Omudhimba gwokanona gwa monika
Omudhimba gwokanona kokamati koomvula ndatu hoka ka si omeya ongulohi yOmaandaha, ogwa monika ongula yOlyomakaya pondje yolukanda lwawomOvenduka, omanga yina a fumbikwa momukunda gwawo moshitopolwa shaMusati, esiku tuu ndyoka.
Omupopiliko gwopolisi, Chief Inspector Kauna Shikwambi okwa koleke koshifokundaneki shoNamibian Sun kutya omudhimba gwaJason Shindinge ogwa monika lwopotundi onti 10:30.
Shindinge okwa adhika popepi pehala mpoka omudhimba gwayina gwa li gwa adhika, konima sho a lopotwa a kana konima sho ombashu yawo ya kungululwa po komeya, sha landula omuloka omunene ongulohi yOmaandaha goshiwike sha piti.
Yina, Saima Thomas, naye okwa si omeya ongulohi ndjoka, ihe olutu lwe olwa adhika oshinano shookilometa mbali okuza mpoka pwa li ombashu yawo.
Omumati gwaThomas, okwa hupu moshiningwanima shoka, pamwe nokanona kawo kokakadhona ke na omasiku gatatu.
Oshiningwanima shoka osha ningilwa molukanda lwedhina Abraham Iiyambo moHakahana mOvenduka.
Pahap dhaJohannes David ngoka e li oshilyo showoman and men network, Thomas okwa fumbikwa momukunda Okambebe moshitopolwa shaMusati, mOlyomakaya.
David okwa popi kutya okwa pandula oshigwana shoka sha yambidhidha molukongo ndoka, okutameka Omaandaha, oshowo mboka ya gandja omayambidhidho koonakuthigwapo.
Opolisi oya pula oshigwana shi talele po okila yomidhimba yopolisi ngele oye na aaholike yawo mboka ya kana.
Opolisi oya lopota kutya ope na omudhimba gwomukiintu ngoka gwa adhika kombanda yomeya mOndama yaGoreangab, mEtine lyomasiku 19 gaApilili, komukwashigwana momudhingoloko gwaGreenwell Matongo.
Omudhimba ngoka ogwa kuthwa mo kopolisi ihe inagu dhimbululwa natango.
JEMIMA BEUKES
Omupopiliko gwopolisi, Chief Inspector Kauna Shikwambi okwa koleke koshifokundaneki shoNamibian Sun kutya omudhimba gwaJason Shindinge ogwa monika lwopotundi onti 10:30.
Shindinge okwa adhika popepi pehala mpoka omudhimba gwayina gwa li gwa adhika, konima sho a lopotwa a kana konima sho ombashu yawo ya kungululwa po komeya, sha landula omuloka omunene ongulohi yOmaandaha goshiwike sha piti.
Yina, Saima Thomas, naye okwa si omeya ongulohi ndjoka, ihe olutu lwe olwa adhika oshinano shookilometa mbali okuza mpoka pwa li ombashu yawo.
Omumati gwaThomas, okwa hupu moshiningwanima shoka, pamwe nokanona kawo kokakadhona ke na omasiku gatatu.
Oshiningwanima shoka osha ningilwa molukanda lwedhina Abraham Iiyambo moHakahana mOvenduka.
Pahap dhaJohannes David ngoka e li oshilyo showoman and men network, Thomas okwa fumbikwa momukunda Okambebe moshitopolwa shaMusati, mOlyomakaya.
David okwa popi kutya okwa pandula oshigwana shoka sha yambidhidha molukongo ndoka, okutameka Omaandaha, oshowo mboka ya gandja omayambidhidho koonakuthigwapo.
Opolisi oya pula oshigwana shi talele po okila yomidhimba yopolisi ngele oye na aaholike yawo mboka ya kana.
Opolisi oya lopota kutya ope na omudhimba gwomukiintu ngoka gwa adhika kombanda yomeya mOndama yaGoreangab, mEtine lyomasiku 19 gaApilili, komukwashigwana momudhingoloko gwaGreenwell Matongo.
Omudhimba ngoka ogwa kuthwa mo kopolisi ihe inagu dhimbululwa natango.
JEMIMA BEUKES
Comments
Namibian Sun
No comments have been left on this article