Omunashipundi gwaNamdia a futwa ooN$71 863 muule womasiku gatano

MATHIAS HAUFIKU OVENDUKA Omunashipundi gwelelo lyoNamdia, Bryan Eiseb okwiilikolele oshimaliwa sha thika po N$71 863 sho a kutha efudho okuza kiilonga ye uule womasiku gatano, opo a kale momutumba gwomautho tagu ningilwa omukomeho gwehangano ndyoka , Kennedy Hamutenya oshowo omukomeho gwoshikondo shiiyemo mehangano ndyoka natango, Sven von Blottnitz.Eiseb, ngoka e li omukomeho gwoshikondo shepingakanitho lyiimaliwa oshowo omayakulo gwiikwaveta mOmbaanga Onene mOshilongo, okwiikaleke kokule nomulandu gwefuto lyiimaliwa mbyoka, ta popi kutya kali oshitopolwa.Hamutenya naVon Blottnitz otaya tamanekelwa e yo pambambo lyomilandu mefuto lyoshimaliwa shooN$210 000 kuNeil Haddock omolwa iilonga mbyoka a longele Namdia konima sho okondalaka ye ya thiki pehulilo.Yamwe mboka ye li aapopepi nomukomeho otaya popi kutya shoka tashi ningwa oshi li omukalo tagu longithwa okumukutha miilonga omanga yamwe taya popi kutya elelo oli li mondjila opo ku tulwe elandulathano mehangano ndyoka lya kala miikundaneki omolwa omalanditho guuwe taga ningilwa omapulaapulo.Namibian Sun okwa holola kutya iilyo iikwawo melelo oya zimine okufuta Eiseb oshimaliwa hoka omolwa ekuthombinga lye momutumba ngoka, moka a futwa oshimaliwwa shooN$14 372.65, muule womasiku gatano.Iilyo iikwawo ongaashi Liina Muatunga, Justice Hausiku oshowo Selma Shimutwikeni.Efuto lyaEiseb oshimaliwa shoka olya etitha oontamanana mokati kaaniilonga yehangano ndyoka.Aaniilonga mbyoka inaya hala uukwatya wawo wu hololwe oya popi kutya ehangano otali futu nale iiyemo yili pombanda kiilyo mbyoka nefuto ndyoka kali li mondjila sho omunashipundi ngoka kali a pumbiwa momutumba ngoka.Pauyelele wa gandjwa kiilyo yelelo, oya ningi omapekaapeko okuza komahangano ngaashi Namcor, NamWater oshowo Development Bank of Namibia opo ya thike pomwaalu ngoka.Oonzo odha pula woo eidhopomo lyaEiseb momutumba ngoka.“Elelo otali ningi ngiini etokolo lyiithikamena ngele Eiseb okwa kala oshitopolwa shomutumba ngoka?” onzo ya pula.Eiseb okwa pula kutya ngele nani opwali omaiyuvo gonayi mekuthombinga lye inashi hololwa pethimbo lyomitumba dhoka ta popi kutya mboka oyali ya pumbwa oku shi holola pethimbo lyomitumba.Sho a ningilwa omapulo kombinga yiifuta mbyoka a pewa omolwa ekuthombinga lye momutumba guule womasiku gatano, okwa ukitha oshikundaneki shoshikondo shoonzo dhopauntu mehangano ndyoka, komukomeho Muatunga.Muatunga sho a ningilwa omapulo okwa popi kutya okuli mefudho lyuuwehame na otaka yamukula nale molwaashoka okwa pumbwa uuyelele okuza kehangano.Onzo yimwe oya holola kutya Namdia okwa longitha nale oshimaliwa sha thika poN$750 000 momutumba ngoka gwomautho, mwakwatelwa olopota yomakonaakono ya ningwa koDeloitte nokufutila omayakulo gwiikwaveta, iifuta ya Eiseb oshowo iifuta yoohahende Adolf Denk oshowo Clement Daniels mboka taya kalelepo Von Blottnitz naHamutenya.Namibian Sun oya nothwelwako kutya elelo ndyoka otali kuutumba nena opo li tokole kombinga yonakuyiwa miilonga yaHamutenya naVon Blottnitz.

Omunashipundi gwaNamdia a futwa ooN$71 863 muule womasiku gatano

Comments

Namibian Sun 2026-01-13

Please login to leave a comment

Omunashipundi gwaNamdia a futwa ooN$71 863 muule womasiku gatano

Comments

Namibian Sun 2026-01-13

Please login to leave a comment

Subscription Required to Access Content ×

Login

Subscription Required to Access Content