Olugodhi lyeuliko lyomukwaniilwa gwaaGciriku otalu hulu masiku

KENYA KAMBOWERUNDUOlugodhi kombinga yaangoka tayi koshipundi shuuleli woVaGciriku otalu holoka ishewe miikondaneki konima sho Ngoloneya gwoshitopolwa shaKavango East, Bonifatius Wakudumo, ngoka a li a gandja eindilo lyaBartholomeus Aruvitha Kayoka opo a ninge omuleli a popi kutya itaka gandja we eindilo limwe po kuuministeli opo wu vule okuninga etokolo.Aakwashigwana yomuhoko ngoka gwoVaGciriku oya kala kaye na omuleli sha landula eso lyomuleli gwawo Kassian Shiyambi muNovemba gwo 2019, neuliko lyomulanduli gwe olya etitha etopoko mombala yelelo ndyoka.Moonkundathana dha ningwa koNamibian Sun, Wakudumo okwa popi kutya ombelelwa ye oya longo oshinyangadhalwa shayo meindilo lyaKayoka ndyoka lya ningwa palandulo lyomilandu dhopamudhigululwakalo gwaaGciriku oshowo Oveta yomalelo gopamuthigululwakalo moshilongo.Eindilo ndyoka olya gandjwa kukansela melelo ndyoka Festus Shikerete meyambidhidho lyombala yelelo ndyoka.Okwa popi kutya eindilo ndyoka olya gandjwa mesiku lyotango lyaDesemba omvula ya piti, nuuministeli inawu yamukula tango.Etokolo lyangoloneya olya thigi aalumentu yaali mboka yahala koshipundi shuuleli pomutenya.Felix Maraghuli Mashika oshowo omukalelipo nale gwaNamibia koCzech Republic, Simon Maruta nayo oya hala okuninga omaindilo.Uumunisteli otawu ka ningwa etokolo meindilo ndyoka lya ningwa.Ngoloneya Wakudumo okwa popi kombinga yaashoka sha holoka po osha landula eso lyomuleli nale.Okwa popi kutya okwa ningi omutumba momasiku 30 gaJuli mo 2020 nomalenga omanene melelo ndyoka, opo uuve kutya oshike sha kwata euliko lyomuleli omupe.Wakudumo okwa popi kutya momutumba ngoka omilandu odha tseyithilwa ayehe mboka ya kala momutumba ngoka na oya lombwelwa nkene euliko lyomuleli omupe li na okuningwa.Okwa popi kutya omutumba ogwa li gweende nawa ihe konima yoomwedhi Mashika okwa gandja eindilo lye ndyoka inali gwanithapo omiyalu.Oshikumungu osha pula natango komeho sho mboka yombala yaVakaNkora ya gandja eindilo lyaMaruta opo a ninge omuleli naWakudumo okwa popi kutya ina tala eindilo ndyoka molwaashoka aantu mboka kaye li oshitopolwa shezimo lyaaleli.Ngoloneya okwa popi kutya yina yaKayoka, Ruhepo Makanga, okwayi koRundu momasiku gatano gaKotomba mo 2021 na okwa pula ngoloneya opo a ninge omutumba nezimo lyaaleli mboka opo omananathano ngoka gathike pehulilo. Omutumba ngoka ogwa ningwa momasiku 13 gaNovemba 2021.Ngoloneya okwa popi kutya omutumba kagwali omupu ihe ogwa tokola opo Kayoka oye a ninge omuulikwa.Okwa tsikile kutya sha landula omutumba ngoka, ye naShikerete pamwe nezimo lyaakwaniilwa oya ningi eindilo lyaKayoka ndyoka lya ukithwa kuuministeli.Momasiku 13 Desemba 2021, Shikerete okwa tseyithile aakwashigwana yaaVaGciriku kutya Kayoka oye ta ningi omuleli gwawo na oya tegelela owala ezimino okuza kuuministeli.Kayoka okwa pewa odhimbo yopamuthigululwakalo hayi ithanwa ‘mpango’ ndjoka tayi holola elelo.

Olugodhi lyeuliko lyomukwaniilwa gwaaGciriku otalu hulu masiku

Comments

Namibian Sun 2025-07-10

Please login to leave a comment

Olugodhi lyeuliko lyomukwaniilwa gwaaGciriku otalu hulu masiku

Comments

Namibian Sun 2025-07-10

Please login to leave a comment

Login