Omupolisi a tindilwa omboloha
Herman Abed (31), ngoka a ayaha omukadhona gwe nale mOmbaye oshiwike sha piti, okwa holoka mompangu yamangetrata gwaMbaye mOmaandaha.
Abed okwa yaha Selma Uupindi (22) iikando itatu nondjembo ye yiilonga moKuisebmond mEtine lyoshiwike sha piti, sha landula sho Uupindi e mu tulilemo oshipotha sheningilo lyomatilitho kutya ote mu yaha
Uupindi okwa tumwa koshipangelo mOvenduka omolwa oshilalo shoholo mepunda, konima oshowo mokwaako, naAbed okwiigandja kopolisi posasiyona yaWalvis Bay Port.
Omufali gwiihokolola kompangu gwepangelo, Maggy Shiyagaya okwa tindi egandjo lyomboloha komutamanekwa omolwa kutya oshipotha shoka oshinene, oshowo kutya Abed otashi vulika a kaye moshipala oombangi oshowo egameno lyanakuninga oshihakanwa nolyomufekelwa.
Abed okwa popi kutya otaka konga ekwatho lyahahende gwopaumwene.
Mangestrata Rhivermo Williams Williams okwa undulile oshipotha shoka komasiku ga ne gaNovemba opo ku vule okuningwa omakonaakono ga gwedhwapo.
Uupindi okwa lombwele oNamibian Sun pethimbo a ningwa naye oonkundathana okuzilila mombete ye yuuwehame moshipangelo kutya, Abed okwa kala temu ningile omatilitho muJuli. Okwa popi kutya okwa hulitha po ekwatathano lyawo muAguste ihe okwa kala temu dhengele ongodhi.
Uupindi okwa popi kutya mOmaandaha, Abed okwa tameke ta pula oshimaliwa shoN$900, shoka aniwa tashi futilepo iikutu mbyoka e mu landele momvula yo 2017.
Metitatu okwe mu ningile omatilitho kutya ote mu yaha na okwa tsikile natango okupula iimaliwa ye.
Esiku lyalandula, Uupindi okwe mu patululile oshipotha popolisi yaTutaleni.
“Onda yi kopolisi ongula opo ndi tulemo oshipotha ihe opolisi oyali tayi mu gamene. Oya popi kutya nandi galuke pombali molwaashoka oya pumbwa oku mu ithana tango opo ye mu pule. Sho nda shuna kopolisi opo nde mu adha na okwa pula opolisi kutya otandi ningi shike. Onda patulula oshipotha na onda shuna kegumbo.”
“Onda dhengele mumwamememati opo ndi mu lombwele. Onda dhengele woo omumwamemekadhona na omanga tandi popi naye Abed okwe ya pegumbo lyetu.”
Okwa popi kutya Abed okwe mu yaha tango okuzilila mohauto yopolisi naasho a yi ontuku okwa mu yaha natango. Oholo ontitatu oye mu yaha omanga a lala pevi.
LEANDREA LOUW
Abed okwa yaha Selma Uupindi (22) iikando itatu nondjembo ye yiilonga moKuisebmond mEtine lyoshiwike sha piti, sha landula sho Uupindi e mu tulilemo oshipotha sheningilo lyomatilitho kutya ote mu yaha
Uupindi okwa tumwa koshipangelo mOvenduka omolwa oshilalo shoholo mepunda, konima oshowo mokwaako, naAbed okwiigandja kopolisi posasiyona yaWalvis Bay Port.
Omufali gwiihokolola kompangu gwepangelo, Maggy Shiyagaya okwa tindi egandjo lyomboloha komutamanekwa omolwa kutya oshipotha shoka oshinene, oshowo kutya Abed otashi vulika a kaye moshipala oombangi oshowo egameno lyanakuninga oshihakanwa nolyomufekelwa.
Abed okwa popi kutya otaka konga ekwatho lyahahende gwopaumwene.
Mangestrata Rhivermo Williams Williams okwa undulile oshipotha shoka komasiku ga ne gaNovemba opo ku vule okuningwa omakonaakono ga gwedhwapo.
Uupindi okwa lombwele oNamibian Sun pethimbo a ningwa naye oonkundathana okuzilila mombete ye yuuwehame moshipangelo kutya, Abed okwa kala temu ningile omatilitho muJuli. Okwa popi kutya okwa hulitha po ekwatathano lyawo muAguste ihe okwa kala temu dhengele ongodhi.
Uupindi okwa popi kutya mOmaandaha, Abed okwa tameke ta pula oshimaliwa shoN$900, shoka aniwa tashi futilepo iikutu mbyoka e mu landele momvula yo 2017.
Metitatu okwe mu ningile omatilitho kutya ote mu yaha na okwa tsikile natango okupula iimaliwa ye.
Esiku lyalandula, Uupindi okwe mu patululile oshipotha popolisi yaTutaleni.
“Onda yi kopolisi ongula opo ndi tulemo oshipotha ihe opolisi oyali tayi mu gamene. Oya popi kutya nandi galuke pombali molwaashoka oya pumbwa oku mu ithana tango opo ye mu pule. Sho nda shuna kopolisi opo nde mu adha na okwa pula opolisi kutya otandi ningi shike. Onda patulula oshipotha na onda shuna kegumbo.”
“Onda dhengele mumwamememati opo ndi mu lombwele. Onda dhengele woo omumwamemekadhona na omanga tandi popi naye Abed okwe ya pegumbo lyetu.”
Okwa popi kutya Abed okwe mu yaha tango okuzilila mohauto yopolisi naasho a yi ontuku okwa mu yaha natango. Oholo ontitatu oye mu yaha omanga a lala pevi.
LEANDREA LOUW
Comments
Namibian Sun
No comments have been left on this article