Omukundu gwondjala omolwa oCovid-19
ELLANIE SMIT
OVENDUKA
Uuyuni owa taalela omukundu gwondjala, shalandula ekunkililo lya pitithwa molopota yoFood and Agriculture Organisation (FAO), ndjoka ya holola kutya aantu ya thika poomiliyona 45 otaya gwile muupyakadhi wondjala omolwa ombuto yocorona.
Momwedhi Apilili, o2020 Global Report on Food Crises, ya pitithwa koUnited Nations, oya tengeneke kutya aantu ya thika poo 400 000 moNamibia otaya dhengwa kondjala. Oonkambadhala okukandeka ombuto ndjoka otadhi ka etitha elongitho lyiimaliwa ya thika pootrillion 146.8 muuyuni, muule woomvula mbali twa taalela, palopota yoFAO, tayi ithanwa “The Impact of Covid-19 on Food Security and Nutrition”.
Olopota oya holola kutya iikolokosha, omaupyakadhi gopaushitwe, omapuka ngoka taga yonagulapo iimeno oyimwe yomwaamboka tayi nayipalekitha onkalo, ngele tashi ya kegamenenepo lyoondya.
Namibia okwa kala ta kondjo noshikukuta uule woomvula dha piti, omolwa onkalo yomuloka gwankundipala ngoka gwa kala tagu dhenge oshilongo oomvula dha piti, noshikukuta shomomvula yo 2019 osha li oshidhigu okuyeleka noomvula dha piti. Nuumvo onkalo oyali tayi hwepopala sha landula omuloka omwaanawa ngoka gwa dhidhilikwa momvula yo 2019.
Omanga ombuto yoCovid-19 inayi tameka aantu ya thika poomiliyona 820 muuyuni okwa dhidhilikwa ya li ya taalela nale uupyakadhi wondjala momvula yo 2019, noWorld Food Programme otayi tengeneke kutya aantu ya thika poomiliyona 130 otaya ka kala monkalo ndjoka okuya pehulilo lyomvula ndjika.
Olopota oya tsikile kutya nonando omapangelo ogendji otaga gandja omayambidhidho gopaiyemo ga nuninwa mboka ya gumwa kombuto ndjoka, ope na uutile kutya omayambidhidho ngoka itaga ka thika kwaamboka ye ga nuninwa, unene aakalimo yokomikunda.
OVENDUKA
Uuyuni owa taalela omukundu gwondjala, shalandula ekunkililo lya pitithwa molopota yoFood and Agriculture Organisation (FAO), ndjoka ya holola kutya aantu ya thika poomiliyona 45 otaya gwile muupyakadhi wondjala omolwa ombuto yocorona.
Momwedhi Apilili, o2020 Global Report on Food Crises, ya pitithwa koUnited Nations, oya tengeneke kutya aantu ya thika poo 400 000 moNamibia otaya dhengwa kondjala. Oonkambadhala okukandeka ombuto ndjoka otadhi ka etitha elongitho lyiimaliwa ya thika pootrillion 146.8 muuyuni, muule woomvula mbali twa taalela, palopota yoFAO, tayi ithanwa “The Impact of Covid-19 on Food Security and Nutrition”.
Olopota oya holola kutya iikolokosha, omaupyakadhi gopaushitwe, omapuka ngoka taga yonagulapo iimeno oyimwe yomwaamboka tayi nayipalekitha onkalo, ngele tashi ya kegamenenepo lyoondya.
Namibia okwa kala ta kondjo noshikukuta uule woomvula dha piti, omolwa onkalo yomuloka gwankundipala ngoka gwa kala tagu dhenge oshilongo oomvula dha piti, noshikukuta shomomvula yo 2019 osha li oshidhigu okuyeleka noomvula dha piti. Nuumvo onkalo oyali tayi hwepopala sha landula omuloka omwaanawa ngoka gwa dhidhilikwa momvula yo 2019.
Omanga ombuto yoCovid-19 inayi tameka aantu ya thika poomiliyona 820 muuyuni okwa dhidhilikwa ya li ya taalela nale uupyakadhi wondjala momvula yo 2019, noWorld Food Programme otayi tengeneke kutya aantu ya thika poomiliyona 130 otaya ka kala monkalo ndjoka okuya pehulilo lyomvula ndjika.
Olopota oya tsikile kutya nonando omapangelo ogendji otaga gandja omayambidhidho gopaiyemo ga nuninwa mboka ya gumwa kombuto ndjoka, ope na uutile kutya omayambidhidho ngoka itaga ka thika kwaamboka ye ga nuninwa, unene aakalimo yokomikunda.
Comments
Namibian Sun
No comments have been left on this article