Ompumbwe yomikanda dhuukwashigwana tayi nayipalekitha oluhepo moKavango
19 May 2020 | Local News
KENYA KAMBOWE
KARANAWA
Aakwashigwana oyendji miitopolwa iyali yaKavango otaya hupuko kokumona omauwanawa gomayambidhidho gepangelo ngaashi iiyemo mbyoka hayi pewa aakokele naamboka taya lumbu moluhepo oshowo oodhigwa kehe omwedhi, molwaashoka kaye na omikanda dhuukwashigwana waNamibia.
Oyendji aazaizai mboka ya taaguluka oongamba okuza miitopolwa yomuumbugantu waAngola, na oya taaguluka oongamba dhomulonga gwaKavango oomvula odhindji dha piti, moonkambadhala dhokukonga uuhupilo moNamibia.
Sho kaye na oomikanda dhuukwashigwana, oshidhigu woo kaakwashigwana mboka yamone iilonga.
Mboka oya patelwa pondje okumona omauwanawa omolwa onkalo kutya kaye na omikanda, nooskola sho tadhi pula oonzapo dhomavalo pethimbo lyomashangitho gaanona mooskola, osha etitha aanona yamwe ya patelwe pondje na itaya vulu okutameka ooskola.
Yamwe po yomaanona mboka ya ningi elago nokumona oonzapo mekwathelo lyooskola, natango itaya vulu okumona omauwanawa giiyemo okuza kepangelo molwaashoka aavaali yawo kaye na uumutse woshilongo.
Omolwa onkalo ndjoka, oluhepo onkene talu dhengele pevi aakwashigwana mboka.
Olukanda lwedhina Karanawa, moKavango West moshikandjohogololo Nkurenkuru olu li oshiholelwa shonkalo ndjoka.
Omukwashigwana gwedhina Helena Mukoveka, okwa ningi omukalimo gwomolukanda ndoka oomvula 30 dha piti, okuza moAngola.
Pauyelele mboka tawu adhika pekalata lye lyoshipangelo, oku na oomvula 42.
Mukoveka ohazi pamwe nomuholike gwe Micheal Kasera Petrus, omuniilonga gwomofaalama. Aantu 16 ohaya zi megumbo moka pamwe naanona yawo oshowo aatekulu, nomunona gwawo omukuluntu oku na oomvula 27.
Mukoveka okwa holola kutya onkalamwenyo oye mu dhigupalela sho ke na iilonga na oha hupu owa mokuninga iilonga yanathangwa momudhingoloko gwawo.
Okwa popi kutya aanona ye yoomvula 10, omugoyi, ndatu noomwedhi 10 ihaya mono iiyemo okuza kepangelo molwaashoka ke na uukwashigwana waNamibia.
Nonando Petrus okuli omukwashigwana gwaNamibia na oku na okamutse, okumona oshimaliwa shooN$400 sholefa, opo ya vule okuya pamwe nombangi koRundu ya ka mone onzapo yondjokana okuza kongeleka yaKatoolika, oshi li she yadhigupalela, opo Mukoveka a vule okumona uukwashigwana.
Sho a ningilwa omapulo, kansela gwoshikandjohogololo Nkurenkuru, Damian Nakambare okwa popi kutya aakwashigwana oyedji mboka ye li aakalimo yomoKaranawa oshowo omaalukanda gamwe ihaya popi uukwashili kaanambelewa ngele tashi ya kuukwashigwana wawo.
Kansela okwa popi kutya oyendji ohaya popi iifundja kutya oya kalamo moNamibia uule wethimbo elele nonando opo owala ye mo moshilongo.
Okwa popi kutya iifundja mbyoka ohayi monika mo sho oyendji mboka ihaya vulu okupopya elaka lyomomudhingoloko nonando otaya popi kutya oya ninga mo oomvula odhindji.
Nakambare okwa pula aazaizai mboka yahala okumona uukwashigwana waNamibia, ya landule omilandu dhomondjila mokuninga omaindilo guukwashigwana.
KARANAWA
Aakwashigwana oyendji miitopolwa iyali yaKavango otaya hupuko kokumona omauwanawa gomayambidhidho gepangelo ngaashi iiyemo mbyoka hayi pewa aakokele naamboka taya lumbu moluhepo oshowo oodhigwa kehe omwedhi, molwaashoka kaye na omikanda dhuukwashigwana waNamibia.
Oyendji aazaizai mboka ya taaguluka oongamba okuza miitopolwa yomuumbugantu waAngola, na oya taaguluka oongamba dhomulonga gwaKavango oomvula odhindji dha piti, moonkambadhala dhokukonga uuhupilo moNamibia.
Sho kaye na oomikanda dhuukwashigwana, oshidhigu woo kaakwashigwana mboka yamone iilonga.
Mboka oya patelwa pondje okumona omauwanawa omolwa onkalo kutya kaye na omikanda, nooskola sho tadhi pula oonzapo dhomavalo pethimbo lyomashangitho gaanona mooskola, osha etitha aanona yamwe ya patelwe pondje na itaya vulu okutameka ooskola.
Yamwe po yomaanona mboka ya ningi elago nokumona oonzapo mekwathelo lyooskola, natango itaya vulu okumona omauwanawa giiyemo okuza kepangelo molwaashoka aavaali yawo kaye na uumutse woshilongo.
Omolwa onkalo ndjoka, oluhepo onkene talu dhengele pevi aakwashigwana mboka.
Olukanda lwedhina Karanawa, moKavango West moshikandjohogololo Nkurenkuru olu li oshiholelwa shonkalo ndjoka.
Omukwashigwana gwedhina Helena Mukoveka, okwa ningi omukalimo gwomolukanda ndoka oomvula 30 dha piti, okuza moAngola.
Pauyelele mboka tawu adhika pekalata lye lyoshipangelo, oku na oomvula 42.
Mukoveka ohazi pamwe nomuholike gwe Micheal Kasera Petrus, omuniilonga gwomofaalama. Aantu 16 ohaya zi megumbo moka pamwe naanona yawo oshowo aatekulu, nomunona gwawo omukuluntu oku na oomvula 27.
Mukoveka okwa holola kutya onkalamwenyo oye mu dhigupalela sho ke na iilonga na oha hupu owa mokuninga iilonga yanathangwa momudhingoloko gwawo.
Okwa popi kutya aanona ye yoomvula 10, omugoyi, ndatu noomwedhi 10 ihaya mono iiyemo okuza kepangelo molwaashoka ke na uukwashigwana waNamibia.
Nonando Petrus okuli omukwashigwana gwaNamibia na oku na okamutse, okumona oshimaliwa shooN$400 sholefa, opo ya vule okuya pamwe nombangi koRundu ya ka mone onzapo yondjokana okuza kongeleka yaKatoolika, oshi li she yadhigupalela, opo Mukoveka a vule okumona uukwashigwana.
Sho a ningilwa omapulo, kansela gwoshikandjohogololo Nkurenkuru, Damian Nakambare okwa popi kutya aakwashigwana oyedji mboka ye li aakalimo yomoKaranawa oshowo omaalukanda gamwe ihaya popi uukwashili kaanambelewa ngele tashi ya kuukwashigwana wawo.
Kansela okwa popi kutya oyendji ohaya popi iifundja kutya oya kalamo moNamibia uule wethimbo elele nonando opo owala ye mo moshilongo.
Okwa popi kutya iifundja mbyoka ohayi monika mo sho oyendji mboka ihaya vulu okupopya elaka lyomomudhingoloko nonando otaya popi kutya oya ninga mo oomvula odhindji.
Nakambare okwa pula aazaizai mboka yahala okumona uukwashigwana waNamibia, ya landule omilandu dhomondjila mokuninga omaindilo guukwashigwana.
Classifieds