Nujoma okwa hala omwiya gwopamuthigululwakalo gwaKahimemua gu galulwe
Omukokoli Presidende, Sam Nujoma okwa indile opo ofamili yaVoigts yi gandje omwiya gwopamuthigululwakalo gwomukwaniilwa nale gwOvambanderu, komukwaniilwa gwaakwshigwana mboka monena Kilus Munjuku III Nguvauva.
Omwiya ngoka gwopamuthigululwakalo gwa kala hagu zalwa komukwaniilwa nale gwaakwashigwana mboka, Kahimemua Nguavua okwa hololwa guli oshilimbo oshinene shopamuthigululwkalo mofamili yaaleli mboka.
Nujoma okwa ningi endilo ndyoka oshiwike shika pethimbo kwa dhimbulukiwa oshikando oshiti 122 sholugodhi ndyoka lwa ningilwa mOtjunda mOkahandja , opo omwiya ngoka gu galulwe, onga oshilimbo shedhiminathanepo.
Nujoma okwa popi kutya oku na uuyelele kutya Gustav Voigts okwa li gumwe gwomaakwiita mboka ya pewa oshinakugwanithwa shokukutha oonkondo dhopakwaita omukwaniilwa nale Kahimemua na okwe mu kutha woo omwiya ngoka na ogwali gwa falwa muyimwe yomoongulu dhoompungulilo moGermany ihe okwe ke gu talako lwanima.
Omukwaniilwa Nguvavuva Nguvauva, gwaakwashigwana yAambanderu mboka ye li moBotswana naye okwa yambidhidha omapopyo gaNujoma kutya omwiya ngoka ogwa kalela po uuthiga uunene waakwashigwana mboka, na okwa indile kehe ngoka e gu na opo egugalule.
Pahapu dhomugandjimayele mOvambanderu Traditional Authority, Ueriurika Nguvauva, omwiya ngoka ogu li oshitopolwa shiinima oyindji mbyoka ya li ya gandjwa omagano kompungulilo dhopamuthigululwakalo yaBraunschweig Museum moGermany, ihe okwa lopotwa kutya omwiya ngoka ogwa li gwa kuthwa mo moompungulilo ndhoka kuVoigts.
Nujoma okwa popi kutya Kahimemua okwa futu ondando yili pombanda yemonitho lyiihuna okuza kelelo lyuukoloni lyaGermany na okwa li a tindi okugandja evi kaaGermany sho ye mu pula opo a gandje po evi lyaakwashigwana ye.
Olugodhi ndoka lwa Otjunda (Sturmfeld) olwa ningwa momasiku ga 6 gaMei momvula yo 1896 moka ofamili yaNguvauva ya dhipagwa komatanga gaakwiita yaaNdowishi.
Kahimemua, ngoka eehamekelwa molugodhi ndoka okwa zi po pehala lyolugodhi ina monika ihe lwanima okwa tulwa miipandeko nokukuthwa iilwitho.
Okwa kondjithwa opo eende kolupadhi okuza moGobabis okuya mOkahandja moka a yahelwa ooholo dhi li 12.
NAMPA
Omwiya ngoka gwopamuthigululwakalo gwa kala hagu zalwa komukwaniilwa nale gwaakwashigwana mboka, Kahimemua Nguavua okwa hololwa guli oshilimbo oshinene shopamuthigululwkalo mofamili yaaleli mboka.
Nujoma okwa ningi endilo ndyoka oshiwike shika pethimbo kwa dhimbulukiwa oshikando oshiti 122 sholugodhi ndyoka lwa ningilwa mOtjunda mOkahandja , opo omwiya ngoka gu galulwe, onga oshilimbo shedhiminathanepo.
Nujoma okwa popi kutya oku na uuyelele kutya Gustav Voigts okwa li gumwe gwomaakwiita mboka ya pewa oshinakugwanithwa shokukutha oonkondo dhopakwaita omukwaniilwa nale Kahimemua na okwe mu kutha woo omwiya ngoka na ogwali gwa falwa muyimwe yomoongulu dhoompungulilo moGermany ihe okwe ke gu talako lwanima.
Omukwaniilwa Nguvavuva Nguvauva, gwaakwashigwana yAambanderu mboka ye li moBotswana naye okwa yambidhidha omapopyo gaNujoma kutya omwiya ngoka ogwa kalela po uuthiga uunene waakwashigwana mboka, na okwa indile kehe ngoka e gu na opo egugalule.
Pahapu dhomugandjimayele mOvambanderu Traditional Authority, Ueriurika Nguvauva, omwiya ngoka ogu li oshitopolwa shiinima oyindji mbyoka ya li ya gandjwa omagano kompungulilo dhopamuthigululwakalo yaBraunschweig Museum moGermany, ihe okwa lopotwa kutya omwiya ngoka ogwa li gwa kuthwa mo moompungulilo ndhoka kuVoigts.
Nujoma okwa popi kutya Kahimemua okwa futu ondando yili pombanda yemonitho lyiihuna okuza kelelo lyuukoloni lyaGermany na okwa li a tindi okugandja evi kaaGermany sho ye mu pula opo a gandje po evi lyaakwashigwana ye.
Olugodhi ndoka lwa Otjunda (Sturmfeld) olwa ningwa momasiku ga 6 gaMei momvula yo 1896 moka ofamili yaNguvauva ya dhipagwa komatanga gaakwiita yaaNdowishi.
Kahimemua, ngoka eehamekelwa molugodhi ndoka okwa zi po pehala lyolugodhi ina monika ihe lwanima okwa tulwa miipandeko nokukuthwa iilwitho.
Okwa kondjithwa opo eende kolupadhi okuza moGobabis okuya mOkahandja moka a yahelwa ooholo dhi li 12.
NAMPA
Comments
Namibian Sun
No comments have been left on this article