Olugodhi lwoonkoshi naaniimuna mOmusati
Omukwaniilwa gwaNgandjera, Jafet Mupiya okwa pula opo ku ningwe omakonaakono omolwa omadhipago goonkoshi ngoka taga ningwa moshitopolwa shaMusati, ta popi kutya epangelo nali ninge omakonaakono ngele oonkoshi ndhoka dha dhipagwa odha li tuu shili tashi piyaganeke nokulya po iimuna yaakwashigwana.
Mupiya okwa popi kutya aaniimuna momudhingoloko guulithilo gwaNgandjera oya thigwa kaye na we nkene ye na okuninga kakele okudhipaga oonkoshi ndhoka tadhi e ta epiyagano monooli.
“Ngele onkoshi oya adhika tayi li iimuna nena nayi dhipagwe, iimuna oyi na okugamenwa, ihe Uuministeli wOmidhingolo nawu ninge omakonaakono okutala ngele oonkoshi ndhoka tadhi dhipagwa odhali tadhi yonagula tuu shili. Itandi hwahwameke aantu ya ye mokuti nokukakonga oonkoshi yedhidhipage nomaipopilo kutya otadha dhipaga iimuna yawo.”
Otaku popiwa kutya oongombe dha thika po-21 odha dhipagwa koonkoshi muule wiiwike ya piti.
Oonkoshi ne odha dhipagwa kaaniimuna monooli, nomoshiningwanima shoka oshitalala, omunangeshefa
David Kambwa Sheehama, okwa dhipaga onkoshi yimwe mOsoondaha. Pahapu dhaSheehama, oonkoshi ne odha yi mohambo ye momudhingoloko gwaOkerina, onguloshi yEtitano konyala oshinano shiikilometa 12 okuza moshikunino shiinamwenyo shEtosha.
Aaniilonga mohambo ye oye mu tseyithile esiku lya landula.
Okwa popi kutya okwa yi meendelelo kohambo molwaashoka oomwenyo dhaaniilonga ye oshowo dhiimuna ye odhili moshiponga koonkoshi ndhoka.
Okwa popi kutya oya yi molukongo lwoonkoshi ndhoka ne mOlyomakaya ihe oye ke dhimona owala mOsoondaha, na oye shi pondola owala okudhipaga po yimwe, na okwa popi kutya natango ota shuna opo a ka konge ko ndatu ndhoka inaya mona.
“Otandi shuna natango opo ndi ka konge ko ndatu ndhoka dha hupako. Ondi na okugamena aaniilonga yandje oshowo iimuna yandje,” Sheehama ta ti.
Okwa lopotwa kutya oonkoshi hetatu odhiiyaka mEtosha, ihe omupopiliko guuministeli, Romeo Muyunda ,okwa popi kutya oonkoshi owala 6 ya lopotelwa dhiiyaka mo moshikunino shoka shiinamwenyo.
Muyunda okwa nyana omukalo gwokudhipaga iiyamakuti ngoka tagu ningwa kaaniimuna, ta popi kutya okuuvite omakemo gawo ihe kashi li paveta okudhipaga iiyamakuti mbyoka.
Mupiya okwa popi kutya aaniimuna naya gamene aaniilonga yawo oshowo iimuna yawo. Okwa popi kutya iimuna otayi ponokela kiiyamakuti mbyoka omanga aanambelewa taya kutha ethimbo lyawo okuyamukula.
Hilda Namwenyo Nathingo, ngoka e li omunambelewa omukwatakanithi gwoSheya Shuushona Conservancy, okwa popi kutya ehala ndyoka lyuulithilo oli li koyi yoshikandjo shawo onkene omanga inaku dhipagwa iiyamakuti mbyoka ombelewa yawo nayi tseyithilwe oshowo Ombala yaNgandjera.
Ngele oshiyamakuti sha adhika sha dhipaga oshimuna nena uuna sha dhipagwa nashi falwe kombelewa yawo opamwe noshimuna shoka sha dhipagwa onga uumbangi.
“Ombelewa yetu pamwe nUuministeli wOmidhingoloko nena otatu ka ninga omakonaakono ngele oshiyamakuti shoka osha adhika tuu tashi piyaganeke shili, ngele hasho nena oveta otayi ka longa iilonga yawo,” Nathingo ta ti.
Aaniimuna otaya futwa oshimaliwa shooN$1 500 mongombe kehe tayi dhipagwa kiiyamakuti.
ILENI NANDJATO
“Ngele onkoshi oya adhika tayi li iimuna nena nayi dhipagwe, iimuna oyi na okugamenwa, ihe Uuministeli wOmidhingolo nawu ninge omakonaakono okutala ngele oonkoshi ndhoka tadhi dhipagwa odhali tadhi yonagula tuu shili. Itandi hwahwameke aantu ya ye mokuti nokukakonga oonkoshi yedhidhipage nomaipopilo kutya otadha dhipaga iimuna yawo.”
Otaku popiwa kutya oongombe dha thika po-21 odha dhipagwa koonkoshi muule wiiwike ya piti.
Oonkoshi ne odha dhipagwa kaaniimuna monooli, nomoshiningwanima shoka oshitalala, omunangeshefa
David Kambwa Sheehama, okwa dhipaga onkoshi yimwe mOsoondaha. Pahapu dhaSheehama, oonkoshi ne odha yi mohambo ye momudhingoloko gwaOkerina, onguloshi yEtitano konyala oshinano shiikilometa 12 okuza moshikunino shiinamwenyo shEtosha.
Aaniilonga mohambo ye oye mu tseyithile esiku lya landula.
Okwa popi kutya okwa yi meendelelo kohambo molwaashoka oomwenyo dhaaniilonga ye oshowo dhiimuna ye odhili moshiponga koonkoshi ndhoka.
Okwa popi kutya oya yi molukongo lwoonkoshi ndhoka ne mOlyomakaya ihe oye ke dhimona owala mOsoondaha, na oye shi pondola owala okudhipaga po yimwe, na okwa popi kutya natango ota shuna opo a ka konge ko ndatu ndhoka inaya mona.
“Otandi shuna natango opo ndi ka konge ko ndatu ndhoka dha hupako. Ondi na okugamena aaniilonga yandje oshowo iimuna yandje,” Sheehama ta ti.
Okwa lopotwa kutya oonkoshi hetatu odhiiyaka mEtosha, ihe omupopiliko guuministeli, Romeo Muyunda ,okwa popi kutya oonkoshi owala 6 ya lopotelwa dhiiyaka mo moshikunino shoka shiinamwenyo.
Muyunda okwa nyana omukalo gwokudhipaga iiyamakuti ngoka tagu ningwa kaaniimuna, ta popi kutya okuuvite omakemo gawo ihe kashi li paveta okudhipaga iiyamakuti mbyoka.
Mupiya okwa popi kutya aaniimuna naya gamene aaniilonga yawo oshowo iimuna yawo. Okwa popi kutya iimuna otayi ponokela kiiyamakuti mbyoka omanga aanambelewa taya kutha ethimbo lyawo okuyamukula.
Hilda Namwenyo Nathingo, ngoka e li omunambelewa omukwatakanithi gwoSheya Shuushona Conservancy, okwa popi kutya ehala ndyoka lyuulithilo oli li koyi yoshikandjo shawo onkene omanga inaku dhipagwa iiyamakuti mbyoka ombelewa yawo nayi tseyithilwe oshowo Ombala yaNgandjera.
Ngele oshiyamakuti sha adhika sha dhipaga oshimuna nena uuna sha dhipagwa nashi falwe kombelewa yawo opamwe noshimuna shoka sha dhipagwa onga uumbangi.
“Ombelewa yetu pamwe nUuministeli wOmidhingoloko nena otatu ka ninga omakonaakono ngele oshiyamakuti shoka osha adhika tuu tashi piyaganeke shili, ngele hasho nena oveta otayi ka longa iilonga yawo,” Nathingo ta ti.
Aaniimuna otaya futwa oshimaliwa shooN$1 500 mongombe kehe tayi dhipagwa kiiyamakuti.
ILENI NANDJATO
Comments
Namibian Sun
No comments have been left on this article