Okapale komatukodhila taka lukilwa Ya Toivo

Otaku ka tulwa oshihongwathano shomukondjelimanguluko gwaNamibia, Herman Andimba Toivo Ya Toivo pokapale koondhila kaNdangwa.Shoka otashi ka ningwa nale nehangano lyoNamibia Airports Company (NAC) otali ka lukila okapale hoka omukondjelimanguluko ngoka, tashi ningwa pethimbo taku dhimbulukiwa esiku lyevalo lya Ya Toivo momasiku 22 gwomwedhi nguka, ano nena. Shoka osha tseyithwa kOmunambelewa Omukuluntu gwoNAC, Bisey /Uirab pethimbo a yamukula komanyenyeto ngoka ga ningwa komukwanezimo gwa Ya Toivo, Shali Kamati. Pahapu dha Kamati, ofamili oya li ya ithanwa opo yi ninge omutumba noNAC mu Juni opo ya kundathanwe kombinga yeluko lyopapale hoka, taka lukilwa Ya Toivo.Kamati okwa popi kutya ofamili oya pula oshihongwathano sha Ya Toivo shi tulwe pokapale hoka na oya hala woo okakololo kuuyelele moka aatalelipo taya vulu okumona uuyelele kombinga yondjokonona yepandufule ndyoka. Kamati okwa popi kutya oya lombwelwa kutya elukululo lyokapale hoka otali ningwa momasiku 22 gaAguste ihe itaku kala oshihongwathano. Okakololo komauyelele otaka pingenwapo keuliko lyomauyelele lyopashinanena, ihe ayihe mbyoka itayi ka kala ya pwa pethimbo okapale taka lukululwa./Uirab okwa koleke oohapu ndhoka ta popi kutya shoka osha tseyithilwa ofamili kutya elukululo otali endele pamwe nedhimbuluko lyevalo lyaYa Toivo, ihe iinima yilwe otayi ka ningwa nale. Okwa pula woo omaupyakadhi agehe oshowo omanyenyeto ngoka geli po ga ukithwe kehangano lyoNAC taku landulwa omilandu dhomondjila.ILENI NANDJATO

Okapale komatukodhila taka lukilwa Ya Toivo

Comments

Namibian Sun 2025-07-16

Please login to leave a comment

Okapale komatukodhila taka lukilwa Ya Toivo

Comments

Namibian Sun 2025-07-16

Please login to leave a comment

Login