Olukongo lwondjamba lwa hulu
30 December 2013 | Moshiwambo
OPUWO NAMPA
Ondjamba yontsenzi ndjoka kuniwe einekelo kutya oyo ya dhipaga omulumentu omukolele gwoomvula 64, mOmukunda Okatumba mOshitopolwa sha Kunene iiwike iyali ya piti monena, oya dhipagwa kaanambelewa yegamenene po lyIiyamakuti nIihwa.
Ondjamba ndjika oya yahwa kaanambelewa yUuministeli wOmidhingoloko nOmatalele po konima yolukongo lwuule womasiku ga thika po -13.
Pahapu dhomunambelewa Kevin Kenahama, ngoka a li naye oshitopolwa sholukongo ndoka okwati, ondjamba ndjoka oya yahwa lyopotundi 08:30 mEtine, omukakena gwookilometa 55 mUumbugantu waOpuwo mOmukunda tagu ithanwa Okapundja.
“Ondjamba ndjoka ohahu oya kambadhala okuponokela aanambelewa yegameno lyIiyamakuti nIihwa pamwe naakwashigwana mboka yali taya kwathele molukongo lwondjamba ndjoka pamwe noondjamba dhilwe ndatu,†Kenahama ta ti.
Omunashipundi gwegamenene po lyIihwa nIiyamakuti mOkongoro, Zahungama Mujenda, okwati onyama yondjamba ndjoka oya topolelwa po aakwashigwana ya thika po-300
Aanamukunda momikunda ngaashi Okapundja, Omireko, Otjerunda nOkatumba oya kala ye na uutile okuya miihwa omolwa ondjamba ndjoka ohahu.
Classifieds