Omuselekadhi a hupithwa kOmpangu yoPombanda
Ompangu yOpombanda mOvenduka oya kutha oonkondo egeelo lya li lya pewa omuselekadhi kompangu yopamuthigululwakalo yaGciriku opo a fute oongombe 15 nenge oshimaliwa shooN$30 000 kofamili yomusamane gwe ngoka iidhipaga.
Ompangu oya ningi etokolo muuwanawa waHendrika Kashova Shiputa mEtitatu lyoshiwike sha piti.
Momwedhi Mei gwomvula ya piti, Shiputa okwa li a pulwa po a fute kompangu yopamudhigululwalo konima sho omusamane gwe, Mukwangu Haingura Mukwangu iidhipaga pakwiimangelekela momukunda gwaandjawo yaShiputa momwedhi Februali gwomvula ndjoka.
Omvula ya piti, hahende yaShiputa, Norman Tjombe okwa ningi eindilo mOmpangu yoPombanda opo etokolo lyompangu ndjoka yopamuthigululwakalo li talululwe nokukuthwa oonkondo.
Tjombe momukanda gwiikundaneki ngoka a pititha mEtitatu lya piti, okwa popi kutya etokolo lyOmpangu yoPombanda oli li esindano lyuuthemba waakiintu.
Okwa popi kutya aakiintu olundji oya taaalela omalundilo guulodhi unene momikunda niitopolwa yokuushayi. “Etokolo lyelelo lyopamuthigululwakalo nooyene yomikunda mboka ya ningi etokolo ndyoka olya kalekwa na olya kuthwa oonkondo. Shuputa ita ningwa sha manga.”
Omupeha Omupanguli Presidende, Hosea Angula oye a kwatele komeho oshipotha shoka.
NAMPA
Momwedhi Mei gwomvula ya piti, Shiputa okwa li a pulwa po a fute kompangu yopamudhigululwalo konima sho omusamane gwe, Mukwangu Haingura Mukwangu iidhipaga pakwiimangelekela momukunda gwaandjawo yaShiputa momwedhi Februali gwomvula ndjoka.
Omvula ya piti, hahende yaShiputa, Norman Tjombe okwa ningi eindilo mOmpangu yoPombanda opo etokolo lyompangu ndjoka yopamuthigululwakalo li talululwe nokukuthwa oonkondo.
Tjombe momukanda gwiikundaneki ngoka a pititha mEtitatu lya piti, okwa popi kutya etokolo lyOmpangu yoPombanda oli li esindano lyuuthemba waakiintu.
Okwa popi kutya aakiintu olundji oya taaalela omalundilo guulodhi unene momikunda niitopolwa yokuushayi. “Etokolo lyelelo lyopamuthigululwakalo nooyene yomikunda mboka ya ningi etokolo ndyoka olya kalekwa na olya kuthwa oonkondo. Shuputa ita ningwa sha manga.”
Omupeha Omupanguli Presidende, Hosea Angula oye a kwatele komeho oshipotha shoka.
NAMPA
Comments
Namibian Sun
No comments have been left on this article