Ngame OmukwaSwapo – Iipinge
Kansela gwoshikandjohogololo shaWalvis Bay Urban, Knowledge Iipinge okwa koleke kutya nonando okwa kutha ombinga momahogololo guukansela mboka iithikamena, ye okuli oshilyo shoSwapo. Omahogololo oga ningwa momasiku 15 gaJanuari nuumvo.
Iipinge, ngoka e li gumwe gwomaahwahwameki yoAffirmative Repositioning movement moshitopolwa shErongo okwa dhengemo omuulikwahogololwa gwaSwapo, Sirie Topulathana.
Iipinge okuli omukwaSwapo omutiyali e li ta lele oshikandjohogololo onga omuhogololwa iithikamena, pamwe nakansela gwoshikandjohogololo Otjombinde, Katjanaa Kaurivi.
Kaurivi okwa kala kansela iithikamena okuza omvula yo 2015.
Moonkundathana dhoka a ningwa naye koNamibian Sun, Iipinge okwa yelitha kutya ye okuli oshilyo shoSwapo Party Youth League (SPYL) na kape na epuko okukutha ombinga methigathano nomuulikwa gwaSwapo.
Omukomeho gwelelo lyaSwapo, Austin Samupwa okwa popi kutya ita yamukula kiikumungu mbyoka.
Omunongononi gwonkalo yopolotika, Ndumba Kamwanyah okwa kunkilile kutya onkalo yaahogololwa yiithikamena tayi hwahwamekwa koAR, otayi vulu okweetitha etekepo lyoSwapo.
Omuhogololwa iithikamena na okuli oshilyo shoSwapo, Panduleni Itula okwa kutha ombinga methigathano lyuupresidende pamwe nomupresidende gwongundu Hage Geingob.
Pahapu dhaKamwanyah, endopo lyaSwapo okukatulika Itula oonkatu otashi etitha iilyo oyindji yi vule okukala tayi kutha ombinga momathigathano onga aahogololwa yiithikamena. Itula, ngoka ta pataneke iizemo yomahogololo guupresiende ngoka ga ningwa moshilongo omvula ya piti, natango okwa tegelelwa etokolo lyOmpangu yoPombandeelela na okuli e na natango uukwashilyo we woSwapo.
Oonkambadhala okumona omuleli gwoAR Job Amupanda odha hulile muunyengwi.
OMUTOOLINKUNDANA GWOMENI
Iipinge, ngoka e li gumwe gwomaahwahwameki yoAffirmative Repositioning movement moshitopolwa shErongo okwa dhengemo omuulikwahogololwa gwaSwapo, Sirie Topulathana.
Iipinge okuli omukwaSwapo omutiyali e li ta lele oshikandjohogololo onga omuhogololwa iithikamena, pamwe nakansela gwoshikandjohogololo Otjombinde, Katjanaa Kaurivi.
Kaurivi okwa kala kansela iithikamena okuza omvula yo 2015.
Moonkundathana dhoka a ningwa naye koNamibian Sun, Iipinge okwa yelitha kutya ye okuli oshilyo shoSwapo Party Youth League (SPYL) na kape na epuko okukutha ombinga methigathano nomuulikwa gwaSwapo.
Omukomeho gwelelo lyaSwapo, Austin Samupwa okwa popi kutya ita yamukula kiikumungu mbyoka.
Omunongononi gwonkalo yopolotika, Ndumba Kamwanyah okwa kunkilile kutya onkalo yaahogololwa yiithikamena tayi hwahwamekwa koAR, otayi vulu okweetitha etekepo lyoSwapo.
Omuhogololwa iithikamena na okuli oshilyo shoSwapo, Panduleni Itula okwa kutha ombinga methigathano lyuupresidende pamwe nomupresidende gwongundu Hage Geingob.
Pahapu dhaKamwanyah, endopo lyaSwapo okukatulika Itula oonkatu otashi etitha iilyo oyindji yi vule okukala tayi kutha ombinga momathigathano onga aahogololwa yiithikamena. Itula, ngoka ta pataneke iizemo yomahogololo guupresiende ngoka ga ningwa moshilongo omvula ya piti, natango okwa tegelelwa etokolo lyOmpangu yoPombandeelela na okuli e na natango uukwashilyo we woSwapo.
Oonkambadhala okumona omuleli gwoAR Job Amupanda odha hulile muunyengwi.
OMUTOOLINKUNDANA GWOMENI
Comments
Namibian Sun
No comments have been left on this article