Nghidinwa a fumbikwa mOlyomakaya
Ominista nale yIikwameni nOmatembu, Rosalia Nghidinwa, okwa fumbikwa kengathithi enene moNkurenkuru moKavango West, mOlyokaya.
30 January 2018 | Local News
Aalilisa omathele ya za koombinga noombinga dhoshilongo oya gongala pomayendo goEvangelical Lutheran Church in Namibia (ELCIN) moNkurenkuru opo ya gandje esimaneko lyawo lya hugunina kOminista nale Rosalia Nghidinwa.
Nghidinwa okwa hulitha ongulohi yomasiku 14 gaJanuari mepupi lyoomvula 65.
Nghidinwa okwa fumbikwa pooha nomusamane gwe Sam.
Mokati kaamboka ya kala poshituthifumbiko shanakusa, omwa kwatelwa Omukokoli Presidende Sam Nujoma, Omupeha Presidende Nickey Iyambo oshowo Omuprima Saara Kuugongelwa-Amadhila.
Oyendji mboka ya hokolola Ngidinwa oya popi kutya omuntu ngoka e hole ofamili, omupangi omwiitulimo, omuhwahwameki gwomayambulepo na okwa dhana onkandangala onene mekondjelomanguluko lyaNamibia, oshowo konima sho oshilongo sha manguluka.
Nghidinwa okwa hokololwa kutya omuntu gumwe ngoka ta tsakanene nomuyeni nokumutaambako onga okanona ke mwene. Pethimbo lyoshituthi shoka sha ningwa mOlyomakaya, aalilisa oya li yangunumana ihe sho oshiketha she sha kulukile mevi, aantu ka ya li taya vulu okwiidhidhimika unene tuu aakwanezimo naanona ye.
Oyendji yomaanapolotika mboka ya mono ompito okupopya kombinga yanakusa, oya holola kutya Nghidinwa okwa li omuntu iitulamo mokuyakula AaNamibia.
Iyambo ngoka a lesha etumwalaka lyOmupresidende Hage Geingob, okwa popi kutya Nghidinwa okwa kala iitulamo mokukwathela Aanamibia. Okwa tsikile kutya omunapolotika ngoka okwa dhana onkandangala onene meyambulepo lyoshilongo oshowo onkalonawa yaakwashigwana, naashoka oshilonga oshinene shoka a longo na itashi shimbiwa.
Aakwashigwana mboka ya ningwa nayo oonkundathana koshifokundaneki shoNamibian Sun opo ya hokolole oondjokonona dhawo naNghidinwa, ngoka ya kala taya ithana 'Sister Rosa' nenge 'Comrade Rosalia, oya popi kutya nakusa okwa kutha ombinga moopoloyeka odhindji dhomayambuepo moNkurenkuru.
Nghidinwa okwa thiga ko oyana yahamano.
KENYA KAMBOWE
Nghidinwa okwa hulitha ongulohi yomasiku 14 gaJanuari mepupi lyoomvula 65.
Nghidinwa okwa fumbikwa pooha nomusamane gwe Sam.
Mokati kaamboka ya kala poshituthifumbiko shanakusa, omwa kwatelwa Omukokoli Presidende Sam Nujoma, Omupeha Presidende Nickey Iyambo oshowo Omuprima Saara Kuugongelwa-Amadhila.
Oyendji mboka ya hokolola Ngidinwa oya popi kutya omuntu ngoka e hole ofamili, omupangi omwiitulimo, omuhwahwameki gwomayambulepo na okwa dhana onkandangala onene mekondjelomanguluko lyaNamibia, oshowo konima sho oshilongo sha manguluka.
Nghidinwa okwa hokololwa kutya omuntu gumwe ngoka ta tsakanene nomuyeni nokumutaambako onga okanona ke mwene. Pethimbo lyoshituthi shoka sha ningwa mOlyomakaya, aalilisa oya li yangunumana ihe sho oshiketha she sha kulukile mevi, aantu ka ya li taya vulu okwiidhidhimika unene tuu aakwanezimo naanona ye.
Oyendji yomaanapolotika mboka ya mono ompito okupopya kombinga yanakusa, oya holola kutya Nghidinwa okwa li omuntu iitulamo mokuyakula AaNamibia.
Iyambo ngoka a lesha etumwalaka lyOmupresidende Hage Geingob, okwa popi kutya Nghidinwa okwa kala iitulamo mokukwathela Aanamibia. Okwa tsikile kutya omunapolotika ngoka okwa dhana onkandangala onene meyambulepo lyoshilongo oshowo onkalonawa yaakwashigwana, naashoka oshilonga oshinene shoka a longo na itashi shimbiwa.
Aakwashigwana mboka ya ningwa nayo oonkundathana koshifokundaneki shoNamibian Sun opo ya hokolole oondjokonona dhawo naNghidinwa, ngoka ya kala taya ithana 'Sister Rosa' nenge 'Comrade Rosalia, oya popi kutya nakusa okwa kutha ombinga moopoloyeka odhindji dhomayambuepo moNkurenkuru.
Nghidinwa okwa thiga ko oyana yahamano.
KENYA KAMBOWE
Classifieds