Omadhagadhaga taga ka longitha mokulwitha iimbuluma
Pahapu dhomunambelewa omukomeho gwOpolisi, Sebastian Ndeitunga, omadhagadhaga gopolisi otaga ka longithwa kaanambelewa yopolisi, okuya komidhingoloko dhokokule mokukondjitha iimbuluma uuna oopate dha kala itadhi vulu okulongithwa omolwa efundja.
Pethimbo lyomuloka unene monooli yoshilongo, aantu unene aakokele mboka haya kala momagumbo oyo ayeke ohaya ningi iihakanwa yomiyonena okuza koongangala omolwa oondjila ndhoka itadhi vulu okulongithwa, noongangala ndhoka ihadhi geelwa.
Sho omuloka guli petameko, oondjila dhimwe odha tameka nala okukala itadhi longithwa.
Ndeitunga, pethimbo a ningwa naye oonkundathana koNamibia Sun mEtiyali, okwa popi kutya omadhagadhaga otaga ka topolwa.
“Otu na omadhagadhaga nongele oshimbuluma osha longelwa kombinga hoka itatu vulu okuya niihauto nena otatu ka tuka,” Ndeitunga a popi.
Ndeitunga okwa popi kutya itaya ka etha ya sindike koongangala.
Kakele komaupyakadhi ngoka haga holoka pethimbo lyomuloka, omahala gamwe ngaashi moshitopolwa shaShikoto ihaga vulu okuyiwa omolwa oondjila oombwiinayi.
Omadhagadhaga ngoka ogo woo taga longithwa kokukondjitha uukongo mEtosha National Park mOshikoto oshowo moBwabwata National Park moZambezi okuza mOshakati.
KENYA KAMBOWE
Pethimbo lyomuloka unene monooli yoshilongo, aantu unene aakokele mboka haya kala momagumbo oyo ayeke ohaya ningi iihakanwa yomiyonena okuza koongangala omolwa oondjila ndhoka itadhi vulu okulongithwa, noongangala ndhoka ihadhi geelwa.
Sho omuloka guli petameko, oondjila dhimwe odha tameka nala okukala itadhi longithwa.
Ndeitunga, pethimbo a ningwa naye oonkundathana koNamibia Sun mEtiyali, okwa popi kutya omadhagadhaga otaga ka topolwa.
“Otu na omadhagadhaga nongele oshimbuluma osha longelwa kombinga hoka itatu vulu okuya niihauto nena otatu ka tuka,” Ndeitunga a popi.
Ndeitunga okwa popi kutya itaya ka etha ya sindike koongangala.
Kakele komaupyakadhi ngoka haga holoka pethimbo lyomuloka, omahala gamwe ngaashi moshitopolwa shaShikoto ihaga vulu okuyiwa omolwa oondjila oombwiinayi.
Omadhagadhaga ngoka ogo woo taga longithwa kokukondjitha uukongo mEtosha National Park mOshikoto oshowo moBwabwata National Park moZambezi okuza mOshakati.
KENYA KAMBOWE
Comments
Namibian Sun
No comments have been left on this article