Omukomeho gwaaniilonga ta tuku aaniilonga
Aaniilonga yoYouth Security Services (YSS), mboka taya longele kohi yoNational Youth Service (NYS), oya popi kutya inaya futwa oondjambi dhawo/
Omukomeho gwiilonga mehangano ndyoka ekeeleli lyomaliko tali longele kohi yoNational Youth Service (NYS) okwa hololwa a tuku aaniilonga mboka taya pula oondjambi dhawo.
Aaniilonga yehangano lyoYouth Security Services (YSS), ndyoka tali lelwa paumwene oya popi kutya shito oondjambi dhawo ohadhi ya dha lata niiwike na ohaya futwa momasiku omu-10 kehe omwedhi, ihe ngashiingeyi omwedhi nguka inaya futwa.
Matheus Shapopi, ngoka ha longele ehangano ndyoka okwa lombwele oshifokundaneki shoNamibia Sun kutya, okwa tukwa mokatumwalaka kopangodhi, sho a pula kombinga yoondjambi dhawo okuza kuGeorge Likukela, ngoka eli omukomeho gwiilonga.
“Inamu piyaganekandje we. Otamu mono omamaliwa geni, iilayi ne,” Likukela a yamukula. Omuniilonga ngoka okwa tumine Likukela omatumwalaka gaali koWhatsapp ta holola okuuva nayi kwe omolwa oondjambi dhawo dhoka dha lata.
“Alikana tu tseyithila opo tu ninge omalongekidho ga gwedhwapo, molwaashoka iho tu lombwele kutya oshike sha puka ihe oho popi owala kutya kushi kutya omolwashike oondjambi dha lata,” okatumwalaka ka lesha.
Shapopi okwa popi kutya okwa ka indile iimaliwa okuza kaakwanezimo opo a vule okwiikwathela pamwe naanona yatano mboka ya tala kuye. Okwa hokolola kutya omwedhi gumwe natango oondjambi dhawo odha li dha lata, nokanona ke oka hulitha nasho a yi kehangano a ka pule iimaliwa ye okwa lombwelwa a tegelele ngaashi yakwawo ayehe.
Likukela okwa tindi okuyamukula kokatumwalaka hoka a tumine Shapopi, na okwa popi kutya ina pitikwa okupopya niikundaneki. Aaniilonga mboka ohaya mono ondjambi yooN$2 400 komwedhi.
“Ohatu futwa N$80 mesiku ihe ngele owa faula kiilonga na ito vulu okugandja ombaapila kutya owa li to ehama nena oho nanwa N$200,” Sha popi a holola.
Komufala gwoNYS, Onesmus Upindi okwa popi kutya ehangano lyoYSS olya taalela ompumbwe yoshimaliwa pethimbo ndika.
“Epangelo olyo aayakulwa yetu na otashi ulike kutya omathimbo gamwe Uuministeli wAanyasha oshowo wOmavi ohawu kala muupyakadhi wopashimaliwa omathimbo gamwe na iha wu tu futu pethimbo,naashoka osho hashi etitha tu kale inatu futa aaniilonga yetu pethimbo.”
Okwa popi kutya Likukela otaka ungaungiwa naye pamulandu gwehangano.
Mandela Kapere, omunashipundi gwoNYC naye okwa nyana omalaka gaLukukela.
KEITH VRIES
Omukomeho gwiilonga mehangano ndyoka ekeeleli lyomaliko tali longele kohi yoNational Youth Service (NYS) okwa hololwa a tuku aaniilonga mboka taya pula oondjambi dhawo.
Aaniilonga yehangano lyoYouth Security Services (YSS), ndyoka tali lelwa paumwene oya popi kutya shito oondjambi dhawo ohadhi ya dha lata niiwike na ohaya futwa momasiku omu-10 kehe omwedhi, ihe ngashiingeyi omwedhi nguka inaya futwa.
Matheus Shapopi, ngoka ha longele ehangano ndyoka okwa lombwele oshifokundaneki shoNamibia Sun kutya, okwa tukwa mokatumwalaka kopangodhi, sho a pula kombinga yoondjambi dhawo okuza kuGeorge Likukela, ngoka eli omukomeho gwiilonga.
“Inamu piyaganekandje we. Otamu mono omamaliwa geni, iilayi ne,” Likukela a yamukula. Omuniilonga ngoka okwa tumine Likukela omatumwalaka gaali koWhatsapp ta holola okuuva nayi kwe omolwa oondjambi dhawo dhoka dha lata.
“Alikana tu tseyithila opo tu ninge omalongekidho ga gwedhwapo, molwaashoka iho tu lombwele kutya oshike sha puka ihe oho popi owala kutya kushi kutya omolwashike oondjambi dha lata,” okatumwalaka ka lesha.
Shapopi okwa popi kutya okwa ka indile iimaliwa okuza kaakwanezimo opo a vule okwiikwathela pamwe naanona yatano mboka ya tala kuye. Okwa hokolola kutya omwedhi gumwe natango oondjambi dhawo odha li dha lata, nokanona ke oka hulitha nasho a yi kehangano a ka pule iimaliwa ye okwa lombwelwa a tegelele ngaashi yakwawo ayehe.
Likukela okwa tindi okuyamukula kokatumwalaka hoka a tumine Shapopi, na okwa popi kutya ina pitikwa okupopya niikundaneki. Aaniilonga mboka ohaya mono ondjambi yooN$2 400 komwedhi.
“Ohatu futwa N$80 mesiku ihe ngele owa faula kiilonga na ito vulu okugandja ombaapila kutya owa li to ehama nena oho nanwa N$200,” Sha popi a holola.
Komufala gwoNYS, Onesmus Upindi okwa popi kutya ehangano lyoYSS olya taalela ompumbwe yoshimaliwa pethimbo ndika.
“Epangelo olyo aayakulwa yetu na otashi ulike kutya omathimbo gamwe Uuministeli wAanyasha oshowo wOmavi ohawu kala muupyakadhi wopashimaliwa omathimbo gamwe na iha wu tu futu pethimbo,naashoka osho hashi etitha tu kale inatu futa aaniilonga yetu pethimbo.”
Okwa popi kutya Likukela otaka ungaungiwa naye pamulandu gwehangano.
Mandela Kapere, omunashipundi gwoNYC naye okwa nyana omalaka gaLukukela.
KEITH VRIES
Comments
Namibian Sun
No comments have been left on this article