Omuhingi gweloli OmuNamibia a monika ombuto yoCOVID-19
Epangelo olya yeleke kombinga yolopota ndjoka ya holoka komapandja gomakwatathano gopamalungula kutya aakwashigwana yaali yaNamibia oya monika ombuto yocorona moZambia.
NAMPA
OVENDUKA
Ominista yUundjolowele nOnkalonawa, Kalumbi Shangula, okwa koleke kutya omukwashigwana gumwe gwaNamibia omuhingi gweloli okwa monika ombuto yoCoronavirus (COVID-19) na kaye shi yaali ngaashi sha lopotwa komapandja gomakwatathano gopamalungula.
Sho a popi pethimbo lyegandjo lyomauyelele kombinga yombuto yoCOVID-19 mOvenduka mOlyomakaya, Shangula okwa popi kutya uuministeli we okupitila mUuministeli wOmakwatathano goPaigwana oya yakula uuyelele kombinga yolopota ndjoka kutya aahingi yomaloli yaali aakwashigwana yaNamibia oya monika ombuto, konima sho ya ningilwa omakonaakono moZambia.
Okwa popi kutya shalandula omakonaakono, osha monika mo kutya omukwashigwana owala gumwe gwaNamibia oye a monika ombuto, omutiyali okuli omukwashigwana gwa Zimbabwe.
Pauyelele mboka wa gandjwa kuShangula, omuhingi gweloli OmuNamibia okwa yi moZambia a pitile koongamba dhaKatima Mulilo momasiku o 19 gaApilili sho a tamekele olweendo lwe mOmbaye.
Ye pamwe naahingi yakwawo oyali yiikalekelwa nokuningilwa omakonaakono goCOVOD-19 ihe omayamukulo oga holola kutya kaye na ombuto.
Konima okwa mangululwa na okwayi koKasumbalesa, na okwa falwa koMasaiti hoka a ka ningilwa ishewe omakonaakono na okwa monika ombuto na okwiikwalekelwa.
Omukwashigwana omukwawo omuhingi gweloli okwa mangululwa komalelo gaZambia konima sho omayamukulo ge ga holola kutya ke na ombuto na okwa tsikile niilonga ye.
“Otwa tseyithilwa kutya kuli nawa na ita ehama,” Shangula a popi.
Minista okwa tsikile kutya uuministeli owa tamekitha olukongo lwaantu mboka ya yi mekwatathano nomuhingi ngoka a monika ombuto omanga a li molweendo okuza kOmbaye okuya koZambia.
Shangula okwa popi kutya oshipotha shoka otashi ya lulilwa kuZambia, naNamibia oku na owala iipotha 16 moka aantu yahetatu yeeluka omanga mboka ye na natango ombuto ye li yahetatu.
Minista okwa koleke natango kutya aantu 51 oya ningilwa omakonaakono gombuto mEtitano niizemo oya holola kutya kaye na ombuto, nokweetitha omwaalu gwaantu mboka ya ningilwa omakonaakono moshilongo po 1060, moka aantu 263 yi ikalekelwa.
OVENDUKA
Ominista yUundjolowele nOnkalonawa, Kalumbi Shangula, okwa koleke kutya omukwashigwana gumwe gwaNamibia omuhingi gweloli okwa monika ombuto yoCoronavirus (COVID-19) na kaye shi yaali ngaashi sha lopotwa komapandja gomakwatathano gopamalungula.
Sho a popi pethimbo lyegandjo lyomauyelele kombinga yombuto yoCOVID-19 mOvenduka mOlyomakaya, Shangula okwa popi kutya uuministeli we okupitila mUuministeli wOmakwatathano goPaigwana oya yakula uuyelele kombinga yolopota ndjoka kutya aahingi yomaloli yaali aakwashigwana yaNamibia oya monika ombuto, konima sho ya ningilwa omakonaakono moZambia.
Okwa popi kutya shalandula omakonaakono, osha monika mo kutya omukwashigwana owala gumwe gwaNamibia oye a monika ombuto, omutiyali okuli omukwashigwana gwa Zimbabwe.
Pauyelele mboka wa gandjwa kuShangula, omuhingi gweloli OmuNamibia okwa yi moZambia a pitile koongamba dhaKatima Mulilo momasiku o 19 gaApilili sho a tamekele olweendo lwe mOmbaye.
Ye pamwe naahingi yakwawo oyali yiikalekelwa nokuningilwa omakonaakono goCOVOD-19 ihe omayamukulo oga holola kutya kaye na ombuto.
Konima okwa mangululwa na okwayi koKasumbalesa, na okwa falwa koMasaiti hoka a ka ningilwa ishewe omakonaakono na okwa monika ombuto na okwiikwalekelwa.
Omukwashigwana omukwawo omuhingi gweloli okwa mangululwa komalelo gaZambia konima sho omayamukulo ge ga holola kutya ke na ombuto na okwa tsikile niilonga ye.
“Otwa tseyithilwa kutya kuli nawa na ita ehama,” Shangula a popi.
Minista okwa tsikile kutya uuministeli owa tamekitha olukongo lwaantu mboka ya yi mekwatathano nomuhingi ngoka a monika ombuto omanga a li molweendo okuza kOmbaye okuya koZambia.
Shangula okwa popi kutya oshipotha shoka otashi ya lulilwa kuZambia, naNamibia oku na owala iipotha 16 moka aantu yahetatu yeeluka omanga mboka ye na natango ombuto ye li yahetatu.
Minista okwa koleke natango kutya aantu 51 oya ningilwa omakonaakono gombuto mEtitano niizemo oya holola kutya kaye na ombuto, nokweetitha omwaalu gwaantu mboka ya ningilwa omakonaakono moshilongo po 1060, moka aantu 263 yi ikalekelwa.
Comments
Namibian Sun
No comments have been left on this article