Nghidinwa ta pewa efumbiko lyopapangelo
Omupresidemde Hage Geingob okwa tseyitha ongula yEtiyali kutya Ominista nale yOkabinete, Rosalia Nghidinwa ota pewa efumbiko lyopapangelo. Shoka osha kolekwa kuamushanga gwokabinete, George Simataa.
Ominista nale yoshikondo shuuthikepamwe oya hulithile moshipangelo shaVenduka, konima sho a taambelwa moshipangelo moka momasiku 19 gaDesemba omvula ya piti. Okwa hulitha mepupi lyoomvula 65.
Oshituthidhimbuluko shanakusa otaku pangelwa shi ningilwe moshikunino shoPaliamende mEtitatu lyoshiwike twa taalela, nomudhimba gwe otagu ka falwa moNkurenkuru moKavango West moka taka fumbikwa mOlyomakaya. Omupopi moPaliamende Peter Katjavivi, okwa gandja omahekeleko kofamili nookume kaNghidinwa pehala lyopaliamende. Nghidinwa okwa longa onga
omupeha minista moshikondo shaaniilonga pokati ko 2000 no 2005, ominista yiikwameni nomatembu pokati ko 2005 no 2012, na okwa hogolululwa mOmutumba gwoPashigwana mo 2010.
Okwa ulikwa nokuninga ominista yUuthikepamwe muDesemba gwo 2012 sigo 2015.
Katjavivi okwa popi kutya nakusa okwa kala e na omukumo nomatokolo mooprograma dhokuyambulapo aakwashigwana nokuyambulapo onkalonawa yaakokele, aakiintu naanona. Okwa tsikile kutya opaliamende ayihe otayi ke mu yuulukwa onga omuleli gwoshili nomuvalakadhi e na oshisho.
JEMIMA BEUKES
Ominista nale yoshikondo shuuthikepamwe oya hulithile moshipangelo shaVenduka, konima sho a taambelwa moshipangelo moka momasiku 19 gaDesemba omvula ya piti. Okwa hulitha mepupi lyoomvula 65.
Oshituthidhimbuluko shanakusa otaku pangelwa shi ningilwe moshikunino shoPaliamende mEtitatu lyoshiwike twa taalela, nomudhimba gwe otagu ka falwa moNkurenkuru moKavango West moka taka fumbikwa mOlyomakaya. Omupopi moPaliamende Peter Katjavivi, okwa gandja omahekeleko kofamili nookume kaNghidinwa pehala lyopaliamende. Nghidinwa okwa longa onga
omupeha minista moshikondo shaaniilonga pokati ko 2000 no 2005, ominista yiikwameni nomatembu pokati ko 2005 no 2012, na okwa hogolululwa mOmutumba gwoPashigwana mo 2010.
Okwa ulikwa nokuninga ominista yUuthikepamwe muDesemba gwo 2012 sigo 2015.
Katjavivi okwa popi kutya nakusa okwa kala e na omukumo nomatokolo mooprograma dhokuyambulapo aakwashigwana nokuyambulapo onkalonawa yaakokele, aakiintu naanona. Okwa tsikile kutya opaliamende ayihe otayi ke mu yuulukwa onga omuleli gwoshili nomuvalakadhi e na oshisho.
JEMIMA BEUKES
Comments
Namibian Sun
No comments have been left on this article