Omuhingi gwombesa a tindilwa omboloha
ELLANIE SMIT
Omuhingi gwombesa moka mwa sile aanaskola yaali yomoskola yoWindhoek Gymnasium mOsoondaha okwa holoka komeho yompangu yamangestrata, Anna Kruger moMariental mEtiyali.
Uasora Uanivi (33) ota tamanekele oshipotha shedhipago lyaashi lyoshiningilawina oshowo okuhinga a longitha iikolwitha.
Ina pewa omboloha pethimbo a holoka mompangu noshipotha she osha undilulwa komasiku 31 gaKotomba.
Oshiponga shoka osha holoka oshinano shookilometa 30 mUumbugantu waKalkrand ongula yOsoondaha lwopotundi onti 09:00.
Ombesa oya li tayi fala kotuula aanona yondondo onti 7 yoskola yaWindhoek Gymnasium kOrange River.
Angela Maiba oshowo Jacques Venter, ayehe yomimvo 13 oya hulithila moshiponga shoka omanga aanona oyendji yeehamekwa.
Ongundu yaanaskola ya thika po 120 opamwe naalongi oya li momambesa gaali gehangano lyoSunshine Tours.
Uanivi, ngoka e li omuniilonga gwehangano lyoSunshine Tours, okwa tulwa miipandeko konima sho a fudhilithwamo na okwa monika kutya okwa longitha iikolitha. Pehala lyoshiponga opwa adhika wo omalovu.
Aanona ayehe mboka inaya ehamekelwa moshiponga pamwe naalongi yawo oya shunwa kOvenduka konima yoshiponga omanga mboka yeehamekwa ya falwa miipangelo ya yooloka.
Kakele kokugandja omahekeleko omolwa oshiponga shoka kepandja lyawo lyoFacebook, ehangano lyoSunshine Tours inali popya sha kombinga yoshiponga.
Okwa ningwa oshituthi shokutema uulehita poskola yaWindhoek Gymnasium, ongulohi yOmaandaha moka aavali naanaskola ya gongala okudhimbuluka aanaskola yaali mboka ya hulithile moshiponga.
Omuhingi gwombesa moka mwa sile aanaskola yaali yomoskola yoWindhoek Gymnasium mOsoondaha okwa holoka komeho yompangu yamangestrata, Anna Kruger moMariental mEtiyali.
Uasora Uanivi (33) ota tamanekele oshipotha shedhipago lyaashi lyoshiningilawina oshowo okuhinga a longitha iikolwitha.
Ina pewa omboloha pethimbo a holoka mompangu noshipotha she osha undilulwa komasiku 31 gaKotomba.
Oshiponga shoka osha holoka oshinano shookilometa 30 mUumbugantu waKalkrand ongula yOsoondaha lwopotundi onti 09:00.
Ombesa oya li tayi fala kotuula aanona yondondo onti 7 yoskola yaWindhoek Gymnasium kOrange River.
Angela Maiba oshowo Jacques Venter, ayehe yomimvo 13 oya hulithila moshiponga shoka omanga aanona oyendji yeehamekwa.
Ongundu yaanaskola ya thika po 120 opamwe naalongi oya li momambesa gaali gehangano lyoSunshine Tours.
Uanivi, ngoka e li omuniilonga gwehangano lyoSunshine Tours, okwa tulwa miipandeko konima sho a fudhilithwamo na okwa monika kutya okwa longitha iikolitha. Pehala lyoshiponga opwa adhika wo omalovu.
Aanona ayehe mboka inaya ehamekelwa moshiponga pamwe naalongi yawo oya shunwa kOvenduka konima yoshiponga omanga mboka yeehamekwa ya falwa miipangelo ya yooloka.
Kakele kokugandja omahekeleko omolwa oshiponga shoka kepandja lyawo lyoFacebook, ehangano lyoSunshine Tours inali popya sha kombinga yoshiponga.
Okwa ningwa oshituthi shokutema uulehita poskola yaWindhoek Gymnasium, ongulohi yOmaandaha moka aavali naanaskola ya gongala okudhimbuluka aanaskola yaali mboka ya hulithile moshiponga.
Comments
Namibian Sun
No comments have been left on this article