Olugodhi lwaJob naSacky
Job Amupanda ngoka ta futithwa oshimaliwa sha thika pooN$500 000 omolwa enyateko lyedhinlya Sacky Shanghala, okwa pula Okomisi yOkulwitha Uulingilingi opo yi gandje uuyelele kombinga yiipotha yontumba yuulingilingi.
Amupanda okupitila muhahende gwe, okwa pula omukomeho gwoAnti-Corruption Commission, Paulus Noa, opo a gandje uuyelele noondokumende dhi na sha nuulingilingi mefuto lyoohahende dhopondje, ndhoka dha li dha gandja omayele kepangelo nkene li na okupula iifuta okuza kepangelo lyaGermany omolwa omadhipago ga ningilwa aakwashigwana yAaHerero nAaNama pethimbo lyuukoloni, kepangelo lyokatongotongo lyaGermany.
Amupanda okupitila muhahende gwe, Kadhila Amoono, momasiku 16 gaFebruali okwa shanga ombaapila ndjoka tayi pula opo ya pewe oondokumende dhi na sha niipotha ayihe yuulingilingi mbyoka ya konaakonwa kokomisi yoACC shi na sha niifuta mbyoka ya futwa oohahende ndhoka dhopondje.
Noa natango okwa pulwa a holole ngele oku na owino yokugandja uuyelele mompangu yopombada.
Shanghala ota futitha Amupanda omolwa enyateko lyedhina lye sho a li nale hahende-ndjai gwepangelo, na okwa tulilemo Amupanda oshipotha muDesemba omolwa omapopyo ga ningwa kuAmupanda pethimbo lyomutumba gwoohahende ndjai ngoka gwa ningilwa moDoha sha Qatar.
Amupanda natango okwa hala Noa a gandje oondokumene dhiipotha yilwe yuulingilingi ngaashi omakonaakono ga ningwa mo 2017 giimaliwa ya gandjwa ya nuninwa oKora Awards; etsokumwe lyaNamcor noNamibia Liquid Fuel; Namibia Airports Company shi na sha nelongo lyokapale koodhila mOndangwa, Government Institutions Pension Fund (GIPF) ndjoka ya kaleke iifuta kehangano lyiikwaveta lyaSouth Afrika; etsokumwe lyaTransNamib nehangano lyoD&M Rail melongululo lyelila lyomashina gokolutenda pokati kaKransberg-Tsumeb; etsokumwe pokati kaNamibia Desert Diamonds (Namdia) oshowo ehangano lyaDubai, oonkundathana pokati komupanguli ndjai, ACC oshowo hahende ndaji gwepangelo kombinga yiifuta yohotela yominista Penda Ya Ndakolo oshowo etsokumwe lyiifuta pokati koExpedite Aviation Close Corporation nelelo lyondoolopa yaTsumeb. Noa okwa pulwa a yamukule muule womasiku gaheyali giilonga.
FRED GOEIEMAN
Amupanda okupitila muhahende gwe, okwa pula omukomeho gwoAnti-Corruption Commission, Paulus Noa, opo a gandje uuyelele noondokumende dhi na sha nuulingilingi mefuto lyoohahende dhopondje, ndhoka dha li dha gandja omayele kepangelo nkene li na okupula iifuta okuza kepangelo lyaGermany omolwa omadhipago ga ningilwa aakwashigwana yAaHerero nAaNama pethimbo lyuukoloni, kepangelo lyokatongotongo lyaGermany.
Amupanda okupitila muhahende gwe, Kadhila Amoono, momasiku 16 gaFebruali okwa shanga ombaapila ndjoka tayi pula opo ya pewe oondokumende dhi na sha niipotha ayihe yuulingilingi mbyoka ya konaakonwa kokomisi yoACC shi na sha niifuta mbyoka ya futwa oohahende ndhoka dhopondje.
Noa natango okwa pulwa a holole ngele oku na owino yokugandja uuyelele mompangu yopombada.
Shanghala ota futitha Amupanda omolwa enyateko lyedhina lye sho a li nale hahende-ndjai gwepangelo, na okwa tulilemo Amupanda oshipotha muDesemba omolwa omapopyo ga ningwa kuAmupanda pethimbo lyomutumba gwoohahende ndjai ngoka gwa ningilwa moDoha sha Qatar.
Amupanda natango okwa hala Noa a gandje oondokumene dhiipotha yilwe yuulingilingi ngaashi omakonaakono ga ningwa mo 2017 giimaliwa ya gandjwa ya nuninwa oKora Awards; etsokumwe lyaNamcor noNamibia Liquid Fuel; Namibia Airports Company shi na sha nelongo lyokapale koodhila mOndangwa, Government Institutions Pension Fund (GIPF) ndjoka ya kaleke iifuta kehangano lyiikwaveta lyaSouth Afrika; etsokumwe lyaTransNamib nehangano lyoD&M Rail melongululo lyelila lyomashina gokolutenda pokati kaKransberg-Tsumeb; etsokumwe pokati kaNamibia Desert Diamonds (Namdia) oshowo ehangano lyaDubai, oonkundathana pokati komupanguli ndjai, ACC oshowo hahende ndaji gwepangelo kombinga yiifuta yohotela yominista Penda Ya Ndakolo oshowo etsokumwe lyiifuta pokati koExpedite Aviation Close Corporation nelelo lyondoolopa yaTsumeb. Noa okwa pulwa a yamukule muule womasiku gaheyali giilonga.
FRED GOEIEMAN
Comments
Namibian Sun
No comments have been left on this article