Omutotipo gwoskola Ouvale a yi moshipundi shevululuko
TUNOHOLE MUNGOBA
OKALONGO
Josephine Shipopyeni, ngoka a totopo oskola yedhina Ouvale Combined School mOkalongo momvula yo 2002, okwa yi moshipundi shevululuko konima yoomvula 36 moshikondo shelongo moshitopolwa Omusati.
A valwa momvula yo 1961 momukunda Onokolo, Shipopyeni okwa ulikwa komukonaakoni gwelongo mOkalongo James Haufiku momvula yo 2002 opo a totepo oskola mOkalongo.
Oskola ndjoka oya tameke nondondo yotango naaanaskola owala 57 mboka ya longelwa pewalangandja pwaahena omeya nolusheno. Oskola ndjoka oya koko nomonena oyimwe yomooskola tadhi shi enditha nawa mekonaakono lyondondo onti 10.
Shipopyeni okwa sikola mOngwediva College.
“Iilonga yandje yotango onga omulongiskola onda tameke okuza momvula yo 1985 sigo 1990 pOmfitu YaNoyala Combined School, momukunda gwetu moshitopolwa shaMusati. Onda tuminwa kEpoko moshikandjolongo shaKalongo momvula yo1991,” Shipopyeni a hokolola.
Okwa thigipo iilonga konima yoomvula ntano opo a ka tsikile eilongo lye kOngwediva College.
MuJanuari gwomvua yo 2002, okwa ulikwa a totepo oskola Ouvale na okwa li ta longo ondondo yotango oye awike sigo omomwedhi Juni sho a wayiminwa komulongi gumwe.
“Momwedhi Kotomba onda ulikwa na onda ningwa omukuluntuskola noskola oya gwedhelwa ondondo sigo ontitatu. Otwa kutu woo aalongi yeli yane ya gwedhwapo.”
Momvula yo2008, Shipopyeni okwa mono ompito yokwiionga koZimbambwe hoka iilongo uule oomvula mbali.
Oskola ndjoka oya koko nomonena oyi na aanaskola 675 okuza kondondo yotango sigo ondondo ontimulongo.
Ouvale Combined School owe shi enditha nawa muule woomvula dha piti. Momvula yo 2017 sho oskola ndjoka ya shanga lotango ekonaakono lyondondo onti 10 oya piti noopresenda 72.5 omanga momvula 2018 ya piti noopresenda 85.7.
Oskola ngashiingeyi oyi na oongulu dhoskola dhili 20 nahamano dhomoongulu dhoka odha tungwa kaavali naakwashigwana. Okwa popi kutya elongo otali kala aluhe nehala lya shewa momutima gwe na ota tsikile nokukala omugandjimayele poskola ndjoka. Otaka kala ta longitha ethimbo lye mokutunga po oshigwana shomomudhingoloko gwe paku tala unene kopolotika oshowo kuunafaalama.
OKALONGO
Josephine Shipopyeni, ngoka a totopo oskola yedhina Ouvale Combined School mOkalongo momvula yo 2002, okwa yi moshipundi shevululuko konima yoomvula 36 moshikondo shelongo moshitopolwa Omusati.
A valwa momvula yo 1961 momukunda Onokolo, Shipopyeni okwa ulikwa komukonaakoni gwelongo mOkalongo James Haufiku momvula yo 2002 opo a totepo oskola mOkalongo.
Oskola ndjoka oya tameke nondondo yotango naaanaskola owala 57 mboka ya longelwa pewalangandja pwaahena omeya nolusheno. Oskola ndjoka oya koko nomonena oyimwe yomooskola tadhi shi enditha nawa mekonaakono lyondondo onti 10.
Shipopyeni okwa sikola mOngwediva College.
“Iilonga yandje yotango onga omulongiskola onda tameke okuza momvula yo 1985 sigo 1990 pOmfitu YaNoyala Combined School, momukunda gwetu moshitopolwa shaMusati. Onda tuminwa kEpoko moshikandjolongo shaKalongo momvula yo1991,” Shipopyeni a hokolola.
Okwa thigipo iilonga konima yoomvula ntano opo a ka tsikile eilongo lye kOngwediva College.
MuJanuari gwomvua yo 2002, okwa ulikwa a totepo oskola Ouvale na okwa li ta longo ondondo yotango oye awike sigo omomwedhi Juni sho a wayiminwa komulongi gumwe.
“Momwedhi Kotomba onda ulikwa na onda ningwa omukuluntuskola noskola oya gwedhelwa ondondo sigo ontitatu. Otwa kutu woo aalongi yeli yane ya gwedhwapo.”
Momvula yo2008, Shipopyeni okwa mono ompito yokwiionga koZimbambwe hoka iilongo uule oomvula mbali.
Oskola ndjoka oya koko nomonena oyi na aanaskola 675 okuza kondondo yotango sigo ondondo ontimulongo.
Ouvale Combined School owe shi enditha nawa muule woomvula dha piti. Momvula yo 2017 sho oskola ndjoka ya shanga lotango ekonaakono lyondondo onti 10 oya piti noopresenda 72.5 omanga momvula 2018 ya piti noopresenda 85.7.
Oskola ngashiingeyi oyi na oongulu dhoskola dhili 20 nahamano dhomoongulu dhoka odha tungwa kaavali naakwashigwana. Okwa popi kutya elongo otali kala aluhe nehala lya shewa momutima gwe na ota tsikile nokukala omugandjimayele poskola ndjoka. Otaka kala ta longitha ethimbo lye mokutunga po oshigwana shomomudhingoloko gwe paku tala unene kopolotika oshowo kuunafaalama.
Comments
Namibian Sun
No comments have been left on this article