Okamati koomvula 12 kiidhipaga
TUYEIMO HAIDULA
OSHAKATI Okamati koomvula 12 okwa lopotwa kiidhipagele megumbo lyaavali yako mOmuthiya moshitopolwa shaShikoto, mOlyomakaya ga piti. Komanda yopolisi moshitopolwa shaShikoto, Komufala Armas Shivute, okwa popi kutya oshiningwanima osha ningwa lwopotundi onti: 19h00.
Okwa lopotwa kutya nakusa okwa li megumbo naavali ye.
“Konima sho a mana okuzaleka omambo ge gosikola okwa yi mondunda ye yokulala. Konima yethimbo meme gwanakusa okwa tameke te mu ithana iha ita yamukula,” Shivute a popi.
Sho meme gwe a yi mondunda okwa adha eendjelela moombuli dhondunda iimangeleka nomwiya.
Nakusa okwa tumbulwa kutya oMartin Mbangi Itamalo, ngoka a li omunaskola mondondo ontihamano poskola yopaumwene momudhingoloko ngoka. Kape na omukanda gwa sha gwa thigapo.
Lwopokati mpoka moshipotha sha yooloka, omulumentu gwoomvula 35 okwa tulwa miipandeko sho a adhika niingangamithi molukanda Soweto moTsumeb, mOsoondaha.
Shivute okwa popi kutya opolisi oyali tayi patolola sho yaadha ongundu yaantu taya nu omaluvu.
“Shoka osha etitha opolisi yi ningile omapulaaapulo aantu mboka, niingangamithi oya gu mondjato yomufekelwa. Shoka osha etitha opolisi yi mu hadhe.”
Iingangamithi yongushu yooN$700 oya dhika komufelekwa ngoka atulwa miipandeko.
– [email protected]
OSHAKATI Okamati koomvula 12 okwa lopotwa kiidhipagele megumbo lyaavali yako mOmuthiya moshitopolwa shaShikoto, mOlyomakaya ga piti. Komanda yopolisi moshitopolwa shaShikoto, Komufala Armas Shivute, okwa popi kutya oshiningwanima osha ningwa lwopotundi onti: 19h00.
Okwa lopotwa kutya nakusa okwa li megumbo naavali ye.
“Konima sho a mana okuzaleka omambo ge gosikola okwa yi mondunda ye yokulala. Konima yethimbo meme gwanakusa okwa tameke te mu ithana iha ita yamukula,” Shivute a popi.
Sho meme gwe a yi mondunda okwa adha eendjelela moombuli dhondunda iimangeleka nomwiya.
Nakusa okwa tumbulwa kutya oMartin Mbangi Itamalo, ngoka a li omunaskola mondondo ontihamano poskola yopaumwene momudhingoloko ngoka. Kape na omukanda gwa sha gwa thigapo.
Lwopokati mpoka moshipotha sha yooloka, omulumentu gwoomvula 35 okwa tulwa miipandeko sho a adhika niingangamithi molukanda Soweto moTsumeb, mOsoondaha.
Shivute okwa popi kutya opolisi oyali tayi patolola sho yaadha ongundu yaantu taya nu omaluvu.
“Shoka osha etitha opolisi yi ningile omapulaaapulo aantu mboka, niingangamithi oya gu mondjato yomufekelwa. Shoka osha etitha opolisi yi mu hadhe.”
Iingangamithi yongushu yooN$700 oya dhika komufelekwa ngoka atulwa miipandeko.
– [email protected]
Comments
Namibian Sun
No comments have been left on this article