'Omuprofeti' ta holoka mompangu omolwa uukengeleli
11 August 2020 | Local News
LEANDREA LOUW
OMBAYE
'Omuprofeti gwongeleka yoInternal Glory Ministry mondoolopa yaMbaye okwa tegelelwa a holoke mOmpangulilo yaMangestrata gwaMbaye oshiwike shike, konima sho a tulwa miipandeko omolwa ekengelelo lyaakintu ya thika puyatano oshimaliwa shooN$800 000.
Oonakuninga iihakanwa ayehe iilyo yongeleka ndjoka.
Omunambelewa omukonaakoni gwiimbuluma nomukwatakanithi moshitopolwa shoka, Komufala Erastus Ikuyu, okwa popi kutya omunamimvo 29 okwa taalela iipotha yekengelelo, uulunga neholoko lyoonzo dhiimaliwa.
Gumwe gwomaakiintu mboka okwa kengelelwa oshimaliwa shooN$425 000.
Ikuyu okwa popi kutya omufekelwa aniwa okwa kengelele omukiintu omunamimvo 25 keena iilonga kutya ota landitha iipambuliko mehangano lye, na okwe u pula a tule iimaliwa momayalulo gombaanga ye oshowo yimwe okwe yi mu pe koomuma. Ina shaina oondokumende dha sha.
Shoka osha ningwa pokati komwedhi Auguste oshowo Septemba mo 2019.
Omuprofeti ngoka okwa tulilwa miipandeko mOndangwa mEtine lyoshiwike sha piti. Omukiintu gwotango okwa kengelelwa iimaliwa ye mbyoka yali uuthiga wahe, omanga aakiintu yalwe yane nayo ya holola kutya oya kengelelwa opo aniwa yapungule mehangano lyomusita ngoka, na oya gandja iimaliwa yi li pokati kooN$15 000 nooN$75 000.
Ayehe kape na ngoka a shaina sha, naaluhe ye mu pula kombinga yomapungulo gawo, okwa kala teya henuka. Omakonaakono gopolisi otaga tsikile.
OMBAYE
'Omuprofeti gwongeleka yoInternal Glory Ministry mondoolopa yaMbaye okwa tegelelwa a holoke mOmpangulilo yaMangestrata gwaMbaye oshiwike shike, konima sho a tulwa miipandeko omolwa ekengelelo lyaakintu ya thika puyatano oshimaliwa shooN$800 000.
Oonakuninga iihakanwa ayehe iilyo yongeleka ndjoka.
Omunambelewa omukonaakoni gwiimbuluma nomukwatakanithi moshitopolwa shoka, Komufala Erastus Ikuyu, okwa popi kutya omunamimvo 29 okwa taalela iipotha yekengelelo, uulunga neholoko lyoonzo dhiimaliwa.
Gumwe gwomaakiintu mboka okwa kengelelwa oshimaliwa shooN$425 000.
Ikuyu okwa popi kutya omufekelwa aniwa okwa kengelele omukiintu omunamimvo 25 keena iilonga kutya ota landitha iipambuliko mehangano lye, na okwe u pula a tule iimaliwa momayalulo gombaanga ye oshowo yimwe okwe yi mu pe koomuma. Ina shaina oondokumende dha sha.
Shoka osha ningwa pokati komwedhi Auguste oshowo Septemba mo 2019.
Omuprofeti ngoka okwa tulilwa miipandeko mOndangwa mEtine lyoshiwike sha piti. Omukiintu gwotango okwa kengelelwa iimaliwa ye mbyoka yali uuthiga wahe, omanga aakiintu yalwe yane nayo ya holola kutya oya kengelelwa opo aniwa yapungule mehangano lyomusita ngoka, na oya gandja iimaliwa yi li pokati kooN$15 000 nooN$75 000.
Ayehe kape na ngoka a shaina sha, naaluhe ye mu pula kombinga yomapungulo gawo, okwa kala teya henuka. Omakonaakono gopolisi otaga tsikile.
Classifieds