Omulumentu a dhipagwa omanga ta gamene mumwayina
Omumwayinakadhona omukuluntu gwomulumentu omunamimvo 29 ngoka a dhipagwa mOvenduka omanga ta kambadhala okugamena omumwayinakadhona ngoka a li ta kwatwa onkonga kongangala okwa hokolola nkene omumwayina a dhipagwa.
JEMIMA BEUKES
OVENDUKA
Olopota yopolisi ndjoka ya pitithwa mOlyomakaya kOmupeha Komufala, Kauna Shikwambi gwoshikondo shOmauyelele gOshigwana mOpolisi, oya holola kutya omulumentu ngoka okwa yahwa konima sho endelele a ye kombashu yamumwayina opo e ke mu gamene konima sho a kugu.
Omumwayinakadhona omukuluntu, Silba Kazekondjo, okwa lombwele oNamibian Sun, omumwayinamati okwiidhenge pevi posheelo shondunda yawo na oye mu tala ta hulitha.
“Okwa kambadhala okutidhwa omufekelwa ihe okwiidhenge pevi pondje yosheelo.”
Omakwatokoonkondo nomadhipago ngoka ga londo pombanda moNamibia uule womasiku gapiti oga eyitha ongeyo moshigwana shoka sha pula opo kutulwe miilonga omilandu dhontumba opo ku kalekwe po egameno lyaakwashigwana, mboka ye li inaya gamenwa we momagumbo gawo. Momaandaha goshiwike sha piti, okanona kokakadhona koomvula 12 okwa kwatwa onkonga mOhavana konima sho oongangala mbali dhiiteyele mombashu yawo omanga yina a talako keena sho ta vulu okuninga.
Lucy Edwards-Jauch, omundungiki koshikondo shosociology moshiputudhilo shaUnam na okuli omuhwahwameki guuthikepamwe, okwa popi kutya oshigwana osha pumbwa okuninga omahololodhilaadhilo geli ompinge nomiyonena dhoka unene tadhi ningilwa aakiintu naanona. Omuhwahwameni guuthikepamwe moUnam, Immaculate Mogotsi, okwa popi kutya aakiintu ohaya ningi aluhe iihakanwa yomiyonena okuza kaalumentu uuna ya taalela omaupyakadhi giita nenge omagwo pevi gomaliko.
“Shoka nda mono mOvenduka nomoNamibia aantu ya kanitha iilonga yawo na oye li mompumbwe onene. Oluhepo nokwaahena iilonga ohaku etitha omaupyakadhi, nongele epangelo inali kotoka onkalo itayi ka vula okukondololwa, naakiintu otaya kala iihakanwa onkene epangelo olya pumbwa okukatuka oonkatu.”
Pahapu dhe, epangelo olya pumbwa okutothamo omahala ngoka haga longwa iimbuluma mbyoka olundji nokugandja egameno pomahala ngoka. Omuhwahwameki guuthikepamwe, Ngamane Karuaihe-Upi okwa popi kutya aakiintu naanona oya ninga iihakanwa yomiyonena dhopaukadhike kookantu.
“Edhilaadhilo kutya aakiintu oye na uuthemba kali po natango. Otuli monkalo yuuyuni moka aantu to a dha taya popile omiyonena dhoka. Ito vulu okupula sha kombinga yaalumentu nongele nena owa popisha kombinga yaakiintu nena otashi talikako to ningile omapulo aalumentu na oto lundililwa okwaahasimaneka aalumentu.”
[email protected]
OVENDUKA
Olopota yopolisi ndjoka ya pitithwa mOlyomakaya kOmupeha Komufala, Kauna Shikwambi gwoshikondo shOmauyelele gOshigwana mOpolisi, oya holola kutya omulumentu ngoka okwa yahwa konima sho endelele a ye kombashu yamumwayina opo e ke mu gamene konima sho a kugu.
Omumwayinakadhona omukuluntu, Silba Kazekondjo, okwa lombwele oNamibian Sun, omumwayinamati okwiidhenge pevi posheelo shondunda yawo na oye mu tala ta hulitha.
“Okwa kambadhala okutidhwa omufekelwa ihe okwiidhenge pevi pondje yosheelo.”
Omakwatokoonkondo nomadhipago ngoka ga londo pombanda moNamibia uule womasiku gapiti oga eyitha ongeyo moshigwana shoka sha pula opo kutulwe miilonga omilandu dhontumba opo ku kalekwe po egameno lyaakwashigwana, mboka ye li inaya gamenwa we momagumbo gawo. Momaandaha goshiwike sha piti, okanona kokakadhona koomvula 12 okwa kwatwa onkonga mOhavana konima sho oongangala mbali dhiiteyele mombashu yawo omanga yina a talako keena sho ta vulu okuninga.
Lucy Edwards-Jauch, omundungiki koshikondo shosociology moshiputudhilo shaUnam na okuli omuhwahwameki guuthikepamwe, okwa popi kutya oshigwana osha pumbwa okuninga omahololodhilaadhilo geli ompinge nomiyonena dhoka unene tadhi ningilwa aakiintu naanona. Omuhwahwameni guuthikepamwe moUnam, Immaculate Mogotsi, okwa popi kutya aakiintu ohaya ningi aluhe iihakanwa yomiyonena okuza kaalumentu uuna ya taalela omaupyakadhi giita nenge omagwo pevi gomaliko.
“Shoka nda mono mOvenduka nomoNamibia aantu ya kanitha iilonga yawo na oye li mompumbwe onene. Oluhepo nokwaahena iilonga ohaku etitha omaupyakadhi, nongele epangelo inali kotoka onkalo itayi ka vula okukondololwa, naakiintu otaya kala iihakanwa onkene epangelo olya pumbwa okukatuka oonkatu.”
Pahapu dhe, epangelo olya pumbwa okutothamo omahala ngoka haga longwa iimbuluma mbyoka olundji nokugandja egameno pomahala ngoka. Omuhwahwameki guuthikepamwe, Ngamane Karuaihe-Upi okwa popi kutya aakiintu naanona oya ninga iihakanwa yomiyonena dhopaukadhike kookantu.
“Edhilaadhilo kutya aakiintu oye na uuthemba kali po natango. Otuli monkalo yuuyuni moka aantu to a dha taya popile omiyonena dhoka. Ito vulu okupula sha kombinga yaalumentu nongele nena owa popisha kombinga yaakiintu nena otashi talikako to ningile omapulo aalumentu na oto lundililwa okwaahasimaneka aalumentu.”
[email protected]
Comments
Namibian Sun
No comments have been left on this article