi otayi konenene kutya okanona hoka oAkundaishe Natalie Chipomho, hoka omukanda gwako gwopassporta ogwo owala gwa adhika megumbo lyaatamanekwa.
Nkata nomukiintu taku fekelwa kutya oye yina yaChipombo, Rachel Kureva, oya holoka komeho yompangulilo yamangetrata mOvenduka mEtitatu.
Mangestrata Ndapewa Celma Amadhila okwa undulile oshipotha shawo komasiku 17 gaApilili na okwa dhimbulukitha aafekelwa kutya oye na uuthemba okuninga eindilo lyomboloha.
Otaya tamanekelwa oshipotha shedhipago, onkambadhala okuya moshipala iilonga yuuyuki oshowo okuyonagula omudhimba.
Omusamane gwaNkata okuli natango moshipangelo sha landula sho eehamekelwa moshiponga shohauto, pethimbo ohauto yopolisi moka a li konima sho a tulwa miipandeko ya gu nokugalangata omutenya gwOsoondaha.
Kureva, ngoka e li omupangi keithano okwa popi kutya otaka konga ekwatho lyohahende yopaumwene okupitila moLegalwise legal insurance na ina popya ngele oku na ondjo nenge ke na ondjo moshipotha shoka.
Nkata okwa popi kutya otiikalelepo yemwene, naasho a pulwa ngele oku na ondjo nenge ke na ondjo okwa popi kutya oku na ondjo kombinga yimwe, na okwa hokolola shoka sha ningwa po.
Mokavideo hoka ka monika oshiwike sha piti, Nkata okwa monika ye li pamwe nomusamane gwe ta nana endoloma lyiiyagaya moka mu na olutu lwokanona hoka.
Okwa popi kutya okwa ningi ngaaka shaaheli pahalo lye na oku na ondjo ombinga yimwe molwaashoka opo a li sho okanona hoka ka dhipagwa.
Konima sho a kala a mwena ethimbo ele, Nkata okwa popi kutya ye ina dhenga okanona hoka ihe okwa li po sho ka dhipagwa.
“Opo nda li sho okanona a si. Onda li po na okwa pulandje opo ndi ye naye tu ka holeke omudhimba. Ondi wete kutya ondi na ondjo…Opo nda li.”
Okwa gwedha po kutya omusamane gwe okwa yi oye awike a ka lande omahooli ngoka a longitha mokuhwikapo olutu lwokanona.
“Sho a yi a ka ekelehi olutu nokuhwikapo olutu, okwa kondjithandje tu ye naye.”
Omukalelipo gwepangelo moshipotha shoka, Andrie Jo-ann Hendricks okwa tindi egandjo lyomboloha kaafekelwa mboka, netompelo kutya oye li aakwashigwana yaZimbambwe na otaya vulu okuya ontuku.
[email protected]
JEMIMA BEUKES
Opolisi otayi konenene kutya okanona hoka oAkundaishe Natalie Chipomho, hoka omukanda gwako gwopassporta ogwo owala gwa adhika megumbo lyaatamanekwa.
Nkata nomukiintu taku fekelwa kutya oye yina yaChipombo, Rachel Kureva, oya holoka komeho yompangulilo yamangetrata mOvenduka mEtitatu.
Mangestrata Ndapewa Celma Amadhila okwa undulile oshipotha shawo komasiku 17 gaApilili na okwa dhimbulukitha aafekelwa kutya oye na uuthemba okuninga eindilo lyomboloha.
Otaya tamanekelwa oshipotha shedhipago, onkambadhala okuya moshipala iilonga yuuyuki oshowo okuyonagula omudhimba.
Omusamane gwaNkata okuli natango moshipangelo sha landula sho eehamekelwa moshiponga shohauto, pethimbo ohauto yopolisi moka a li konima sho a tulwa miipandeko ya gu nokugalangata omutenya gwOsoondaha.
Kureva, ngoka e li omupangi keithano okwa popi kutya otaka konga ekwatho lyohahende yopaumwene okupitila moLegalwise legal insurance na ina popya ngele oku na ondjo nenge ke na ondjo moshipotha shoka.
Nkata okwa popi kutya otiikalelepo yemwene, naasho a pulwa ngele oku na ondjo nenge ke na ondjo okwa popi kutya oku na ondjo kombinga yimwe, na okwa hokolola shoka sha ningwa po.
Mokavideo hoka ka monika oshiwike sha piti, Nkata okwa monika ye li pamwe nomusamane gwe ta nana endoloma lyiiyagaya moka mu na olutu lwokanona hoka.
Okwa popi kutya okwa ningi ngaaka shaaheli pahalo lye na oku na ondjo ombinga yimwe molwaashoka opo a li sho okanona hoka ka dhipagwa.
Konima sho a kala a mwena ethimbo ele, Nkata okwa popi kutya ye ina dhenga okanona hoka ihe okwa li po sho ka dhipagwa.
“Opo nda li sho okanona a si. Onda li po na okwa pulandje opo ndi ye naye tu ka holeke omudhimba. Ondi wete kutya ondi na ondjo…Opo nda li.”
Okwa gwedha po kutya omusamane gwe okwa yi oye awike a ka lande omahooli ngoka a longitha mokuhwikapo olutu lwokanona.
“Sho a yi a ka ekelehi olutu nokuhwikapo olutu, okwa kondjithandje tu ye naye.”
Omukalelipo gwepangelo moshipotha shoka, Andrie Jo-ann Hendricks okwa tindi egandjo lyomboloha kaafekelwa mboka, netompelo kutya oye li aakwashigwana yaZimbambwe na otaya vulu okuya ontuku.
[email protected]
JEMIMA BEUKES
Comments
Namibian Sun
No comments have been left on this article