Omuhandjo gwoskola gwa hanagulwa po komulilo
Aanaskola yamwe po mosekundoskola ya Oshela Senior Secondary School mOkongo oya dhigwa ye na owala omizalo dhawo dhoskola sho iinima yawo ya hanagulwa po komulilo omutenya gwOmaandaha.
Omukomeho gwoshikondo shelongo, mOshitopolwa shaHangwena, Isak Hamatwi, okwa popi kutya omakonaakono gopetameko otaga ulike kutya ekwatakanitho lyiikwamalusheno shaheli pamulandu komuhandjo gwaamati moskola, olyo lya etitha omulilo ngoka.
Hamatwi okwa popi kutya omunaskola gumwe aniwa oye a kwatakanitha oradio noongodhi dhi li kombanda.
“Etungo limwe lyomuhandjo olya yaka omulilo omutenya gwOmaandaha omanga aanona taya lesha koongulu dhoskola. Mondunda moka mwa tameke omulilo oya hanagulwapo ayihe,” Hamatwi ta popi.
Hamatwi okwa tsikile kutya omulilo ngoka ogwiihanene moondunda dha landula ko nomulilo ogwa etithwa kekwatakanitho lyoradio noongodhi dhili kombanda.
Molwaashoka kamu na ookadhimamulilo mOkongo omulilo ngoka ogwa dhimwa owala kolupadhi.
Ngoka ta longo pehala lyomukuluntuskola, Eunike Shinyongo okwa koleke kutya omulilo ngoka ogwa tukuka omanga aanaskola yali taya lesha koongulu dhoskola omutenya, naaniilonga oshowo aanaskola oya tameke okudhima omulilo ngoka. Oya li ya kwathelwa kopolisi oshowo aanambelewa yamwe po mokudhima omulilo, opo kagu taandele okuya koondunda dhilwe. Omulilo ogwa yonagula omaliko gaanaskola oshowo omaliko goskola, pahapu dhomukuluntuskola.
Okwa tsikile kutya aalongiskola yamwe, oya holola ohokwe yokukwathela aanaskola mboka ya kanitha iinima yawo.
Omukomeho gwelongo okwa popi kutya otaya tegelele omakonaakono ngoka ga tamekithwa sigo ga manithwa, molwaashoka kaye na lela uumbangi kutya oshike sha etitha omulilo ngoka.
Hamatwi okwa tsikile kutya aanaskola mboka oondunda dhawo dha piti, oya tembudhilwa koondunda dhimwe hoka ku na omahala molwa aanaskola yondondo onti 10 no 12 mboka ya manitha omakonaakono gawo na oya ya komagumbo.
ILENI NANDJATO
Hamatwi okwa popi kutya omunaskola gumwe aniwa oye a kwatakanitha oradio noongodhi dhi li kombanda.
“Etungo limwe lyomuhandjo olya yaka omulilo omutenya gwOmaandaha omanga aanona taya lesha koongulu dhoskola. Mondunda moka mwa tameke omulilo oya hanagulwapo ayihe,” Hamatwi ta popi.
Hamatwi okwa tsikile kutya omulilo ngoka ogwiihanene moondunda dha landula ko nomulilo ogwa etithwa kekwatakanitho lyoradio noongodhi dhili kombanda.
Molwaashoka kamu na ookadhimamulilo mOkongo omulilo ngoka ogwa dhimwa owala kolupadhi.
Ngoka ta longo pehala lyomukuluntuskola, Eunike Shinyongo okwa koleke kutya omulilo ngoka ogwa tukuka omanga aanaskola yali taya lesha koongulu dhoskola omutenya, naaniilonga oshowo aanaskola oya tameke okudhima omulilo ngoka. Oya li ya kwathelwa kopolisi oshowo aanambelewa yamwe po mokudhima omulilo, opo kagu taandele okuya koondunda dhilwe. Omulilo ogwa yonagula omaliko gaanaskola oshowo omaliko goskola, pahapu dhomukuluntuskola.
Okwa tsikile kutya aalongiskola yamwe, oya holola ohokwe yokukwathela aanaskola mboka ya kanitha iinima yawo.
Omukomeho gwelongo okwa popi kutya otaya tegelele omakonaakono ngoka ga tamekithwa sigo ga manithwa, molwaashoka kaye na lela uumbangi kutya oshike sha etitha omulilo ngoka.
Hamatwi okwa tsikile kutya aanaskola mboka oondunda dhawo dha piti, oya tembudhilwa koondunda dhimwe hoka ku na omahala molwa aanaskola yondondo onti 10 no 12 mboka ya manitha omakonaakono gawo na oya ya komagumbo.
ILENI NANDJATO
Comments
Namibian Sun
No comments have been left on this article