Omagumbo mOngwediva nOshakati ge Ii kohi yomeya

Omagumbo gamwe po moondoolopa dhomonooli yoshilongo mOngwediva oshowo Oshakati oge li kohi yomeya sha landula omuloka omunene gwa loko mEtine lyoshiwike sha piti.Aakalimo yomomudhingoloko gwaNew Reception mOngwediva oya gumwa.“Omagumbo getu oge li kohi yomeya omolwa ondjila ompe ndjoka tayi tungwa,” gumwe gwomaakalimo, Elly Mweendeleli, a popi pethimbo a ningwa naye oonkundathana koNampa.Aakwashigwana mboka ya gumwa oya pula elelo lyondoolopa li ya ningile ondjila yomatondokelo gomeya, taya popi kutya omeya oga thikama owala pomagumbo gawo pehala ga tondokele miishana.Omunambelewa omupopiliko gwelelo lyondoolopa yaNgwediva, Jackson Muma okwa lombwele oNampa kutya elelo oli na ontseyo kombinga yuupyakadhi womeya moNew Reception na otali longo kehe shoka tali vulu mokukandula po uupyakadhi mboka.Omagumbo mOnawa Extension 3 mOshakati na go oge li muupyakadhi womeya.Omukalimo gumwe, Levitius Kashonga, okwa popi kutya elelo olye ya tembula okuza kEemwandi ihe olye ya tula momeya. Okwa popi kutya oya hala ya tulwe pehala mpoka iha pu kankama omeya.Okwa popi kutya iinima yawo oyindji oya yonagulwa komeya. Mayola gwondoolopa yaShakati, Angelus Iiyambo, okwa popi kutya aanambelewa oya yi kOnawa opo ya ka gandje ekwatho kaakwashigwanaa mboka ya gumwa.NAMPA

Omagumbo mOngwediva nOshakati ge Ii kohi yomeya

Comments

Namibian Sun 2025-07-04

Please login to leave a comment

Omagumbo mOngwediva nOshakati ge Ii kohi yomeya

Comments

Namibian Sun 2025-07-04

Please login to leave a comment

Login