Ompangu tayi ka tokola ngele omufekelwa ota vulu okupangulwa
Ompangulilo yamangestrata moRundu otayi ka ninga etokolo mEtitatu lyoshiwike twa taalela, ngele Jesaya Gabriel Chuhunda, ngoka ta tamanekelwa edhipago lyaakwanezimo ye yatano ota vulu okupangulwa.
Olopota yomakonaakono gonkalo yopamadhilaadhilo yaChuhunda oya gandjwa mompangu mEtiyali.
Mangestrata Barry Mufana okwa undulile komeho oshipotha shoka sigo okomasiku gatatu gaSepetemba opo a vule okunongonona nawa olopota ndjoka. Chuhunda ota tamanekelwa edhipago yaakwanezimo ye yatano, yinakulu Ndongo Ntumba (77), yina, Ndara Elizabeth Mpande (46), oshowo aamwayinagona yatatu, Musenge Petrus Muruti (6), Hausiku Daniel Kapumburu (4) naMusenge Elias Tjingelesu (3), sha ningwa muJuli gwomvula yo2018. Oshiningwanima shoka osha ningilwa molukanda Ndama moRundu.
Oolopota dhopetameko odha holola kutya okwa longo omuyonena ngoka sha landula sho omumwayinakadhona e mu tindile iimaliwa.
Omufekelwa otaku popiwa woo kutya okwa kala ha longitha iingangamithi. Oshipotha shoka osha kala uule konyala womvula yimwe omolwa olopota yonkalo yopamadhilaadhilo yaChuhunda ndjoka ya kala ya tegelelwa. Endiki lyuundjolowele wopamadhilaadhilo moWindhoek Central Hospital olyo owala endiki moshilongo ndyoka hali gandja omayakulo ngoka.
Endiki ndyoka oli oombete dhi li 80 ihe oombete owala 16 odho hadhi gandjwa kwamboka taya ningilwa omakonaakono gopamadhilaadhilo.
Sha landula oshiningwanima shoka, aapolisi yaali oya kuthwa oombandi miilonga nokutulwa poonkatu dhopevi oshowo okufutithwa oshimaliwa shooN$1 500 kehe gumwe konima sho ya monika ondjo yuuhasha sho ya ndopa okuyamukula keindilo lyofamili ndjoka opo opolis yi yakwathele omanga omadhipago ngoka inaga ningwa.
KENYA KAMBOWE
Olopota yomakonaakono gonkalo yopamadhilaadhilo yaChuhunda oya gandjwa mompangu mEtiyali.
Mangestrata Barry Mufana okwa undulile komeho oshipotha shoka sigo okomasiku gatatu gaSepetemba opo a vule okunongonona nawa olopota ndjoka. Chuhunda ota tamanekelwa edhipago yaakwanezimo ye yatano, yinakulu Ndongo Ntumba (77), yina, Ndara Elizabeth Mpande (46), oshowo aamwayinagona yatatu, Musenge Petrus Muruti (6), Hausiku Daniel Kapumburu (4) naMusenge Elias Tjingelesu (3), sha ningwa muJuli gwomvula yo2018. Oshiningwanima shoka osha ningilwa molukanda Ndama moRundu.
Oolopota dhopetameko odha holola kutya okwa longo omuyonena ngoka sha landula sho omumwayinakadhona e mu tindile iimaliwa.
Omufekelwa otaku popiwa woo kutya okwa kala ha longitha iingangamithi. Oshipotha shoka osha kala uule konyala womvula yimwe omolwa olopota yonkalo yopamadhilaadhilo yaChuhunda ndjoka ya kala ya tegelelwa. Endiki lyuundjolowele wopamadhilaadhilo moWindhoek Central Hospital olyo owala endiki moshilongo ndyoka hali gandja omayakulo ngoka.
Endiki ndyoka oli oombete dhi li 80 ihe oombete owala 16 odho hadhi gandjwa kwamboka taya ningilwa omakonaakono gopamadhilaadhilo.
Sha landula oshiningwanima shoka, aapolisi yaali oya kuthwa oombandi miilonga nokutulwa poonkatu dhopevi oshowo okufutithwa oshimaliwa shooN$1 500 kehe gumwe konima sho ya monika ondjo yuuhasha sho ya ndopa okuyamukula keindilo lyofamili ndjoka opo opolis yi yakwathele omanga omadhipago ngoka inaga ningwa.
KENYA KAMBOWE
Comments
Namibian Sun
No comments have been left on this article