Omukomeho gwombelewa yomupresidende a ponokelwa
Opolisi yaNamibia otayi ningi omakonaakono moshipotha shonkambadhala yedhipago, konima sho oongangala dha homata dhayaha omukomeho gwombelewa yomupresidende, omunamimvo 51, Moses Pakote, sha ningilwa megumbo lye kuyele ongulohi yOmaandaha.
Pahapu dhomupopiliko gwopolisi, Omupeha Komufala, Edwin Kanguatjivi, oongangala dhoka odha yi megumbo omanga mwali owala aanona na oya pula opo yapewe omaliko.
Okwa gwedha po kutya Pakote okwe ya megumbo naasho oongangala dhe mu uvu, odhe mu langele noku mu yaha komagulu sho ta zi mehauto lye.
“Oya yakapo ongodhi ye yolwaala olutiligane nolutokele yoiPhone oshowo oongodhi mbali dhoiPhone X nolaptop ye yo Apple MacBook.”
Kanguatjivi okwa popi kutya aafakelwa mboka oya yi ontuku yuuka moondundu na inaya monika natango. Omunambelewa omupopiliko gwomupresidende, Alfredo Hengari okwa koleke ongula yEtiyali kutya Pakote okwa taambelelwa moshipangelo ta mono epango konima yoshiponokela shoka. Opolisi otayi konaaakona oshiningwanima shoka. Omanga ina ulikwa a ninge omunambelewa omukomeho mombelewa yomupresidende, Pakote okwa longa onga omupeha omunambelewa omukuluntu mombelelwa yopaumwene yomupevi minista.
JEMIMA BEUKES
Pahapu dhomupopiliko gwopolisi, Omupeha Komufala, Edwin Kanguatjivi, oongangala dhoka odha yi megumbo omanga mwali owala aanona na oya pula opo yapewe omaliko.
Okwa gwedha po kutya Pakote okwe ya megumbo naasho oongangala dhe mu uvu, odhe mu langele noku mu yaha komagulu sho ta zi mehauto lye.
“Oya yakapo ongodhi ye yolwaala olutiligane nolutokele yoiPhone oshowo oongodhi mbali dhoiPhone X nolaptop ye yo Apple MacBook.”
Kanguatjivi okwa popi kutya aafakelwa mboka oya yi ontuku yuuka moondundu na inaya monika natango. Omunambelewa omupopiliko gwomupresidende, Alfredo Hengari okwa koleke ongula yEtiyali kutya Pakote okwa taambelelwa moshipangelo ta mono epango konima yoshiponokela shoka. Opolisi otayi konaaakona oshiningwanima shoka. Omanga ina ulikwa a ninge omunambelewa omukomeho mombelewa yomupresidende, Pakote okwa longa onga omupeha omunambelewa omukuluntu mombelelwa yopaumwene yomupevi minista.
JEMIMA BEUKES
Comments
Namibian Sun
No comments have been left on this article