Omwaalu gwaantu taya tuntilwa tagu yi pombanda monooli
Pauyelele wa gandjwa koongoloneya moshitopolwa shaShana, Ohangwena nOmusati, omahwahwameko gotuntila yoCovid-19 oga tameke kashona ihe ngashiingeyi omwaalu gwaantu taya tuntilwa otagu londo pombanda.
TUNOHOLE MUNGOBA
OSHAKATI
Ø Momusati aanamikunda oyo unene ye na ohokwe
Ngoloneya gwoshitopolwa shaShana, Elia Irimari, okwa popi kutya omalelo guundjolowele moshitopolwa moka oga li ga manapo omiti dhotutilwa yoCovid-19 iiwike iyali ya piti ihe oya mono omuti gwoSinopharm mEtiyali.
“Otandi ti omwaalu gwomaso guli pombanda omolwa oCovid-19 ogwo gwa etitha aantu ya ka tuntilwe. Aantu oyendji ngashiigenyi otaya tseya kombinga yoshiponga shoCovid-19 na otaya tsu omukumo aakwanezimo yawo ya tuntilwe sho iipotha yomukithi ngoka ya londo pombanda mOshana muule womasiku ga piti,” Irimari a popi.
Okuya pehulilo lyoshiwike sha piti, aaakalimo yomOshana ye li 3 076 oya tuntilwa ootuntila dhiihwapo.
Ohangwena
Walde Ndevashiya, ngoloneya gwoshitopolwa shaHangwena okwa tamekitha omahwahwameko gotuntila oshiwike sha piti
“Ngashiingeyi otu na owala omahala gatatu gokutuntilila moshitopolwa ashihe. Ogo Engela, Eenhana nOkongo.”
Okwa popi kutya ookansela yiikandjohogololo otaya yi moshigwana nokutothamo omahala mpoka tapu vulu okuninga oomandiki gokutuntilila.
Oshitopolwa osha yaakula woo omuti gwoSinopharm na oshi na natango omuti gwoAstraZeneca ngoka gwa li gwa hupuko.
Okuya pehulilo lyoshiwike sha piti, aaakwashigwana yomOhangwena ye li 2 231 oya tutilwa ootuntila dhiihwapo.
Omusati
Ngoloneya gwoshitopolwa shaMusati, Erginus Endjala, okwa popi kutya aantu yomomikunda oyo unene ya holola ohokwe mokutuntilwa.
Okwa popi kutya aanyasha moshitopolwa inaya hala okutuntilwa na oyo taya mbandapaleke aantu kaya tuntilwe paku gandja omauyelele giifundja, nonando oyo taya fumbike aavali yawo kehe ehuliloshiwike.
Aantu mboka ya tuntilwa moshitopolwa oye li po 2 335.
John Hango, omukomeho gwuundjolowele mOhangwena, okwa popi kutya oshitopolwa osha ulike okomitiye yomafumbiko ndjoka tayi tothamo omahala mpoka tapu vulu okufumbikwa mboka ya hulitha koCovid-19, pamwe naakwashigwana.
Okwa popi kutya omahala tango opo geli nomahala gokufumbika inaga kala omukundu moshitopolwa shaHangwena.
OSHAKATI
Ø Momusati aanamikunda oyo unene ye na ohokwe
Ngoloneya gwoshitopolwa shaShana, Elia Irimari, okwa popi kutya omalelo guundjolowele moshitopolwa moka oga li ga manapo omiti dhotutilwa yoCovid-19 iiwike iyali ya piti ihe oya mono omuti gwoSinopharm mEtiyali.
“Otandi ti omwaalu gwomaso guli pombanda omolwa oCovid-19 ogwo gwa etitha aantu ya ka tuntilwe. Aantu oyendji ngashiigenyi otaya tseya kombinga yoshiponga shoCovid-19 na otaya tsu omukumo aakwanezimo yawo ya tuntilwe sho iipotha yomukithi ngoka ya londo pombanda mOshana muule womasiku ga piti,” Irimari a popi.
Okuya pehulilo lyoshiwike sha piti, aaakalimo yomOshana ye li 3 076 oya tuntilwa ootuntila dhiihwapo.
Ohangwena
Walde Ndevashiya, ngoloneya gwoshitopolwa shaHangwena okwa tamekitha omahwahwameko gotuntila oshiwike sha piti
“Ngashiingeyi otu na owala omahala gatatu gokutuntilila moshitopolwa ashihe. Ogo Engela, Eenhana nOkongo.”
Okwa popi kutya ookansela yiikandjohogololo otaya yi moshigwana nokutothamo omahala mpoka tapu vulu okuninga oomandiki gokutuntilila.
Oshitopolwa osha yaakula woo omuti gwoSinopharm na oshi na natango omuti gwoAstraZeneca ngoka gwa li gwa hupuko.
Okuya pehulilo lyoshiwike sha piti, aaakwashigwana yomOhangwena ye li 2 231 oya tutilwa ootuntila dhiihwapo.
Omusati
Ngoloneya gwoshitopolwa shaMusati, Erginus Endjala, okwa popi kutya aantu yomomikunda oyo unene ya holola ohokwe mokutuntilwa.
Okwa popi kutya aanyasha moshitopolwa inaya hala okutuntilwa na oyo taya mbandapaleke aantu kaya tuntilwe paku gandja omauyelele giifundja, nonando oyo taya fumbike aavali yawo kehe ehuliloshiwike.
Aantu mboka ya tuntilwa moshitopolwa oye li po 2 335.
John Hango, omukomeho gwuundjolowele mOhangwena, okwa popi kutya oshitopolwa osha ulike okomitiye yomafumbiko ndjoka tayi tothamo omahala mpoka tapu vulu okufumbikwa mboka ya hulitha koCovid-19, pamwe naakwashigwana.
Okwa popi kutya omahala tango opo geli nomahala gokufumbika inaga kala omukundu moshitopolwa shaHangwena.
Comments
Namibian Sun
No comments have been left on this article