Omutamanekwa a zimine ondjo moshipotha shedhipago
24 September 2020 | Local News
Adolf Kaure
Omulumentu gwoomvula 26 ngoka ta tamanekelwa oshipotha shedhipago, Showen van Wyk okwa zimine ondjo moshipotha shoka, pethimbo a holoka komeho yomupanguli moSwakopmund Metiyali.
Omutamanekwa okwa zimine ondjo pethimbo a ningilwa omapulo mompangulilo komufali gwiihokolola mompangu, Beata Mwahi.
“Otandi zimine ondjo molwaashoka ongame nde mu tsu,” van Wyk a popi.
Kwiikwatelelwa kolopota ya gandjwa komukwatakanithi nomukonaakoni gwiimbuluma moshitopolwa shErongo, Omupeha Komufala Erastus Iikuyu, van Wyk okwa tsu nakusa Patrick Bekker (28) nothingo yekende lya tatuka mOlyomakaya ga piti, komeho yondunda yomanwino yedhina, Komilunga Bar moMondesa moSwakopmund.
Oshiningwanima shoka osha landula oontamanana pokati kaamboka yaali.
“Nakua okwa hulithile pehala lyoshiningwanima nomutamanekelwa opo a tulilwa miipandeko,” iikuyu a popi.
Sho a pulwa kutya omolwashike a tsu nakusa, van Wyk okwa yamukula kutya molwaashoka olya li molugodhi.
Okwa tsikile kutya osha li omukalo gwokwiigamena molwaashoka nakusa okwe mu dhenge noongonyo. “Okwa tameke ta dhengendje noongonyo. Eyego lyandje olya teka,” van Wyk a popi.
Ezimino lye lyondjo olya lopotwa mompango yezimino lyondjo, onti 51 yomo 1977.
Mangestrata Nelao Paula Brown okwa tindi egandjo lyomboloha.
Omutamanekwa ota kala mondjeedhililo yaSwakopmund sigo omasiku 25 Novemba, opo opolisi yi vule okumanitha omakonaakono.
Omulumentu gwoomvula 26 ngoka ta tamanekelwa oshipotha shedhipago, Showen van Wyk okwa zimine ondjo moshipotha shoka, pethimbo a holoka komeho yomupanguli moSwakopmund Metiyali.
Omutamanekwa okwa zimine ondjo pethimbo a ningilwa omapulo mompangulilo komufali gwiihokolola mompangu, Beata Mwahi.
“Otandi zimine ondjo molwaashoka ongame nde mu tsu,” van Wyk a popi.
Kwiikwatelelwa kolopota ya gandjwa komukwatakanithi nomukonaakoni gwiimbuluma moshitopolwa shErongo, Omupeha Komufala Erastus Iikuyu, van Wyk okwa tsu nakusa Patrick Bekker (28) nothingo yekende lya tatuka mOlyomakaya ga piti, komeho yondunda yomanwino yedhina, Komilunga Bar moMondesa moSwakopmund.
Oshiningwanima shoka osha landula oontamanana pokati kaamboka yaali.
“Nakua okwa hulithile pehala lyoshiningwanima nomutamanekelwa opo a tulilwa miipandeko,” iikuyu a popi.
Sho a pulwa kutya omolwashike a tsu nakusa, van Wyk okwa yamukula kutya molwaashoka olya li molugodhi.
Okwa tsikile kutya osha li omukalo gwokwiigamena molwaashoka nakusa okwe mu dhenge noongonyo. “Okwa tameke ta dhengendje noongonyo. Eyego lyandje olya teka,” van Wyk a popi.
Ezimino lye lyondjo olya lopotwa mompango yezimino lyondjo, onti 51 yomo 1977.
Mangestrata Nelao Paula Brown okwa tindi egandjo lyomboloha.
Omutamanekwa ota kala mondjeedhililo yaSwakopmund sigo omasiku 25 Novemba, opo opolisi yi vule okumanitha omakonaakono.
Classifieds