Ompumbwe yomiti
Aapangwa naavu pomandiki guundjolowele gepangelo ngaashi moshipangelo shaSt Mary's, Rehoboth nokaklinika ka Okombahe oya popi kutya oya shunithwa komagumbo inaya pewa omiti dhawo nenge ya pewa omiti inadhi gwanapo omolwa ompumbwe yomiti ndjoka inayi vula okuyelithwa.
Pahapu dhaLourencia /Hoebes gwomOkombahe Oshitopolwa shErongo, okwa ti kutya omupangi okwa lombwele yina ngoka e li kepango lyombinzi ya londa kutya epangelo itali gandja we omiti dhomikithi nga ngoka e na.
“Aapangwa/aavu oya pumbwa okugandja omakalata gawo noshimaliwa shooN$70 komupangi opo ya kalandelwe omiti koostola dhomiti dhopaumwene. Mboka katuna oshimaliwa shoka otatu si owala,” /Hoebes a popi.
Omanga a ningile omapulo ondando yomiti ndhoka, /Hoebes okwa nyana omulandu ngoka ta popi kutya omuhingi gwoambulansa olundji oha dhimbwa omaiti ndhoka naashoka otashi tula moshiponga oomwenyo dhaapangwa.
Okwa tsikile kutya ope na omathimbo ngoka omiti hadhi pumo moAputeka na ohashi etitha aapangwa ya tegelele uule wiiwike kaye na omiti.
“Kandi shishi kutya omolwashike haya pula ooN$70 molwaashoka onda nongele kutya omiti ndhoka odhina owala ooN$10 dhili mo o-30. Shoka osha hala okutya ngele owuna ombinzi ya londa oshowo odiabete ano omukithi gwosuuka nena oto longitha oshimaliwa shooN$140 nenge oshindji kehe omwedhi.”
Pauyelele mboka wa gandjwa kostola yomiti mOmaruru, oopela dhombinzi ya londa ndhoka unene hadhi landwa kaapangwa yepangelo dho amiloretic ohadhi pula oshimaliwa shooN$20 moopela 30.
Omukiintu gwomoRehoboth ngoka okanona ke kali ka taambelwa oshipangelo shaSt Mary omolwa pneumonia okwa popi kutya okwa lombwelwa a ka lande omuti gwomukolo kostola yomiti molwaashoka oshipangelo kashi na omiti dhomukithi ngoka.
Omupangi ngoka a li miilonga ina yelithilandje kutya onda pumbwa okulanda omuti guni, okwa popi owala kutya nandi lande ngoka tagu opalele poomvula dhe.
Omukuluntu guundjolowele moshipangelo shoka, Dr Daylight Manyare okwa tindi okupopya sha na okwa ukitha omapulo agehe koshikondo shomauyelele goshigwana muuministeli.
Omanga a popi kutya okaklinika ka Okombahe oke na omiti adhihe, Ester Paulus omupopiliko guuministeli, okwa popi kutya otendela yokufala omiti dhoAmiloride ndhoka hadhi pewa aapangwa mboka ye na ombinzi ya londa kokaklinika hoka oyali ya kuthwa mo.
Okwa popi kutya omuti ngoka ogwa pumba nuuministeli otawu kongo po omuti gumwe ngoka tagu vulu okutulwa pehala lyaangoka.
Kombinga yehokololo lyomoshipangelo shaSt Mary moRehoboth, Paulus okwa popi kutya oya pumbwa okumona omuyakulwa tango opo ya kwashilipaleke ngele omiti ndhoka odha pwa mo moshipangelo.
“Oshipangelo shepangelo moRehoboth oshinene na oshina omiti adhihe. Ngaashi nda pula nale otwa pumbwa edhina lyomupangwa opo tu vule okumona uuyelele wuli mondjila kombinga yepango lye.”
JEMIMA BEUKES
Pahapu dhaLourencia /Hoebes gwomOkombahe Oshitopolwa shErongo, okwa ti kutya omupangi okwa lombwele yina ngoka e li kepango lyombinzi ya londa kutya epangelo itali gandja we omiti dhomikithi nga ngoka e na.
“Aapangwa/aavu oya pumbwa okugandja omakalata gawo noshimaliwa shooN$70 komupangi opo ya kalandelwe omiti koostola dhomiti dhopaumwene. Mboka katuna oshimaliwa shoka otatu si owala,” /Hoebes a popi.
Omanga a ningile omapulo ondando yomiti ndhoka, /Hoebes okwa nyana omulandu ngoka ta popi kutya omuhingi gwoambulansa olundji oha dhimbwa omaiti ndhoka naashoka otashi tula moshiponga oomwenyo dhaapangwa.
Okwa tsikile kutya ope na omathimbo ngoka omiti hadhi pumo moAputeka na ohashi etitha aapangwa ya tegelele uule wiiwike kaye na omiti.
“Kandi shishi kutya omolwashike haya pula ooN$70 molwaashoka onda nongele kutya omiti ndhoka odhina owala ooN$10 dhili mo o-30. Shoka osha hala okutya ngele owuna ombinzi ya londa oshowo odiabete ano omukithi gwosuuka nena oto longitha oshimaliwa shooN$140 nenge oshindji kehe omwedhi.”
Pauyelele mboka wa gandjwa kostola yomiti mOmaruru, oopela dhombinzi ya londa ndhoka unene hadhi landwa kaapangwa yepangelo dho amiloretic ohadhi pula oshimaliwa shooN$20 moopela 30.
Omukiintu gwomoRehoboth ngoka okanona ke kali ka taambelwa oshipangelo shaSt Mary omolwa pneumonia okwa popi kutya okwa lombwelwa a ka lande omuti gwomukolo kostola yomiti molwaashoka oshipangelo kashi na omiti dhomukithi ngoka.
Omupangi ngoka a li miilonga ina yelithilandje kutya onda pumbwa okulanda omuti guni, okwa popi owala kutya nandi lande ngoka tagu opalele poomvula dhe.
Omukuluntu guundjolowele moshipangelo shoka, Dr Daylight Manyare okwa tindi okupopya sha na okwa ukitha omapulo agehe koshikondo shomauyelele goshigwana muuministeli.
Omanga a popi kutya okaklinika ka Okombahe oke na omiti adhihe, Ester Paulus omupopiliko guuministeli, okwa popi kutya otendela yokufala omiti dhoAmiloride ndhoka hadhi pewa aapangwa mboka ye na ombinzi ya londa kokaklinika hoka oyali ya kuthwa mo.
Okwa popi kutya omuti ngoka ogwa pumba nuuministeli otawu kongo po omuti gumwe ngoka tagu vulu okutulwa pehala lyaangoka.
Kombinga yehokololo lyomoshipangelo shaSt Mary moRehoboth, Paulus okwa popi kutya oya pumbwa okumona omuyakulwa tango opo ya kwashilipaleke ngele omiti ndhoka odha pwa mo moshipangelo.
“Oshipangelo shepangelo moRehoboth oshinene na oshina omiti adhihe. Ngaashi nda pula nale otwa pumbwa edhina lyomupangwa opo tu vule okumona uuyelele wuli mondjila kombinga yepango lye.”
JEMIMA BEUKES
Comments
Namibian Sun
No comments have been left on this article