Omulumentu a dhipaga omukadhona gwe nokwiidhipaga
Omulumentu ngoka taku fekelwa a dhipaga omukadhona gwe, Hertah Ndakula (33), moSea Point, Kuisebmond, okwiimangeleke mehala lya faathana mOlyomakaya.
OMUTOOLINKUNDANA GWOMENI
OMBAYE
Omupeha komufala gwopolisi, Erastus Iikuyu okwa koleke oshiningwanima shoka ta popi kutya omulumentu ngoka a dhimbululwa kutya Fillemon Nghatanga (35), okwa thigapo omukanda.
“Ongula lwopotundi onti 06:55, omulumentu okwa ningi ekwatathano nakuume ke kongodhi te mu pula opo a ye kombashu yawo. Sho kuume ke a thiki pombashu mpoka, okwaadha mo omidhimba mbali na okwa tseyithile opolisi. Aakwanezimo yoonakusa oya tseyithila.”
Iikuyu okwa popi kutya Nghatanga okwa thiga po omukanda moka a holola kutya ina nyanyukilwa etokolo lyomukadhona gwe okuhulitha po ekwatathano lyawo. Mboka yaali oyali ya monika momwenyo mEtitano pombashu lwopotundi onti 23:00.
Moshiningwanima sha yooloka, omunamimvo 34, Isai Panduleni Sheefeni okwiimangeleke nongodhi mombashu ye moKuisebmond mEtine lyoshiwike sha piti.
“Olutu lwe olwitsuwa komuhiili pamwe naye ngoka a yi kokaiyogelo. Omuhiili ngoka okwa mono kutya omweelo gwombashu yi li pokati kondunda yomanwino negumbo oyali yeeguluka, na nakusa okuli meni,” Iikuyu a popi.
Sheefeni oha longo mondunda yomanwino moKuisebmond na okwa li a monika kiilonga mEtitatu lwopotundi onti 20:00.
Iikuyu okwa popi kutya Sheefeni ina dhiga po omukanda gwasha. Ofamili ye oya tseyithilwa.
Omulumentu gwoomvula 41 okwa tulwa miipandeko moDRC moMondesa konima sho aaadhika niigangamithi yongushu yooN$3 480.
OMBAYE
Omupeha komufala gwopolisi, Erastus Iikuyu okwa koleke oshiningwanima shoka ta popi kutya omulumentu ngoka a dhimbululwa kutya Fillemon Nghatanga (35), okwa thigapo omukanda.
“Ongula lwopotundi onti 06:55, omulumentu okwa ningi ekwatathano nakuume ke kongodhi te mu pula opo a ye kombashu yawo. Sho kuume ke a thiki pombashu mpoka, okwaadha mo omidhimba mbali na okwa tseyithile opolisi. Aakwanezimo yoonakusa oya tseyithila.”
Iikuyu okwa popi kutya Nghatanga okwa thiga po omukanda moka a holola kutya ina nyanyukilwa etokolo lyomukadhona gwe okuhulitha po ekwatathano lyawo. Mboka yaali oyali ya monika momwenyo mEtitano pombashu lwopotundi onti 23:00.
Moshiningwanima sha yooloka, omunamimvo 34, Isai Panduleni Sheefeni okwiimangeleke nongodhi mombashu ye moKuisebmond mEtine lyoshiwike sha piti.
“Olutu lwe olwitsuwa komuhiili pamwe naye ngoka a yi kokaiyogelo. Omuhiili ngoka okwa mono kutya omweelo gwombashu yi li pokati kondunda yomanwino negumbo oyali yeeguluka, na nakusa okuli meni,” Iikuyu a popi.
Sheefeni oha longo mondunda yomanwino moKuisebmond na okwa li a monika kiilonga mEtitatu lwopotundi onti 20:00.
Iikuyu okwa popi kutya Sheefeni ina dhiga po omukanda gwasha. Ofamili ye oya tseyithilwa.
Omulumentu gwoomvula 41 okwa tulwa miipandeko moDRC moMondesa konima sho aaadhika niigangamithi yongushu yooN$3 480.
Comments
Namibian Sun
No comments have been left on this article