Omuthiya gwa yamukula Mushelenga
30 August 2019 | Local News
Ominista yeyambulepo lyoondoolopa niitopolwa, Peya Mushelenga okwa koleke koNamibian Sun kutya okwa yakula olopota okuza kelelo lyondoolopa yaMuthiya, tagu popile etokolo lyawo opo kaya lelepeke okondalaka yiilonga yomunambelewa omukuluntu gwondoolopa ndjoka, Samuel Mbango.
Mushelenga, ngoka momukanda gwa shangwa momasiku gaali gaAguste a li pula elelo lyondoolopa ndjoka opo li shange omukanda tagu popile kutya omolwashike inali hala okulelepeka okondalaka ndjoka, a pula opo a kale a mona omukanda ngoka omanga omasiku 19 gomwedhi nguka inaga thikana, okwa popi kutya itaka topola nokugandjaa uuyelele mboka wu li molopota ndjoka ya gandjwa.
Pethimbo lyomutumba gwelelo lyondoolopa ngoka gwa ningwa momasiku ga 3 gaJuni, okwa ningwa etokolo opo okondalaka yaMbango kayi lelepekwe.
Mbango okwa tokola okufala elelo lyondoolopa ndjoka kompangu yaaniilonga omolwa okwiihumbatelwa konayi.
“Onda yakula enyenyeto okuza komunambelewa omukuluntu gwondoolopa ndjoka omolwa okondalaka ye ndjoka itayi lelepekwa na onda pula elelo lyondoolopa kutya omolwashike inali yamukula kombaapila yandje. Ngoka omakwatathano gomeni pokati kuuministeli nelelo ndyoka,” Mushelenga a lombwele oNamibian Sun. Oonzo odha popi kutya olopota ndjoka oya ningwa owala kookansela yane omanga yatatu inaya kutha ombinga.
Elelo lyondoolopa ndjoka okwa lopotwa lya topoka sho ookansela yatatu taya popile Mbango omanga yane itaye mu popile.
Pethimbo lyomutumba gwelelo lyondoolopa ngoka gwa ningwa momasiku ga 3 gaJuni, okwa ningwa etokolo opo okondalaka yaMbango kayi lelepekwe.
Ookansela yane - mayola Katrina Uusiku, omupeha gweHeskiel Nanyeni, omunashipundi gwelelo lyondoolopa Beata Nashongo oshowo oshilyo shelelo Enos Shipahu – ayehe oya hogolola ye li ompinge nelelepeko lyokondalaka yaMbango,na oye tu pe omatompelo kutya ina halika koshigwana. Mbango ngoka a kala omukomeho gwondoolopa ndjoka konima nkene ya totwapo, okwa popi kutya okondalaka ye otayi thiki pehulilo lyomwedhi nguka na itayi lelepekwa.
Okwa popi kutya okwa lopota oshikumungu shoka kuMushelenga oshowo kompangu yaaniilonga, ihe okwa tindi okuya muule washo. Okwa lopotwa kutya Mbango momukanda ngoka a shangele Mushelenga momasiku 10 gaJuni okwa popi kutya otaku longwa uulingilingi kookansela yane melelo lyondoolopa ndjoka, ya tumbulwa kutya Uusiku, Nanyeni, Nashongo oshowo Shipahu – mboka a popi kutya otaya ihiilitha ooplota yoyene inashi pewa ezimino kuuministeli.
Onzo oya popi kutya oshipotha shaMbango osha pulakenwa mompangu yaaniilonga mOndangwa oshiwike sha piti, na osha undulilwa komwedhi twa taalela.
Okomisi yokulwitha uulingilingi nayo oya koleke kutya otayi konaakona omanyenyeto guulingilingi ngoka taga popilwa ondoolopa yaMuthiya.
ILENI NANDJATO
Mushelenga, ngoka momukanda gwa shangwa momasiku gaali gaAguste a li pula elelo lyondoolopa ndjoka opo li shange omukanda tagu popile kutya omolwashike inali hala okulelepeka okondalaka ndjoka, a pula opo a kale a mona omukanda ngoka omanga omasiku 19 gomwedhi nguka inaga thikana, okwa popi kutya itaka topola nokugandjaa uuyelele mboka wu li molopota ndjoka ya gandjwa.
Pethimbo lyomutumba gwelelo lyondoolopa ngoka gwa ningwa momasiku ga 3 gaJuni, okwa ningwa etokolo opo okondalaka yaMbango kayi lelepekwe.
Mbango okwa tokola okufala elelo lyondoolopa ndjoka kompangu yaaniilonga omolwa okwiihumbatelwa konayi.
“Onda yakula enyenyeto okuza komunambelewa omukuluntu gwondoolopa ndjoka omolwa okondalaka ye ndjoka itayi lelepekwa na onda pula elelo lyondoolopa kutya omolwashike inali yamukula kombaapila yandje. Ngoka omakwatathano gomeni pokati kuuministeli nelelo ndyoka,” Mushelenga a lombwele oNamibian Sun. Oonzo odha popi kutya olopota ndjoka oya ningwa owala kookansela yane omanga yatatu inaya kutha ombinga.
Elelo lyondoolopa ndjoka okwa lopotwa lya topoka sho ookansela yatatu taya popile Mbango omanga yane itaye mu popile.
Pethimbo lyomutumba gwelelo lyondoolopa ngoka gwa ningwa momasiku ga 3 gaJuni, okwa ningwa etokolo opo okondalaka yaMbango kayi lelepekwe.
Ookansela yane - mayola Katrina Uusiku, omupeha gweHeskiel Nanyeni, omunashipundi gwelelo lyondoolopa Beata Nashongo oshowo oshilyo shelelo Enos Shipahu – ayehe oya hogolola ye li ompinge nelelepeko lyokondalaka yaMbango,na oye tu pe omatompelo kutya ina halika koshigwana. Mbango ngoka a kala omukomeho gwondoolopa ndjoka konima nkene ya totwapo, okwa popi kutya okondalaka ye otayi thiki pehulilo lyomwedhi nguka na itayi lelepekwa.
Okwa popi kutya okwa lopota oshikumungu shoka kuMushelenga oshowo kompangu yaaniilonga, ihe okwa tindi okuya muule washo. Okwa lopotwa kutya Mbango momukanda ngoka a shangele Mushelenga momasiku 10 gaJuni okwa popi kutya otaku longwa uulingilingi kookansela yane melelo lyondoolopa ndjoka, ya tumbulwa kutya Uusiku, Nanyeni, Nashongo oshowo Shipahu – mboka a popi kutya otaya ihiilitha ooplota yoyene inashi pewa ezimino kuuministeli.
Onzo oya popi kutya oshipotha shaMbango osha pulakenwa mompangu yaaniilonga mOndangwa oshiwike sha piti, na osha undulilwa komwedhi twa taalela.
Okomisi yokulwitha uulingilingi nayo oya koleke kutya otayi konaakona omanyenyeto guulingilingi ngoka taga popilwa ondoolopa yaMuthiya.
ILENI NANDJATO
Classifieds