'Onde mu hupita owala' - Leister
08 October 2020 | Local News
ADOLF KAURE
Swakopmund
Glenn Clifford Leister (26), ngoka ta tamanekwa oshipotha shekwatonkonga lyokakadhona koomvula 15, hoka kali meikalekelo omolwa ombuto yoCovid-19 moSwakopmund, okwa holoka oshikando oshitiyali ompangu.
Epangelo tali kalelwapo kuJohannes Shangadi, olya tindi omboloha omolwa kutya oshimbuluma shoka oshinene, nuutile kutya Leister otaka ya moshipala oombangi.
“Inatu ya momilalo, onde mu hupita owala mothingo nokumukwata,” omufekelwa a holola, omanga ta kengele omahodhi.
Epangelo olya popi kutya oli na uumbangi womatumwalaka gopangodhi gwa tuminwa nakuninga oshihakanwa komutamanekwa.
Shangadi okwa lombwele mangestrata Paula Nelao Brown kutya omakonaakono gopaunamiti otaga holola kutya okakadhona hoka okayiwa nako momilalo.
Okakadhona hoka oka lombwele omuzulinkalo kutya Leister okwe ka kwata mokwaako noonkondo konima sho a pata omweelo na okwe mu kwata komagundji omanga ine mu kwata onkonga.
Uumbangi wa gandjwa kepangelo owa holola kutya nakuninga oshihakanwa okwa pula Leister a hulithepo uuhwapindi mboka a li te mu ningile molwaashoka ote mu ehameke.
Omukalelipo gwopaveta gwaLeister, Jan Wessels okwa popi kutya nakuninga oshihakanwa aluhe okwa kala nongodhi ye, na okwa li e na andola okutseyithila aavali ye pehala lyomuhungimwenyo kombinga yomuyonena ngoka a ningilwa.
Wessels okwa tsikile kutya inashi ukilako opo omuntu ngoka a kwatwa onkonga a ye pondje a katale ngele kape na omuntu opo omutamanekwa a vule okuza mo mondunda.
[email protected]
Swakopmund
Glenn Clifford Leister (26), ngoka ta tamanekwa oshipotha shekwatonkonga lyokakadhona koomvula 15, hoka kali meikalekelo omolwa ombuto yoCovid-19 moSwakopmund, okwa holoka oshikando oshitiyali ompangu.
Epangelo tali kalelwapo kuJohannes Shangadi, olya tindi omboloha omolwa kutya oshimbuluma shoka oshinene, nuutile kutya Leister otaka ya moshipala oombangi.
“Inatu ya momilalo, onde mu hupita owala mothingo nokumukwata,” omufekelwa a holola, omanga ta kengele omahodhi.
Epangelo olya popi kutya oli na uumbangi womatumwalaka gopangodhi gwa tuminwa nakuninga oshihakanwa komutamanekwa.
Shangadi okwa lombwele mangestrata Paula Nelao Brown kutya omakonaakono gopaunamiti otaga holola kutya okakadhona hoka okayiwa nako momilalo.
Okakadhona hoka oka lombwele omuzulinkalo kutya Leister okwe ka kwata mokwaako noonkondo konima sho a pata omweelo na okwe mu kwata komagundji omanga ine mu kwata onkonga.
Uumbangi wa gandjwa kepangelo owa holola kutya nakuninga oshihakanwa okwa pula Leister a hulithepo uuhwapindi mboka a li te mu ningile molwaashoka ote mu ehameke.
Omukalelipo gwopaveta gwaLeister, Jan Wessels okwa popi kutya nakuninga oshihakanwa aluhe okwa kala nongodhi ye, na okwa li e na andola okutseyithila aavali ye pehala lyomuhungimwenyo kombinga yomuyonena ngoka a ningilwa.
Wessels okwa tsikile kutya inashi ukilako opo omuntu ngoka a kwatwa onkonga a ye pondje a katale ngele kape na omuntu opo omutamanekwa a vule okuza mo mondunda.
[email protected]
Classifieds