Okanona koomvula 11 ka ningilwa omuyonena gopaihulo
OMUTOOLINKUNDANA GWOMENI
OVENDUKA
Okanona kokakadhona koomvula 11 oka ningilwa omuyonena gwopaihulo omanga ka kotha, sha ningwa komunamimvo 23 omulumentu mOmalinda mOsoondaha.
Otaku hokololwa kutya okakadhona hoka, yina oshowo okamwayina oyali ya lala sho omufekelwa a yi mombashu yawo ndjoka yali inayi pata. Omufekelwa okwa tulwa miipandeko.
Moshiningwanima shimwe, omukiintu gwoomvula 51 okwa yekwa kaalumentu yatatu mEtitano mOngwediva. Omulumentu gumwe okwe mu kwata onkonga. Kwiikwatelelwa kolopota yopolisi aafekelwa mboka oyiiyakele megumbo lyomukiintu ngoka naasho a shuna kegumbo ongulohi ndjoka okwa mono oopadhi dheenda pegumbo lye sho a patulula omweelo. Okwa ningi omakonaakono ta dhingoloka egumbo lye, na gumwe gwomaafekelwa okwe mu ponokele nokumu ponda ta pula iimaliwa.
Omufekelwa ngoka e mu ponokele okwe mu kwata onkonga omanga yakwawo taya hadha mohauto ye nondunda yokulala. Oya kutha mo oshimaliwa shooN$140 shoka sha li mondjato ye mohauto nokuya ontuku. Kape na ngoka a tulwa miipandeko.
Moshiningwanima shimwe natango, omukiintu gwoomvula 27 okwa kwatwa onkonga moWanahenda mOlyomakaya, konima sho ombashu ye ya tewa.
Palopota yopolisi omufekelwa okwa tete po eleynge ndyoka lya li pomweelo nokuya mombashu a homata ombele nondjembo.
Aakiintu yaali oya li mombashu na gumwe okwa mangwa. Aafelelwa oye shiwike kopolisi na inaya tulwa natango miipandeko.
Aalumentu yaali oya tulwa miipandeko Metitano sho ya adhika ya kuna iingangamithi mOmaruru. Iingangamithi mbyoka okwa lopotwa kutya oyongushu yooN$149 450. Oonakutulwa miipandeko omunamimvo 45 oshowo 65.
Mongwediva okwa tulwa miipandeko omulumentu gwoomvula 29 ngoka a adhika a kuna iingangamithi momukunda Oshipumbu-shomugogo.
Moshivelo okanona kokakadhona koomvula 13 okasi omeya pontopa yedhina Omulambaowambo omanga kali taka yogo mEtitano. Omudhimba gwokanona hoka ogwa kuthwa mo momeya kaayogi yopolisi yaNamibia. Nakusa okwa dhidhilikwa kutya oye Tresia Nghilukilwa, omunaskola mondondo onti 8 poskola Uukumwe Combined School.
OVENDUKA
Okanona kokakadhona koomvula 11 oka ningilwa omuyonena gwopaihulo omanga ka kotha, sha ningwa komunamimvo 23 omulumentu mOmalinda mOsoondaha.
Otaku hokololwa kutya okakadhona hoka, yina oshowo okamwayina oyali ya lala sho omufekelwa a yi mombashu yawo ndjoka yali inayi pata. Omufekelwa okwa tulwa miipandeko.
Moshiningwanima shimwe, omukiintu gwoomvula 51 okwa yekwa kaalumentu yatatu mEtitano mOngwediva. Omulumentu gumwe okwe mu kwata onkonga. Kwiikwatelelwa kolopota yopolisi aafekelwa mboka oyiiyakele megumbo lyomukiintu ngoka naasho a shuna kegumbo ongulohi ndjoka okwa mono oopadhi dheenda pegumbo lye sho a patulula omweelo. Okwa ningi omakonaakono ta dhingoloka egumbo lye, na gumwe gwomaafekelwa okwe mu ponokele nokumu ponda ta pula iimaliwa.
Omufekelwa ngoka e mu ponokele okwe mu kwata onkonga omanga yakwawo taya hadha mohauto ye nondunda yokulala. Oya kutha mo oshimaliwa shooN$140 shoka sha li mondjato ye mohauto nokuya ontuku. Kape na ngoka a tulwa miipandeko.
Moshiningwanima shimwe natango, omukiintu gwoomvula 27 okwa kwatwa onkonga moWanahenda mOlyomakaya, konima sho ombashu ye ya tewa.
Palopota yopolisi omufekelwa okwa tete po eleynge ndyoka lya li pomweelo nokuya mombashu a homata ombele nondjembo.
Aakiintu yaali oya li mombashu na gumwe okwa mangwa. Aafelelwa oye shiwike kopolisi na inaya tulwa natango miipandeko.
Aalumentu yaali oya tulwa miipandeko Metitano sho ya adhika ya kuna iingangamithi mOmaruru. Iingangamithi mbyoka okwa lopotwa kutya oyongushu yooN$149 450. Oonakutulwa miipandeko omunamimvo 45 oshowo 65.
Mongwediva okwa tulwa miipandeko omulumentu gwoomvula 29 ngoka a adhika a kuna iingangamithi momukunda Oshipumbu-shomugogo.
Moshivelo okanona kokakadhona koomvula 13 okasi omeya pontopa yedhina Omulambaowambo omanga kali taka yogo mEtitano. Omudhimba gwokanona hoka ogwa kuthwa mo momeya kaayogi yopolisi yaNamibia. Nakusa okwa dhidhilikwa kutya oye Tresia Nghilukilwa, omunaskola mondondo onti 8 poskola Uukumwe Combined School.
Comments
Namibian Sun
No comments have been left on this article