Omulilo gwahanagulapo oombashu nokudhipaga omulumentu komunkulofuta
Konima yomulilo ngoka gwa holoka nokuhanagulapo oTwaloloka mOmbaye, okwa lopotwa omililo mbali dhoka dha etitha eyonagulo moondoolopa dhokomunkulofuta.
20 July 2021 | Local News
ADOLF KAURE
SWAKOPMUND
Ø Omuntu gumwe okwa hulithile moshiponga shomulilo mOmbaye
Oombashu dha thika po 36 odha hanagulwapo komulilo miiponga iyali ya lopotwa ehuliloshiwike.
Omulilo ngoka ogwa faalele woo omwenyo gwomulumentu gumwe, nokuthiga oofamili odhindji pomutenya.
Kwiikwatelelwa kukomanda gwiipambele yoshigwana mOpolisi mOshitopolwa shErongo, Omukonaakoni, Ileni Shapumba, okwa popi kutya oombashu 33 odha pipo molukanda DRC moSwakopo.
Inaku lopotwa ekanitho lyomwenyo momulilo gwomoDRC, ihe omulumentu gumwe okwa hulithile moshiponga shomulilo mOmbaye, konima owala yoowili ooshona sho kwa lopotwa omulilo gwomoDRC.
Otaku lopotwa kutya okanona kokamati koomvula hetatu hoka kali megumbo namumwayina kadhona gwoomvula 15 okali taka dhanene okapalwa hoka ka teme na okwe ka umbile kombinga hoka ku na okasiga kohaasa.
Shoka osha etitha ombashu yi hwame omulilo. Oshiningwanima shoka osha ningwa lwopotundi onti 13:20.
“Okamati hoka oka yi ontuku nokuthigapo mumwayina ngoka a li ta kambadhala okudhima omulilo ihe ogwe mu nyenge,” Shapumba a popi.
Okadhimamulilo mondoolopa ndjoka oye shi pondola okuthima omulilo ngoka, nonando ogwa dhimwa ogwa yonaagula nale oshindji.
Omunambelelwa omukuluntu gwondoolopa yaSwakpo, Archie Benjamin okwa popi kutya okwa ningwa omahala gopathimbo gokuza aakwashigwana mboka, pokapale komaudhano moMondesa.
Okwa gandjwa ootenda omugoyi oshowo omatalashe nomakumbatha geli 35.
Kansela gwoshikandjohogololo shaSwakopo, Ciske Howard-Smith okwa ningi omalongekidho giikulya okupitila mombelewa ye.
Nguka omulilo omutiyali omunene komunkulofuta ngoka muule owala woomwedhi 12, konima yomulilo ngoka gwa hanagulapo oombashu moTwaloloka, gwa faalele omwenyo gwokanona kokamati nokuthiga omathele kaye na omahala.
Konima owala yomulilo gwomoDRC, okwa lopotwa oombashu ndatu dha pi mOmbaye moKuisebmond, omulilo ngoka ogwa faalele omwenyo gwomulumentu gumwe.
“Otaku fekelwa kutya omulilo ogwa tameke mombashu yanakusa sho taku fekelwa kutya okwali ta teleke pethimbo ndyoka omulilo gwa tukuka.”
Nakusa ina tumbulwa kedhina natango.
OLOPOTA YA GWEDHWAPO KUERWIN LEUSCHNER
SWAKOPMUND
Ø Omuntu gumwe okwa hulithile moshiponga shomulilo mOmbaye
Oombashu dha thika po 36 odha hanagulwapo komulilo miiponga iyali ya lopotwa ehuliloshiwike.
Omulilo ngoka ogwa faalele woo omwenyo gwomulumentu gumwe, nokuthiga oofamili odhindji pomutenya.
Kwiikwatelelwa kukomanda gwiipambele yoshigwana mOpolisi mOshitopolwa shErongo, Omukonaakoni, Ileni Shapumba, okwa popi kutya oombashu 33 odha pipo molukanda DRC moSwakopo.
Inaku lopotwa ekanitho lyomwenyo momulilo gwomoDRC, ihe omulumentu gumwe okwa hulithile moshiponga shomulilo mOmbaye, konima owala yoowili ooshona sho kwa lopotwa omulilo gwomoDRC.
Otaku lopotwa kutya okanona kokamati koomvula hetatu hoka kali megumbo namumwayina kadhona gwoomvula 15 okali taka dhanene okapalwa hoka ka teme na okwe ka umbile kombinga hoka ku na okasiga kohaasa.
Shoka osha etitha ombashu yi hwame omulilo. Oshiningwanima shoka osha ningwa lwopotundi onti 13:20.
“Okamati hoka oka yi ontuku nokuthigapo mumwayina ngoka a li ta kambadhala okudhima omulilo ihe ogwe mu nyenge,” Shapumba a popi.
Okadhimamulilo mondoolopa ndjoka oye shi pondola okuthima omulilo ngoka, nonando ogwa dhimwa ogwa yonaagula nale oshindji.
Omunambelelwa omukuluntu gwondoolopa yaSwakpo, Archie Benjamin okwa popi kutya okwa ningwa omahala gopathimbo gokuza aakwashigwana mboka, pokapale komaudhano moMondesa.
Okwa gandjwa ootenda omugoyi oshowo omatalashe nomakumbatha geli 35.
Kansela gwoshikandjohogololo shaSwakopo, Ciske Howard-Smith okwa ningi omalongekidho giikulya okupitila mombelewa ye.
Nguka omulilo omutiyali omunene komunkulofuta ngoka muule owala woomwedhi 12, konima yomulilo ngoka gwa hanagulapo oombashu moTwaloloka, gwa faalele omwenyo gwokanona kokamati nokuthiga omathele kaye na omahala.
Konima owala yomulilo gwomoDRC, okwa lopotwa oombashu ndatu dha pi mOmbaye moKuisebmond, omulilo ngoka ogwa faalele omwenyo gwomulumentu gumwe.
“Otaku fekelwa kutya omulilo ogwa tameke mombashu yanakusa sho taku fekelwa kutya okwali ta teleke pethimbo ndyoka omulilo gwa tukuka.”
Nakusa ina tumbulwa kedhina natango.
OLOPOTA YA GWEDHWAPO KUERWIN LEUSCHNER
Classifieds